ရန်ကုန်မြို့တော်စည်ပင်အနေနဲ့ စည်ပင်သာယာ နယ်နမိတ်အတွင်း ဥပဒေနဲ့အညီ တရားဥပဒေစိုးမိုးစေဖို့ ပုံမှန်ကွင်းဆင်းစစ်ဆေးတာ၊ အသိပညာပေးတာနဲ့ အရေးယူဆောင်ရွက် တာတွေကို လုပ်ဆောင်နေပါတယ်။ ဒီအတွက် မြို့နယ်စည်ပင်သာယာအုပ်ချုပ်ရေးမှူးတွေကို လုပ်ပိုင်ခွင့်ပေးထားပြီးဖြစ်သလို Standard Operating Procedure (SOP)စနစ်ကိုလည်း ကျင့်သုံးသွားမယ်လို့ သိရပါတယ်။ သက်ဆိုင်ရာ မြို့နယ်အလိုက် မြို့နယ်စည်ပင်သာယာအုပ်ချုပ်ရေးမှူးနဲ့ စည်ပင်သာယာအရာရှိ တစ်တစ်ဦးက ရန်ကုန်မြို့တော်စည်ပင်သာယာကော်မတီကိုယ်စား တရားလိုပြုလုပ်ပြီး တရားစွဲဆို အရေးယူဆောင်ရွက်နိုင်ရေးကိုပါ  အခွင့်အာဏာအပ်နှင်းထားပြီး ဖြစ်တယ်လို့ မတ်လ(၈)ရက်က တိုင်းလွှတ်တော်မှာ ရန်ကုန်မြို့တော်ဝန်က ပြောပါတယ်။

ဒါ့ပြင် လိုအပ်ချက်အရကော်မတီရဲ့ လုပ်ငန်း သဘောသဘာဝ ပြောင်းလဲလာရင် လုပ်ငန်းတာဝန်တွေကို ချောမွေ့အောင်လုပ်ဆောင်ဖို့ ၀န်ထမ်းဖွဲ့စည်းပုံတွေပြောင်းလဲပြီးStandard Operating Procedure (SOP)ခေါ်တဲ့ လုပ်ငန်း လည်ပတ်ပုံစံသတ်မှတ်ချက်ကို ပြင်ဆင်ဖြည့်စွက်ပြီး လိုက်နာကျင့်သုံးသွားမှာဖြစ်တယ်လို့ ပြောပါတယ်။ရန်ကုန်မြို့တော်စည်ပင်သာယာကော်မတီက လုပ်ဆောင်နေတဲ့လုပ်ငန်းတွေဟာ တိုင်းဒေသကြီး အစိုးရရဲ့ ပုံရိပ်ဖြစ်သလို ဒီလုပ်ငန်းတွေအောင်မြင်အောင် ဥပဒေနဲ့အညီ ဆောင်ရွက်မယ်ဆိုရင် တရားဥပဒေစိုးမိုးရေးရှိလာမှာဖြစ်သလို ပြည်သူတွေရဲ့ထောက်ခံမှုလည်း ရရှိမှာဖြစ်တယ်လို့ တာမွေမြို့နယ်အမတ် ဦးသိန်းမြင့်က ပြောပါတယ်။

ဒါ့ကြောင့်လက်ရှိ ရန်ကုန်မြို့တော် စည်ပင်သာယာရေးဥပဒေအရ ဆောင်ရွက်နေတာတွေကို တရားပဒေစိုမိုးရေး ဆောင်ရွက်ရာမှာ  စက်ပစ္စည်းနဲ့ ၀န်ထမ်းအင်အားတွေတိုးချဲ့တာ၊ စည်ပင်ရဲတွေတိုးချဲ့ဖွဲ့စည်းပြီးတော့ စည်ကမ်း ထိန်းသိမ်းမှုအပိုင်းကို ထိန်းကြောင်းတာနဲ့ အောက်ခြေအဖွဲ့အစည်းအဆင့်ဆင့်ကို လုပ်ပိုင်ခွင့်ပိုမိုပေးရင်း စည်ပင်သာယာရေးလုပ်ငန်းတွေကို သွက်လက်မြန်ဆန်စွာ ဆောင်ရွက်ပေးဖို့ ရှိ၊ မရှိကို မေးမြန်း ခဲ့တာပါ။ရန်ကုန်မြို့တော်စည်ပင်သာယာနယ်နမိတ်အတွင်းရှိ မြို့နယ်တွေမှာ ဥပဒေနဲ့အညီ တရားဥပဒေစိုးမိုးရေး(Rule of Law)ဖြစ်စေဖို့ အသိပညာပေးတာတွေ၊ အရေးယူဆောင်ရွက် တာတွေကို မြို့နယ်စည်ပင်သာယာအုပ်ချုပ်ရေးမှူးကိုယ်တိုင်၊ ဒါမှမဟုတ် ခရိုင်စည်ပင်သာယာ အုပ်ချုပ်ရေးမှူးရဲ့ ကြီးကြပ်မှု၊ ဌာနအဆင့်ကြီးကြပ်မှုတွေနဲ့ ပုံမှန်ကွင်းဆင်းစစ်ဆေးတာ၊ ပညာပေးတာနဲ့ လိုက်နာဆောင်ရွက်စေဖို့ ခံဝန်ကတိပြုချက်တွေရယူပြီး လိုက်နာဆောင်ခြင်းမရှိရင် ရန်ကုန်မြို့တော်စည်ပင်သာယာရေး ဥပဒေအရအရေးယူဆောင်ရွက်နေတယ်လို့လည်း သိရပါတယ်။

 

 

Related News