မြန်မာတစ်နိုင်ငံလုံးမှာ သုံးစွဲနေတဲ့ လျှပ်စစ်ဓာတ်အားပမာဏရဲ့ တစ်ဝက်ကို ရန်ကုန်တိုင်း ဒေသကြီးမှ သုံးစွဲနေတယ်လို့ နိုဝင်ဘာလ ၂၄ ရက်က  UMFCCI မှာ ကျင်းပတဲ့ ဒုတိယသမ္မတ ဦးမြင့်ဆွေနှင့် မြန်မာ့စီးပွားရေးလုပ်ငန်းရှင်များတွေ့ဆုံပွဲမှာ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောကြားလိုက်တာပါ။ 
 
နိုင်ငံတော်အစိုးရအနေနဲ့ လျှပ်စစ်ဓါတ်အားကို ပမာဏများများထုတ်လုပ်ပါက နိုင်ငံတော် ဘဏ္ဍာများစွာ စိုက်ထုတ်နေရတဲ့ အခြေအနေရှိနေပြီး ရန်ကုန်တိုင်းဒေသကြီးအစိုးရအနေနဲ့ နိုင်ငံတော်ကအခုလို အရှုံးခံစိုက်ထုတ်မှုမရှိပဲ သုံးစွဲသူပြည်သူတွေကိုလည်း စွမ်းအားပြည့်ဝတဲ့ လျှပ်စစ်မီးရရှိဖို့ကို တိုင်းဒေသကြီးအစိုးရအနေနဲ လုပ်ဆောင်နေတယ်လို့ ပြောပါတယ်။
 
နည်းလမ်းအမျိုးမျိုးနဲ့ လျှပ်စစ်ဓါတ်အားထုတ်လုပ်ရောင်းချလိုတဲ့ ကုမ္ပဏီတွေဟာ လျှပ်စစ်ဓါတ်အားကို ဈေးနှုန်းအမျိုးမျိုးနဲ့ ရောင်းချနိုင်ဖို့ ရန်ကုန်တိုင်းဒေသကြီးအစိုးရကို လာရောက်ဆက်သွယ်နေတာတွေရှိနေတယ်လို့ ပြောပါတယ်။ ဒါပေမဲ့ ထုတ်လုပ်တဲ့ကုမ္ပဏီတွေအနေနဲ့  နိုင်ငံတော်အစိုးရက လက်ရှိရောင်းချနေတဲ့ ဈေးနှုန်းမျိုးကိုတော့ ရောင်းချနိုင်ခြင်းမရှိဘူးလို့ ပြောပါတယ်။
 
အခုတွေ့ဆုံပွဲမှာ UMFCCI ရဲ့ လျှပ်စစ်နှင့်စွမ်းအင်ကဏ္ဍဖွံဖြိုးရေးကော်မတီဝင် တွေမှလည်း လျှပ်စစ်ဓာတ်အားပိုမိုထုတ်လုပ်နိုင်ရေးနဲ့  ဓါတ်အားဆုံးရှုံးမှုလျော့ချနိုင်ရေးကို အသီးသီး တင်ပြကြပါတယ်။
 
မြန်မာနိုင်ငံမှာ တောင်မြောက်သွယ်တန်းထားတဲ့  မဟာဓါတ်အားလိုင်း  တစ်လိုင်းတည်းသာရှိပြီး သဘာဝဘေး အန္တရာယ်ကျရောက်ရင် ရန်ကုန်တိုင်းဟာလည်း တစ်ခြားတိုင်းဒေသကြီးနှင့် ပြည်နယ်တွေ လိုပဲ သက်ရောက်မှုတွေရှိနေတာပါ။ ဒီလိုအခြေအနေမျိုးကို ဖြေရှင်းနိုင်ဖို့ လျှပ်စစ်နှင့် စွမ်းအင်ဝန်ကြီး ဌာနက အရံ ၅၀ဝ မီဂ္ဂါဝပ်  မဟာဓါတ်အားလိုင်းတစ်ခု သွယ်တန်းနိုင်ဖို့ ကြိုးစားနေတယ်လို့လည်း ပြောကြားခဲ့ပါတယ်။
 
 

Related News