အနည်းဆုံးအခကြေးငွေကို တိုင်းဒေသကြီးနဲ့ပြည်နယ်တွေအလိုက် ခွဲခြားသတ်မှတ်ခြင်းမပြုဘဲ တစ်နိုင်ငံလုံးအတိုင်းအတာနဲ့(၄၀၀၀)မှ(၄၈၀၀)အကြားသတ်မှတ်ဖို့ အလုပ်သမားလူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောပါတယ်။ပြည်တွင်းမှာ အနည်းဆုံး အခကြေးငွေပြင်ဆင်ဖို့နဲ့ ပတ်သက်ပြီး အောက်တိုဘာလ၂ရက်က နေပြည်တော် အလုပ်သမားလူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနရုံးမှာ ပြုလုပ်ခဲ့တဲ့ အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီ၏ တတိယအကြိမ်မြောက် ညှိနှိုင်းအစည်းအဝေးမှာ ပြောကြားခဲ့တာပါ။ အနည်းဆုံးအခကြေးငွေကို (၄၀၀၀)နဲ့ (၄၈၀၀)အကြား သတ်မှတ်ဖို့အတွက် တိုင်းဒေသကြီးနဲ့ ပြည်နယ် အလိုက် တစ်ရက်လုပ်ခ အဆိုပြုနှုန်းထားတွေထဲက သင့်တော်တဲ့ နှုန်းထားကို ရယူသတ်မှတ်ခဲ့တာပါ။
 
ပြည်ထောင်စုနယ်မြေအပါအ၀င် တိုင်းဒေသကြီးနဲ့ ပြည်နယ်အလိုက် သတ်မှတ်နှုန်းထားတွေထဲမှာ ရှမ်းပြည်နယ် က တစ်ရက်လုပ်ခအဆိုပြုနှုန်းထား အနည်းဆုံးဖြစ်တဲ့ (၄၀၀၀) ကိုတင်ပြခဲ့တာဖြစ်ပြီး ရန်ကုန်တိုင်းဒေသကြီးက တစ်ရက်လုပ်ခ အဆိုပြုနှုန်းထားကို (၄၄၀၀)နဲ့(၆၄၀၀)အကြား သတ်မှတ်သင့်တယ်လို့  တင်ပြခဲ့တာကြောင့် အများဆုံးတင်ပြခဲ့ တယ်လို့ သိရပါတယ်။ ယခုကျင်းပခဲ့တဲ့အနည်းဆုံး အခကြေးငွေ သတ်မှတ်ရေး ဆိုင်ရာ အမျိုးသားကော်မတီ၏ တတိယ အကြိမ်မြောက် ညိုနှိုင်းအစည်းအဝေးမှာ တစ်နိုင်ငံလုံးကို အနည်းဆုံးအခကြေးငွေကို တစ်ပြေးညီသတ်မှတ် ရေးကိစ္စတွေ၊ အနည်ဆုံး အခကြေးငွေ သတ်မှတ်ရာမှာ အလုပ်သမားဦးရေအလိုက် သတ်မှတ်ရေးကိစ္စတွေနဲ့  လုပ်ငန်းမခွဲခြားပဲ တစ်ပြေးညီသတ်မှတ်ရေးကိစ္စတွေကို ပြန်လည်ဆွေးနွေးပြီးနောက် အကြိမ် အစည်းအဝေးမှာ တင်ပြဖို့ဆုံးဖြတ်ခဲ့ပါတယ်။ လက်ရှိမြန်မာနိုင်ငံအနေနဲ့  အနည်းဆုံးအခကြေးငွေကို (၃၆၀၀) သတ်မှတ်ထားတာဖြစ်ပြီး လာမည့်နှစ်မေလမတိုင်ခင် အနည်းဆုံးအခကြေးငွေကို ပြင်ဆင်သတ်မှတ်သွားမယ်လို့ သိရကာအလုပ်သမားတွေဖက်ကတော့ တစ်ရက်အနည်းဆုံးအခကြေးငွေကိုကျပ်(၅၆၀၀) ၀န်းကျင်ပေးဖို့ တင်ပြထားတယ်လို့ သိရပါတယ်။
 
 

Related News