၂၀၁၇ခုနှစ်အတွင်း မန္တလေးတိုင်းဒေသကြီးအတွင်းမှာ အမှုကြီး ၃ မှုလျော့ကျပြီး အခြားအမှုများ တိုးဖြစ်ပွားခဲ့တယ်လို့ ဇန်န၀ါရီလ ၅ ရက်က မန္တလေးခရိုင်ရဲတပ်ဖွဲ့ရုံးမှာ ပြုလုပ်ခဲ့တဲ့ မီဒီယာတွေနဲ့ တွေ့ဆုံရှင်းလင်းပွဲမှ သိရပါတယ်။ 
 
၂၀၁၇ ခုနှစ် မန္တလေးခရိုင်အတွင်း အမှုကြီး ၁၀မျိုးမှာ  ၉၉ မှုဖြစ်ပွားပြီး တရားစွဲတင်တာ ၈၀မှု ပိတ်သိမ်း တာ ၃ မှု ကျန်ရှိတာ ၁၆မှု ဖြစ်ကာ  တရားစွဲတင်ရာနှုန်း ၈၁.၆၃ ရာခိုင်နှုန်း၊ အခြားအမှု ၁၀မျိုးမှာ ဖြစ်ပွားတာ ၃၂၂၂ မှု၊ တရားစွဲတင်တာ ၂၅၁၀မှု ဖြစ်ပြီး စွဲတင်ရာခိုင်နှုန်း ၈၁.၂ရာခိုင်နှုန်း၊ ကြိုတင်ကာကွယ်နိုင်မှု ၁၀မျိုးမှာ ရဲတပ်ဖွဲ့ဝင်တွေ ဖမ်းဆီးဖော်ထုတ်တာ ၆၉၁၈မှု မှာ တရားစွဲတင်မှု ၆၇၈၉ ဖြစ်ပြီး စွဲတင်ရာခိုင်နှုန်း ၉၈.၄၇ ရာခိုင်နှုန်းရှိခဲ့တယ်လို့ သိရပါတယ်။ အမှုကြီး၃မှုလျော့ကျပြီး အခြားအမှုတွေ ပိုမိုဖြစ်ပွားခဲ့တာမှာ လိမ်လည်မှု၊ ကုမ္ပဏီစာရင်းအလွဲသုံးစားမှု၊ ပိုင်ဆိုင်မှုအငြင်းပွားမှုစတဲ့ အမှုတွေတိုးဖြစ်ပွားခဲ့ပြီး လုယက်မှုနဲ့ ခိုးမှုဖြစ်ပွားမှုတွေမှာ ကျူးလွန်သူတွေမှာ အသက်၁၈ကနေ၂၅နှစ်အတွင်း အသက်အရွယ်တွေမှာ ဖြစ်ပွားမှုအများဆုံးဖြစ်တယ်လို့ ပြောပါတယ်။ 
 
မန္တလေးခရိုင်အတွင်း ၇ မြို့နယ်စလုံးမှာ မှုခင်းကျဆင်းရေးအတွက် အပိုင်း ၃ ပိုင်းခွဲခြားပြီး နေ့အချိန်မှာ ရပ်ကင်းညဥ့်ဦးပိုင်းမှာ ရပ်ကင်းအဖွဲ့ ရွှေ့လျားရပ်ကင်းအဖွဲ့ ဆိုင်ကယ်လှည့်ကင်းအဖွဲ့ အထူးဆိုင်ကယ် လှည့်ကင်းနဲ့ မော်တော်ယာဉ်လှည့်ကင်းနဲ့ ဆောင်ရွက်နေပြီး ညဥ့်နက်ပိုင်းတွေမှာ ညဥ့်နက်လှည့်ကင်းအဖွဲ့တွေက မြို့နယ်တစ်ခုမှာ တစ်နေရာပိတ်ဆို့ရှာဖွေ စစ်ဆေးတာတွေကို လုံခြုံရေးနဲ့တရားဥပဒေ စိုးမိုးရေးအတွက် နေ့စဉ်ဆောင်ရွက်လျက်ရှိတယ်လို့ သိရပါတယ်။ 
 
မန္တလေးခရိုင်မှာ မြို့နယ် ၇ မြို့နယ်ရှိတာဖြစ်ပြီး ပြည်သူနဲ့ရဲတပ်ဖွဲ့ဝင်အချိုးဟာဆိုရင်တော့ ၁အချိုး ၁၆၅၅ ယောက်ဖြစ်တယ်လို့ သိရပါတယ်။ အများပြည်သူတွေအနေနဲ့လည်း မှုခင်းအသိ မှုခင်းသတိရှိကြဖို့နဲ့ မှုခင်းကျဆင်းရေးလုပ်ငန်းတွေ အောင်မြင်ဖို့သတင်းပေးခြင်း၊ ပူးပေါင်း ပါဝင်ဆောင်ရွက်ခြင်းတွေ ပြုလုပ်ပေးဖို့ကို မန္တလေးခရိုင်ရဲတပ်ဖွဲ့မှူး ဒုတိယရဲမှူးကြီးမျိုးအောင်က တိုက်တွန်းပြောကြားခဲ့ပါတယ်။
 
 
 
 
 

Related News