အသစ်ထွက်ပေါ်လာမယ့် ရုပ်သံလိုင်းငါးခုအတွက် ပြန်ကြားရေးဝန်ကြီးဌာနပိုင် မြန်မာ့အသံ နှင့်ရုပ်မြင်သံကြားဟာ ရုပ်သံလိုင်းသစ်(၅)လိုင်းကို လုပ်ကိုင်မယ့် ပြည်တွင်းကုမ္ပဏီငါးခုနဲ့ ဖေဖော်ဝါရီ ၁၇ ရက်နေ့က 
လက်မှတ်ရေးထိုးလိုက်ပါတယ်။ဒီလို ကုမ္ပဏီငါးခုလက်မှတ်ရေးထိုးနိုင်ဖို့ကို ကုမ္ပဏီပေါင်း (၄၅) နီးပါးထဲက တစ်နှစ်ကျော် ကာလအတွင်း ရွေးချယ်စာချုပ်ချုပ်ဆိုနိုင်ခဲ့တာလည်း ဖြစ်ပါတယ်။ မြန်မာအသံနှင့်ရုပ်မြင်သံကြား 
အနေ ဒီလိုစာချုပ် ချုပ်ဆိုလိုက်တာကြောင့် ရုပ်သံလိုင်း (၅)ခုကို မြန်မာ့အသံနှင့်ရုပ်မြင်သံကြား ကထုတ်လွင့်နေတဲ့ Multi chemnal play out System ထဲ မှာ ထည့်သွင်းထုတ်လွင့် ပြသသွားမှာ ဖြစ်ပါတယ်။ 
 
အခုချုပ်ဆိုလိုက်တဲ့ စာချုပ်မှာတော့ ပြန်ကြားရေးဝန်ကြီးဌာနနဲ့ ကုမ္ပဏီ ငါးခုအကြား နှစ်ဦးနှစ်ဖက် ရုပ်သံထုတ်လွင့်နိုင်ဖို့ လုပ်ကိုင်ပေးရမယ့် လုပ်ငန်းပိုင်ဆိုင်ရာ ကိစ္စတွေနဲ့ နိုင်ငံတော်ကို ပေးသွင်းရမယ့် 
ငွေကြေးဆိုင်ရာတွေပါဝင်တယ်လို့သိရပါတယ်။ရုပ်သံလိုင်း ငါးခုမှာတော့ မီဒီယာနှင့်ပတ်သတ်လို့ လက်ရှိလုပ်ကိုင်နေတဲ့ မဇ်္ဇိုမ DVB တို့ပါဝင်ကြပြီး တခြားကုမ္ပဏီတွေကလည်း ForTune TV ? K channel အမည်တွေနဲ့ 
ရုပ်သံလိုင်းတွေ ထုတ်လွှင့် ကြမှာဖြစ်ပါတယ်။ ပြန်ကြားရေးဝန်ကြီး ဌာန နဲ့ ကုမ္ပဏီငါးခု စာချုပ်လက်မှတ်ရေးထိုးလိုက်တဲ့ အတွက် ပြည်သူတွေ အနေနဲ့ အခုလပိုင်းအတွင်း ရုပ်သံလိုင်း တစ်ချို့ကို င်္Free to air 
ကြည့်ရှုခွင့်ရတော့မှာဖြစ်ပါတယ်။
 
DVB Multimedia Group Company ကတော့ မူလထုတ်လွှင့်နေတဲ့ အစီအစဉ်တွေ အတိုင်းထုတ်လွှင့်သွားမှာဖြစ်ပြီးကျန်ကုမ္ပဏီတွေကတော့ သတင်း၊ အသိပညာပိုင်းနှင့် ဖျော်ဖြေရေး အစီအစဉ်တွေ ထုတ်လွှင့်သွားမယ်လို့ သိရပါတယ်။ ရုပ်သံကုမ္ပဏီတွေရဲ့ ဈေးကွက်အတွင်း အောင်မြင်နိုင်ဖို့ စိန်ခေါ်မှုတွေရှိနေပေမယ့် ကိုယ်ပိုင်အစီအစဉ် ကိုယ်ဟန်တွေနဲ့ ရုပ်သံပရိတ်သတ် အတွက် ထုတ်လွင့်တင်ဆက်သွားကြမယ်လို့ ဆိုပါတယ်။
 
မြန်မာ့အသံနှင့်ရုပ်မြင်သံကြားဟာ ရုပ်သံထုတ်လွှင့်ခြင်းကို အန်နလော့ (Analogue) စနစ်နှင့် ၁၉၈၀ ခုနှစ်မှစတင်ခဲ့ပြီး  အဲဒီ့နောက် ၂၀၁၃ ခုနှစ်အောက်တိုဘာ လအတွင်း Digital  စနစ်သို့ပြောင်းလည်းထုတ်လွှင့်ခဲ့တာလည်းဖြစ်ပါတယ်။ ပြည်တွင်းမီဒီယာကဏ္ဍ တိုးတက်စေရေးအတွက် မြန်မာ့အသံနှင့်ရုပ်မြင်သံကြား ထုတ်လွှင့်နေတဲ့ စနစ်ထဲမှာ ပုဂ္ဂလိက ရုပ်သံလိုင်းများ ထုတ်လွှင့်နိုင်ဖို့ ၂၀၁၆ ခုနှစ်အတွင်း ရုပ်သံထုတ်လွှင့်မှု လုပ်ငန်း လုပ်ကိုင်မည့် ကုမ္ပဏီများကို ဖိတ်ခေါ်ကမ်းလှမ်းခဲ့တာလည်း ဖြစ်ပါတယ်။
 
 
 

Related News