အဂတိလိုက်စားမူတိုက်ဖျက်ရေး ကော်မရှင်  ဖွဲ့စည်းဖိုနဲ့ ဥက္ကဋ္ဌအဖြစ် ဦးအောင်ကြည်ကို ခန့်အပ်ဖိုအတွက် နိုင်ငံတော်သမ်္မတ ပြည်ထောင်စု လွှတ်တော်ကို တင်ပြခဲ့ပါတယ်။ 
 
နိုင်ငံတော်သမ္မတထံမှပေးပို့ထားတဲ့ အဂတိလိုက်စားမှုတိုက်ဖျက်ရေးကော်မရှင် ဖွဲ့စည်းဖို့ ကိစ်္စနဲ့ ပတ်သက်ပြီး နိုဝင်ဘာလ၂၀ရက်က ပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော် ဆဋ္ဌမပုံမှန်အစည်းအဝေးမှာ နိုင်ငံတော်သမ္မတထံမှ ပြည်ထောင်စု လွှတ်တော်နာယကထံ ပေးပို့ထားတဲ့ သ၀ဏ်လွှာကို ပြည်ထောင်စု လွှတ်တော်နာယက မန်းဝင်းခိုင်သန်းက ဖတ်ကြားခဲ့ တာပါ။ 
 
အဂတိလိုက်စားမှု တိုက်ဖျက်ရေးကော်မရှင်မှာ တာဝန်ထမ်းဆောင်ဖို့ရာအတွက် နိုင်ငံတော်သမ္မတက ပြန်ကြားရေးဝန်ကြီးဌာန ပြည်ထောင်စုဝန်ကြီး(ငြိမ်း) ဦးအောင်ကြည်အပါအ၀င် လေးဦးကို အမည်စာရင်း တင်သွင်းခဲ့ပြီး လွှတ်တော်ဥက်္ကဋ္ဌနှစ်ဦးမှလည်း လေးဦးစီ အမည်စာရင်းတင်သွင်းခဲ့ကာ စုစုပေါင်း ၁၂ဦးနဲ့ အဆိုပါကော်မရှင်ကို ဖွဲ့စည်းဖို့ လျာထားတယ်လို့ သိရပါတယ်။ 
 
အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌအဖြစ်ကိုတော့ တင်သွင်းခဲ့တဲ့ အမည်စာရင်း တွေထဲကနေ ပြန်ကြားရေးဝန်ကြီးဌာန ပြည်ထောင်စုဝန်ကြီး(ငြိမ်း)ဦးအောင်ကြည်ကို လျာထားပြီး အတွင်းရေးမှူးအဖြစ် ဦးစန်းဝင်းတို့ကို လျာထားတယ်လို့ သိရပါတယ်။ 
 
ပြည်ထောင်စု လွှတ်တော်မှာ တင်သွင်းခဲ့တဲ့ အဂတိလိုက်စားမှုတိုက်ဖျက်ရေးကော်မရှင်ဖွဲ့စည်းဖို့ ကိစ္စ နဲ့ အဆိုပါကော်မရှင်မှာ တာဝန်ထမ်း ဆောင်ဖို့ရာအတွက် အမည်စာရင်းပေးသွင်းထားသူတွေကို အတည်ပြုနိုင်ဖို့နဲ့ နိုဝင်ဘာလ၂၃ ရက်မှာပြုလုပ်မဲ့ ပြည်ထောင်စုလွှတ်တော် အစည်းအဝေးမှာ ဆွေးနွေးဆုံးဖြတ်သွားမှာလည်း ဖြစ်ပါတယ်။
 
 

Related News