မြန်မာနိုင်ငံနဲ့  ဥရောပသမဂ္ဂ (EU) ကြား နှစ်နိုင်ငံ ရင်းနှီးမြှုပ်နှံမှု အကာအကွယ်ပေးရေး စာချုပ်ချုပ်ဆိုဖို့ စီစဉ်နေတယ်လို့ စီမံကိန်းနှင့်ဘဏ္ဍာရေးဝန်ကြီးဌာန၊ ရင်းနှီးမြှုပ်နှံမှုနဲ့ ကုမ္ပဏီများ ညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးသန်းအောင်ကျော်က ပြောပါတယ်။ နှစ်နိုင်ငံ ရင်းနှီးမြှုပ်နှံမှု အကာအကွယ်ပေးရေး စာချုပ်ချုပ်ဆိုဖို့ ပြင်ဆင်နေတာ အချောသတ် သဘောတူညီတဲ့ အဆင့်ရောက်ရှိနေပြီး ဥပဒေဆိုင်ရာ အသုးံအနှုန်းတွေနဲ့ အခြားလိုအပ်နေတဲ့ အချက်အနည်းငယ် ထည့်သွင်းပြီးက နှစ်ဖက်အဆင်ပြေတဲ့အချိန်မှာ ချုပ်ဆိုသွားမယ်လို့ ဆိုပါတယ်။ 
 
လက်ရှိ မြန်မာနိုင်ငံ ရင်းနှီးမြုပ်နှံမှု ကဏ္ဍတွေမှာ EU အနေနဲ့ ရေနံနဲ့သဘာဝ ဓါတ်ငွေ့ ကဏ္ဍမှာ အများဆုးံရင်းနှီးမြုပ်နှံထားပြီး ကုန်ထုတ်လုပ်မှု ကဏ္ဍ နှင့် ဆက်သွယ်ရေးကဏ္ဍ တွေမှာလည်း ရင်းနှီးမြှုပ်နှံမှု များပြားတယ်လို့ ဦးသန်းအောင်ကျော် ကပြောပါတယ်။ အခုဘဏ္ဍာနှစ် ဧပြီလမှ နိုဝင်ဘာလကုန်အထိ နိုင်ငံခြား ရင်နှီးမြုပ်နှံမှု အမေရိကန်ဒေါ်လာ ၄.၇ ဘီလံယံ ရရှိထားတယ်လို့ ပြောပါတယ်။မြန်မာနိုင်ငံအနေနဲ့ ရင်းနှီးမြုပ်နှံမှုဝန်းကျင် စီးပွားရေးဝန်းကျင်တွေ ကောင်းမွန်အောင် လိုအပ်တဲ့ဥပဒေပြင်ဆင်မှုတွေ တွေ့ဆုံဆွေးနွေးမှုတွေ ပြုလုပ်ပြီး ပြင်ဆင်သင့်တဲ့ အစိတ်အပိုင်းတွေကို ပြင်ဆင်နေတယ်လို့ သိရပါတယ်။ မကြာခင်က ပြဌာန်းလိုက်တဲ့ ကုမ္ပဏီဥပဒေ ၊ ရင်းနှီးမြုပ်နှံမှု ဥပေဒကို သေချာကျင့်သုးံနိုင်ပြီဆိုရင် မြန်မာ့စီးပွားရေးကို အထောက်ကူဖြစ်စေမှာလို့ ပြောကြား ခဲ့ပါတယ်။
 
 

Related News