မြန်မာ့သတ္တုတွင်းလုပ်ငန်း ကဏ္ဍရေရှည်တည်တံ့စေနိုင်ဖို့ ဥပဒေတွေ၊ နည်းဥပဒေတွေကို ခေတ်ကာလနဲ့အညီ ပြုပြင်နိုင်ဖို့လိုအပ်သလို သတ္တုသယံဇာတဆိုင်ရာ မူဝါဒတစ်ခုရှိဖို့လည်း လိုအပ်နေတယ်လို့ မြန်မာ့စီးပွားရေးကဏ္ဍ တာဝန်ယူမှုရှိစေရေး အထောက်အကူပြုဌာန(MCRB)ရဲ့ ထုတ်ပြန်ချက်အရ သိရပါတယ်။ဒီအစီရင်ခံစာဟာ တိုင်းဒေသကြီးနဲ့ ပြည်နယ် (၈)ခုတို့မှာ ခဲမဖြူ၊ ရွှေနှင့်ထုံးကျောက် သတ္တုများကို အဓိကထားပြီး ကွင်းဆင်းသုတေသနများပြုလုပ်ခဲ့တာဖြစ်တယ်လို့ သိရပါတယ်။(၁၉၉၄)ခုနှစ်က ပြဋ္ဌာန်းခဲ့တဲ့ မြန်မာ့သတ္တုတွင်း ဥပဒေဟာ ခေတ်နဲ့ လျော်ညီမှုမရှိတော့တာကြောင့် (၂၀၁၅)ခုနှစ်ကပြန်လည် ပြင်ဆင်ခဲ့ပေမယ့် သာမန်အချက်တွေကိုသာ ပြန်လည်ပြင်ဆင်ခဲ့တာကို တွေ့ရတယ်လို့သိရပါတယ်။

ဒါ့အပြင်  (၂၀၁၈)ခုနှစ်မှာ ထွက်ရှိခဲ့တဲ့ နည်းဥပဒေဟာလည်း ဒီပြင်ဆင်ထားတဲ့ ဥပဒေကိုပဲအခြေခံထားတာကြောင့် ခေတ်ကာလနဲ့အညီ နိုင်ငံတကာရဲ့ အတွေ့အကြုံနဲ့အညီ ပြင်ဆင်ဖို့လိုအပ်နေတယ်လို့သိရပါတယ်။ဒီအစီရင်ခံစာမှာ အမျိုးသားအဆင့် ဓာတ်သတ္တုသယံဇာတမူဝါဒကို အကောင်အထည်ဖော် ဆောင်ရွက်ရန်နှင့် အဲ့ဒီမူဝါဒကို သတ္တုတွင်းဆိုင်ရာစည်းမျဉ်းဥပဒေသစ်အတွက် အခြေခံအဖြစ် အသုံးပြုရန်၊ သဘာဝပတ်ဝန်းကျင် ဆိုင်ရာ၊ဘေးအန္တရယ်ဆိုင်ရာ၊ ရင်းနှီးမြှုပ်နှံမှု ဆိုင်ရာနှင့် သတ္တုတွင်းဆိုင်ရာ ပါမစ်များထုတ်ပေးရာမှာ ရိုးရှင်းမှုနဲ့ ဆက်စပ်ကိုက်ညီမှုရှိစေရန် လိုအပ်ပြီး ဥပဒေများမှာလည်း အထောက်အပံ့ဖြစ်စေရန်၊သတ္တုတွင်းလုပ်ငန်းမှာ ပတ်ဝန်းကျင်နှင့် လူမှုရေးဆိုင်ရာ ကာကွယ်မှုများ လုပ်ဆောင်ဖို့အတွက် ကိုက်ညီခြင်းမရှိမှုနဲ့ လစ်ဟာမှုတွေအတွက် ဖြေရှင်းပေးရန်စတဲ့ အချက် (၇)ချက်ကိုလည်း အစိုးရကိုအကြံပြုပေးထားတယ်လို့သိရပါတယ်။

ဒီအစီရင်ခံစာမှာ အစိုးရကိုအကြံပြုချက်များ၊သတ်္တုတွင်းကဏ္ဍရှိ ကုမ်္ပဏီများကို အကြံပြုချက်များ၊ တိုင်းရင်းသား လက်နက်ကိုင် အဖွဲ့အစည်းများကို အကြံပြုချက်များ၊ အရပ်ဖက် အဖွဲ့အစည်းများကို အကြံပြုချက်များပါဝင်ပါတယ်။ 

Related News