(၁၃၀၀) ပြည့်နှစ် အရေးတော်ပုံ ကာလအတွင်း ကျဆုံးခဲ့ကြတဲ့ မန္တလေး အာဇာနည် (၁၇) ဦးကိုရည်စူးပြီး(၇၉)နှစ်မြောက် နှစ်ပတ်လည်အထိမ်းအမှတ်နဲ့ အောက်မေ့ဖွယ်ဂုဏ်ပြု အခမ်းအနားကို မန္တလေးမြို့ အာဇာနည်(၁၇)ဦးဗိမာန်မှာပြုလုပ်ခဲ့တာ ဖြစ်ပါတယ်။ ဒီနှစ်ပတ်လည် အထိမ်းအခမ်းအနားမှာ ဆရာတော် သံဃာတော်တွေကို သင်္ကန်းနဲ့လှူ ဖွယ်ပစ်္စည်းများ ဆက်ကပ်လှူပြီး ရေစက်ချအမျှပေးဝေခြင်း၊ နေ့ဆွမ်းဆက်ကပ်လှူဒါန်ခြင်း၊ လွမ်းသူပန်းခွေချ ပြီး အာဇာနည် (၁၇)ဦးကို အလေးပြုခြင်းနဲ့ ဆရာတော်သံဃာတော်များထံမှ သြ၀ါဒခံယူခြင်းတွေ ပြုလုပ်ခဲ့ကြပါတယ်။
 
(၁၃၀၀)ပြည့်အရေးတော်ပုံမှာ မန္တလေးကရဟန်း(၇)ပါးနဲ့ လူ (၁၀)ဦးစုစုပေါင်း အာဇာနည် (၁၇)ဦး ကျဆုံးခဲ့တာဖြစ်ပါတယ်။ (၁၃၀၀)ပြည့်အရေးတော်ပုံ မန္တလေးအာဇာနည် (၁၇) ဦး (၇၉) နှစ်မြောက် အထိမ်းအမှတ် အခမ်းအနားကိုအသင်းအဖွဲ့(၂၀)၀န်းကျင်က လာရောက်လွမ်းသူ့ပန်းခွေချခြင်းနဲ့ ဂါရ၀ပြုခြင်းကို ပြုလုပ်ခဲ့ကြပါတယ်။အခုမန္တလေးမှာရှိတဲ့ (၁၃၀၀)ပြည့်အရေးတော်ပုံအာဇာနည်(၁၇)ဦးဗိမာန်မှာအမှတ်တရမှတ်တမ်း ဓါတ်ပုံပြခန်းဖြစ်မြောက်ဖို့နဲ့ ဗိမာန်ကိုဆက်လက်ထိန်းသိမ်းဆောင်ရွက်ဖို့တွေ ကိုလည်း ဆက်လက်လုပ်ဆောင်သွားမယ်လို့ သိရပါတယ်။ 
 
 
 

Related News