ပစိဖိတ်ဒေသနဲ့အာရှဒေသမှာရှိတဲ့ နိုင်ငံ(၁၁)နိုင်ငံပါဝင်ပြီး အဖွဲ့ဝင်နိုင်ငံတွေကြား ကုန်သွယ်မှု ပိုလွယ်စေနိုင်တဲ့(C.P.T.P.P)စာချုပ်ကို မတ်လ(၈)ရက်က ချီလီနိုင်ငံမှာ လက်မှတ်ရေးထိုး ခဲ့ပါတယ်။ ပစိဖိတ်ဖြတ်ကျော်ကုန်သွယ်ရေးဆိုင်ရာပူးပေါင်းဆောင်ရွက်မှု သဘောတူစာချုပ်(T.P.P)မှာ မတ်လ(၈)ရက်က နိုင်ငံ(၁၁)နိုင်ငံပါ ၀င်လက်မှတ်ရေးထိုးခဲ့ပါတယ်။ ပြီးခဲ့တဲ့နှစ်မှာ အမေရိကန်နိုင်ငံက (T.P.P)ကနေနှုတ်ထွက်ခဲ့ပြီးနောက် ကျန်တဲ့(၁၁)နိုင်ငံက ချီလီနိုင်င၊ံ ဆန်တီယာဂိုမြို့မှာ လက်မှတ်ထိုးခဲ့တာဖြစ်ပါတယ်။ ဒီစာချုပ်ဟာ ပြည်တွင်းကာကွယ်ရေးအတွက်ဖိအားတွေပေးနေတဲ့ နိုင်ငံတွေကို ဆန့်ကျင်ပြီး လွတ်လပ်စွာကုန်သွယ်နိုင်တဲ့သဘောတူညီချက်ဖြစ်တယ်လို့ ချီလီနိုင်ငံခြားရေး ၀န်ကြီးဟီလ်ရယ်ဒို မူနို့ဇ် ကပြောပါတယ်။
 
အမေရိကန်နှုတ်ထွက်ခဲ့ပြီးနောက် ပစိဖိတ်ဖြတ်ကျော် ပူးပေါင်းဆောင်ရွက်ဆိုင်ရာနားလည်မှုနှင့်တိုးတက်မှုသ ဘောတူညီချက်(C.P.T.P.P)လို့ နာမည်ပြောင်းလိုက်ပြီး ဒီစာချုပ်ဟာ အကျိုးအမြတ်များနိုင်ပြီး အနာဂတ်ကုန်သွယ်ရေးသဘော တူညီမှုတွေရဲ့စံပြဖြစ်တယ်လို့ စာချုပ်ချုပ်နိုင်တာကိုထောက်ခံသူတွေကပြောပါတယ်။
 
ဒီစာချုပ်ကြောင့် နိုင်ငံ(၁၁)နိုင်ငံကလူ သန်း(၅၀၀)နီးပါးရှိတဲ့ဈေးကွက်ကို လွှမ်းမိုးနိုင်တော့မှာပါ။ စာချုပ်ရဲ့အဓိက ရည်ရွယ်ချက်က အဖွဲ့ဝင်နိုင်ငံတွေကြား ကုန်သွယ်ခွန် တွေသိသိသာသာလျှော့ချနိုင်ဖို့နဲ့ အဖွဲ့ဝင်တွေကြား ထိခိုက်စေနိုင်တဲ့စည်းမျဉ်းစည်းကမ်းတွေကို ပွင့်လင်းမြင်သာမှုရှိဖို့နဲ့ မျှတဖို့ ဖြစ်ပါတယ်။ အဖွဲ့ဝင်နိုင်ငံတွေက သြစတေးလျ၊ ဘရူနိုင်း၊ ကနေဒါ၊ ချီလီ၊ ဂျပန်၊ မလေးရှား၊ မက္ကဆီကို၊ နယူးဇီလန်၊ ပီရူး၊ စင်ကာပူနဲ့ ဗီယက်နမ်နိုင်ငံတို့ဖြစ်ပါတယ်။ အမေရိကန်လုပ်သားတွေအတွက် နစ်နာမှုရှိစေတဲ့သဘောတူညီမှုလို့ယူဆခဲ့တဲ့ အမေရိကန်သမ်္မတထရမ့်က ပြီးခဲ့တဲ့နှစ်ဇန်န၀ါရီလမှာ အဖွဲ့ဝင်နိုင်ငံအဖြစ်ကနေ နှုတ်ထွက်ခဲ့ပါတယ်။ 
 
 
 
 

Related News