ပြည်တွင်းမှာ ကလေးအလုပ်သမားတွေလုံးဝ ပပျောက်ရေးကို ရည်မှန်းချက်ထားပြီး ကလေး အလုပ်သမားတွေ လျော့နည်းအောင်လုပ်ဆောင်သွားမယ်လို့ အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စု ၀န်ကြီး ဦးသိန်းဆွေကပြော လိုက်ပါတယ်။ကလေးအလုပ်သမားတွေ လျော့နည်းစေရေးအတွက် ဖေဖော်ဝါရီလ ၁၉ ရက်က နေပြည်တော်မှာ ရှိတဲ့ အလုပ်သမား လူဝင်မှုကြီးကြပ်ရေးနှင့်ပြည်သူအင်အားဝန်ကြီးဌာနရုံးမှာ ပြုလုပ်ခဲ့တဲ့ ပထမအကြိမ် မြန်မာနိုင်ငံကလေး အလုပ်သမား ပပျောက်ရေးဆိုင်ရာ အမျိုးသားကော်မတီ အစည်းအဝေးမှာ ပြည်ထောင်စုဝန်ကြီး ဦးသိန်းဆွေက ပြောကြားခဲ့တာပါ။

ကလေးအလုပ်သမား ၅ ရာခိုင်နှုန်းထဲက ၄ ဒသမ၉ ရာခိုင်နှုန်းဟာ လျှပ်စစ်နဲ့ပတ်သက်တဲ့ လုပ်ငန်းခွင်တွေ၊ သံရည်ကြိုလုပ်ငန်းခွင်တွေ အပါအ၀င် အန္တရာယ်ရှိသောလုပ်ငန်းခွင်တွေမှာ အလုပ်လုပ်ကိုင်နေရပါတယ်။ ဒါ့ကြောင့် အန္တရာယ်ရှိတဲ့ လုပ်ငန်းတွေမှာ အခြားနိုင်ငံတွေနဲ့ နှိုင်းယှဉ်ပြီး ကလေးအလုပ်သမားတွေမရှိစေဖို့ ကန့်သတ်ဖို့စီစဉ် ဆောင်ရွက် နေတယ်လို့ ပြောပါတယ်။ ကလေးအလုပ်သမားပြသနာဟာ မြန်မာနိုင်ငံအတွက် အရေးကြီးတဲ့ စိန်ခေါ်မှု တစ်ရပ်ဖြစ်နေပြီး ကလေးအလုပ်သမားပပျောက်ရေး ကိစ္စဟာ နိုင်ငံတော်အနာဂတ်အတွက် မဖြစ်မနေ ဆောင်ရွက်ရမဲ့ ကိစ္စရပ်ဖြစ်တယ်လို့ အလုပ်သမားလူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စု ၀န်ကြီး ဦးသိန်းဆွေက ပြောပါတယ်။

မြန်မာနိုင်ငံမှာ ကောက်ယူခဲ့တဲ့ ၂၀၁၇ခုနှစ် ပထမသုံးလပတ် အလုပ်သမားအင်အားစစ်တမ်းအရ အသက်(၅)နှစ် နဲ့ (၁၇)နှစ်အတွင်း ကလေးဦရေ စုစုပေါင်း၁၂သန်းကျော်ရှိပြီး အဲဒီထဲက ၅ရာခိုင်နှုန်းဟာ ကလေး အလုပ်သမား တွေဖြစ်တယ်လို့ သိရပါတယ်။ကလေးအလုပ်သမားအများစုဟာ  ရန်ကုန်မြို့နဲ့ မန္တလေးမြို့တို့မှာ အများဆုံး ရှိတယ်လို့သိရပါတယ်။ မြန်မာနိုင်ငံမှာ ၂၀၁၄ခုနှစ်က ကောက်ယူခဲ့တဲ့ လူဦးရေနှင့် အိမ် အကြောင်း အရာသန်းခေါင် စာရင်းတွေအရ အသက်(၁၈)နှစ်အောက် ကလေးဦးရေ စုစုပေါင်းဟာ ၁၈သန်းကျော် ရှိတယ်လို့ သိရပါတယ်။

 

 

 

Related News