(၇၁)နှစ်မြောက် ပြည်ထောင်စုနေ့ကို ဂုဏ်ပြုကြိုဆိုသောအားဖြင့် ဖေဖော်ဝါရီလ(၁၂) ရက်နေ့က မြို့တော်ခန်းမရှေ့မှာ စုရပ်သတ်မှတ်ပြီး ကျောက်တံတားမြို့နယ်နဲ့ပန်းဘဲတန်းမြို့နယ်မှာ လူအင်အား(၂၅၀)
နဲ့အမှိုက်ကောက် ကမ်ပိန်းပြုလုပ်ခဲ့ပါတယ်။မြန်မာဂျပန်လူမှုစီးပွားဖွံ့ဖြိုးတိုးတက်ရေးအသင်းမှကြီးမှူး ကျင်းပတဲ့ အမှိုက်ကောက်ကန်ပိန်းမှာ ရန်ကုန်မြို့တော် စည်ပင် သာယာရေးကော်မတီ ပတ်ဝန်းကျင်ထိန်းသိမ်းရေးနှင့် 
သန့်ရှင်းရေးဌာနမှ တာဝန်ရှိသူတွေ၊ ကျောက်တံတားမြို့နယ်နဲ့ ပန်းပဲတန်းမြို့နယ်မှ တိုင်းဒေသကြီးလွှတ်တော် ကိုယ်စားလှယ်တို့မှ ပူးပေါင်းပါဝင်ခဲ့ကြပါတယ်။
 
ဒီလိုပူးပေါင်းပါဝင်တဲ့အခါမှာ ပြည်သူတွေကို အမှိုက်ကို စည်းကမ်းတကျစွန့်ပစ်တတ်စေဖို့ အခုလိုလူနေထူထပ်တဲ့ မြို့နယ်တွေမှာ အမှိုက်ကောက် ကမ်ပိန်းကိုပြုလုပ်ပေးခြင်းဖြစ်တယ်လို့ဆိုပါတယ်။ရန်ကုန်မြို့တွင်းမှာ အခုလို ပြည်သူအသိပညာပေးအမှိုက်ကောက်ကမ်ပိန်းတွေ ပြုလုပ်တာ အကြိမ်ရေများပြားလာတာနဲ့အမျှ ရန်ကုန်မြို့တွင်းရှိမြို့နယ်တွေမှာလည်း လမ်းသွားလမ်းလာ ပြည်သူတွေအနေနဲ့ အမှိုက်ကိုစနစ်တကျစွန့်ပစ်လာကြတာကို တွေ့ရှိရတဲ့အတွက် စည်ကမ်းမဲ့ အမှိုက်သိမ်းဆည်းမှုနည်းပါးလာတယ်လို့ဆိုပါတယ်။
 
ယခုအမှိုက်ကောက်ကမ်ပိန်း ပြုလုပ်ခဲ့တဲ့ ကျောက်တံတားမြို့နယ်နဲ့ ပန်းဘဲတန်းမြို့နယ်မှာတော့ နေ့စဉ် အမှိုက်တန်ချိန်(၃၀)သိမ်းဆည်း နေရတယ်လို့သိရပါတယ်။ အခုလို အမှိုက်ကောက်ကမ်ပိန်းပြုလုပ်တာတွေအပြင် ပြည်သူအသိပညာပေးအစီအစဉ်ကို တစ်ပတ်ကို (၃)ရက်သတ်မှတ်ပြီး ပြုလုပ်သွားဖို့ရှိတယ်လို့ တိုင်းဒေသကြီးလွှတ်တော် ကိုယ်စားလှယ်တစ်ဦးမှ အခုလိုပြောပါတယ်။(၇၁)နှစ်မြောက် ပြည်ထောင်စုနေ့ကို ဂုဏ်ပြုကြိုဆိုသောအားဖြင့် ပြုလုပ်ခဲ့တဲ့ အမှိုက်ကောက် ကမ်ပိန်းမှာ အဖွဲ့လေးဖွဲ့ ခွဲထားပြီး အဲ့ဒီအဖွဲ့လေးဖွဲ့မှ အမှိုက်အများဆုံးကောက်ယူရရှိတဲ့ အဖွဲ့ကို မြန်မာ-ဂျပန်လူမှုစီးပွားဖွံ့ဖြိုးတိုးတက်ရေးအသင်းမှ ပထမဆု ငွေကျပ် (၅)သောင်း၊ ဒုတိယဆု ငွေကျပ်(၃)သောင်းနဲ့ တတိယဆုငွေကျပ်(၂)သောင်းစီ ဆုချီးမြှင့်ခဲ့တယ်လို့သိရပါတယ်။
 
 
 

Related News