မြန်မာနိုင်ငံရဲ့ တရားစီရင်ရေးကဏ္ဍမှာ ထင်ရှားစွာပါဝင်ခဲ့တဲ့ နှစ်ပေါင်း (၁၀၀)ကျော် သက်တမ်းရှိ တရားရုံးချုပ်အဆောက်အအုံမှာ  မြို့ပြအမွေအနှစ် အထိမ်းအမှတ် အပြာရောင်ကမ်္ဗည်းပြားကို နိုဝင်ဘာ(၂၄)ရက်က ရန်ကုန်တိုင်းဒေသကြီး တရားလွှတ်တော်မှာ တပ်ဆင်ခဲ့တာဖြစ်ပါတယ်။ 
 
တရားရုံးချုပ်အဆောက်အအုံ တည်ဆောက်ရာမှာ တရားစီရင်ရေးအာဏာကို ထင်ဟပ်စေရန် ရည်ရွယ်ချက်နဲ့ ပုံစံထုတ်လုပ်ခဲ့တာဖြစ်ပြီး ထူးခြားတဲ့လက်ရာတွေနဲ့ အမိုးခုံးများပေါ်မှာ ခြင်္သေ့ရုပ် တွေနဲ့ တစ်နာရီခြားတစ်ခါမြည်သံပေးတဲ့ ကြီးမားတဲ့နာရီစင်ကြီးကိုလည်း ထည့်သွင်းထားရှိခဲ့တဲ့ အဆောက်အအုံတစ်ခုလည်း ဖြစ်ပါတယ်။ နာရီစင်ကြီးကို ခက်ခက်ခဲခဲတည်ဆောက်ခဲ့ရပြီး ရွှံဆန်တဲ့ အောက်ခံမြေကြောင့် စိုစွတ်တဲ့မြေမှာ အထားခံတဲ့ သစ်ရာသစ်လုံးတွေကို မြေကြီးထဲကို ထိုးသွင်းပြီးတည်ဆောက်ခဲ့ရတယ်လို့သိရပါတယ်။
 
အပြာရောင်ကမ္ဗည်းပြားတပ်ဆင်ခြင်းဟာ ရှေးဟောင်းအမွေအနှစ်အဆောက်အအုံတွေကို အရေးပါကြောင်း အထိမ်းအမှတ်ပြုရုံမဟုတ်ဘဲ ရန်ကုန်မြို့မှာ နေထိုင်သူတွေအတွက် အဆောက်အအုံတွေရဲ့ သမိုင်းအကြောင်းတွေကို ပြန်လည်ထုတ်ဖော်ဖို့၊ အမှတ်ရဖို့ကာကွယ်ဖို့နဲ့ ဂုဏ်ပြုဖို့အတွက် တပ်ဆင်တာဖြစ်တယ်လို့သိရပါတယ်။ တရားရုံးချုပ်အဆောက်အအုံကို (၁၉၀၅)ခုနှစ်မှာ စတင်တည်ဆောက်ခဲ့ပြီး (၁၉၉၁)ခုနှစ်တွင် ပြီးစီးကာ ရူပီငွေ(၂၄)သိန်း အကုန်ကျခံတည်ဆောက်ခဲ့ခြင်း ဖြစ်တယ်လို့ပြောပါတယ်။ 
 
အပြာရောင်ကမ္ဗည်းပြား ပထမဆုံးတပ်ဆင် ခဲ့တဲ့အဆောက်အဦမှာ ရန်ကုန် မြို့တော်ခန်းမ ဖြစ်ပါတယ်။  အပြာရောင်ကမ်္ဗည်းပြားတပ်ဆင်တဲ့အခါမှာ ရှေးဟောင်း အမွေအနှစ်ဗိသုကာ လက်ရာမြောက်တဲ့ အဆောက်အအုံတွေကိုရွေးချယ်ပြီး  ရန်ကုန်မြို့လည်ခေါင် ခရီးသွားဧည့်သည်တွေ ဖြတ်သန်းသွားလာနေတဲ့ နေရာတွေကိုဦးစားပေးတပ်ဆင်တာ ဖြစ်တယ်လို့ သိရပါတယ်။ ယခုလက်ရှိမှာ ရန်ကုန်တိုင်းဒေသကြီး တရားလွှတ်တော်အပါအ၀င် အပြာရောင်ကမ္ဗည်းပြား အခု(၂၀)တပ်ဆင်ပြီးဖြစ်ပါတယ်။
 
 
 
 

Related News