လှိုင်သာယာက ထိန်ပင်အမှိုက်ပုံမီးလောင်နေမှုကို ထိုင်းနိုင်ငံမှ မှာယူထားတဲ့ Biofoam  ဆေးရည်နဲ့ ဧပြီလ(၂၇)ရက် မနက်ပိုင်းမှာ စတင်ပက်ဖျန်းငြှိမ်းသတ်ခဲ့ရာ အောင်မြင်မှုရရှိနေပြီး မီးလောင်နေမှုကို ထိန်းချုပ်နိုင်ဖို့ နောက်ထပ် နှစ်ရက်ခန့် အချိန်ယူရဦးမယ်လို့ ဧပြီ(၂၈)ရက် ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနက တာဝန်ရှိသူက ပြောပါတယ်။အမှိုက်ပုံအတွင်းမှာ လှိုက်လောင်နေတဲ့မီးတွေဟာ အောက်ခြေမှာမီးကျန်မကျန်ကို လိုက်လံစစ်ဆေးမှုတွေပြုလုပ်ပြီး Biofoam ဆေးရည်ပက်ဖျန်းရမှာ ဖြစ်တာကြောင့် မီးလောင်မှုကို ထိန်းချုပ်နိုင်ဖို့ နောက်ထပ်(၂)ရက်ခန့်ကြာမြင့်မယ်လို့ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနမှ တာဝန်ရှိသူမှ ပြောပါတယ်။
 
လက်ရှိမှာတော့ Biofoam  ဆေးရည်ကို မီးလောင်ကျွမ်းနေတဲ့ အမှိုက်ပုံဧက (၁၅၀)ကို အပိုင်း(၄)ပိုင်းခွဲပြီး ပက်ဖျန်းခဲ့တယ်လို့ သိရပါတယ်။  ဧပြီလ(၂၇)ရက်မနက်ပိုင်းမှာ Biofoam  ဆေးရည်ပက်ဖျန်းပြီးနောက် မီးလောင်ကျွမ်းမှုကို စတင်ထိန်းချုပ်နိုင်နေပြီလို့ ဆိုပါတယ်။မီးလောင်ပြင်ကို ထိန်းချုပ်နိုင်ဖို့ Biofoam  ဆေးရည် ဂါလံ(၆၀၀၀)၀န်းကျင်လိုအပ်တယ်လို့ ပတ်ဝန်းကျင်ထိန်းထိမ်းရေးနှင့် သန့်ရှင်းရေးဌာနက တာဝန်ရှိသူက ပြောပါတယ် ။  ဧပြီလ(၂၈)ရက်မနက်ပိုင်းမှာတော့ ထိုင်းနိုင်ငံမှ မှာယူထားတဲ့ ဂါလံ(၂၀၀၀)ကို ပက်ဖျန်းပြီး နောက်ထပ်လိုအပ်တဲ့ ဂါလံ(၅၀၀၀)က ဧပြီလ(၂၈)ရက် ညမှာထပ်မံရောက်ရှိမယ်လို့ ဆိုပါတယ်။
 
Biofoam  ဆေးရည် ဂါလံ (၅၀၀၀) ရောက်ရှိလာရင်တော့ မီးသတ်လူအင်အားကို(၂)ဆတိုးပြီး ဆောင်ရွက်သွားမယ်လို့ သိရပါတယ်။ လက်ရှိမှာ ထပ်မံမှာယူထားတဲ့ Biofoam ဆေးရည်မရောက်ရှိသေးမီ မီးငြှိမ်းသတ်ဖို့အတွက် အမှိုက်ပုံရဲ့ ပတ်ပတ်လည်မှာရှိတဲ့ ရေမြောင်းတွေမှ ရေအဆက်မပြတ် ရရှိအောင် လုပ်ဆောင်ထားတယ်လို့ ရန်ကုန်တိုင်းဒေသကြီးမီးသတ်ဦးစီးဌာနမှ တာဝန်ရှိသူက ပြောပါတယ်။
 
 
 

Related News