မဲခေါင်မြစ်အောက်ပိုင်း ဒေသတစ်လျှောက် အားလုးံပါဝင်နိုင်သော ဖွံဖြိုးတိုးတက်မှု စီမံကိန်းများ အတွက်ဆွေးနွေးပွဲ ကို မေ၃ ရက်နှင့် ၄ ရက်တွင် နေပြည်တော်မှာ ပြုလုပ်နေတယ်လို့ မြန်မာနိုင်ငံဆိုင်ရာ အမေရိကန်သံရုံးရဲ့ သတင်းထုတ်ပြန်ချက်အရ သိရပါတယ်။ ဒီဆွေးနွေးပွဲကို မြန်မာနိုင်ငံ၊ အမေရိကန်နိုင်ငံ၊ ထိုင်းနိုင်ငံ၊  လာအိုပြည်သူဒီမိုကရစ်တစ်သမ္မတနိုင်ငံ ၊ကမ္ဘောဒီးယားနိုင်ငံ ၊ ဗီယက်နမ်နိုင်ငံ၊ သြစတြေးလျနိုင်ငံ၊ ကိုရီးယားသမ္မတနိုင်ငံနှင့် အာရှဖွံဖြိုးရေး ဘဏ် ၊ ကမ္ဘာဘဏ် ၊ အာဆီယံအတွင်းရေးမှူးချုပ်ရုံးက ကိုယ်စားလှယ်တွေ တက်ရောက်ခဲ့ပါတယ်  လို့ဖော်ပြထားပါတယ်။
 
ဒီအစည်းအဝေးပွဲမှာ မဲခေါင်မြစ်ဝှမ်းဒေသတွင်း ကိစ္စရပ်များ ဖြစ်သည့် ကျန်းမာရေး၊ နယ်စပ်ဖြတ်ကျော် ဆက်သွယ်ေ၇းနှင့် ပူးပေါင်းညှိနှိုင်းရေးဆောင်ရွက်ရေး ၊ လယ်ယာစိုက်ပျိုးရေး ဆိုင်ရာ နည်းစနစ်များနှင့် စိန်ခေါ်မှုအခက်အခဲများ၊ ပညာရေးကဏ္ဍဆန်းသစ်မှုနှင့်  သိပ္ပံ ၊ နည်းပညာ၊ အင်ဂျင်နီယာနှင့် သချာင်္ဘာသာရပ်အစီအစဉ်များ၊ အခြေခံဆောက်အအုံတည်တံ့ရေးနှင့် ရေအရင်းအမြစ်စီမံခန့်ခွဲရေး ၊ စွမ်းအင်ကဏ္ဍဖွံဖြိုးရေးနှင့် ပုဂ္ဂလိကဏ္ဍ ထိတွေ့ဆက်ဆံရေး တို့ကို အထူးအလေးထား ဆွေးနွေးကြတယ်လို့ သိရပါတယ်။
 
မဲခေါင်မြစ်အောက်ပိုင်းဒေသ ဖွံဖြိုးမှုပဏာမခြေလှမ်း  ပညာရေးနှင့် နည်းပညာပိုင်း အစီအစဉ်၏ ရတနာပုံဆိုက်ဘာစီးတီးမှ ကျောင်းသားငါးဦး အဖွဲ့ဟာလည်း ခြေနင်း လျှပ်စစ်ဓါတ်အားထုတ်စက် ကိုဖန်တီးထီတွင်ခဲ့ပြီး ဒီတီတွင်မှုကို တက္ကဆက် အေအန်အမ် တက္ကသိုလ်မှ ကျောင်းသားအဖွဲ့နှင့် ပူးပေါင်းကာ Invent for the Planet  ပြိုင်ပွဲကို ၀င်ရောက် ယှဉ်ပြိုင်ပြီး ပထမဆုရရှိခဲ့တယ်လို့ သိရပါတယ်လို့ သတင်းထုတ်ပြန်ချက်မှာ ဖော်ပြထားပါတယ်။
 
မဲခေါင်အောက်ပိုင်းဒေသဖွံဖြိုးမှု ပဏာမခြေလှမ်း အစီအစည်ကို အာစီယံဒေသတွင်း ဖွံဖြိုးမှုကွာဟခြင်း လျှော့ချရာတွင် အထောက်ကူဖြစ်စေရန်နှင့် ဒေသတွင်း ရေရှည်တည်တံသော စီးပွားရေးဖွံဖြိုးရေးနှင့် သာယာဝပြောရေးအတွက် ပူးပေါင်းဆောင်ရွက်ရန်အတွက် ကမ္ဘောဒီယား၊ လာအို၊ ထိုင်း ၊ ဗီယက်နမ်နိုင်ငံတို့မှ နိုင်ငံခြားရေးဝန်ကြီးများနှင့် အမေရိကန်နိုင်ငံနိုင်ငံခြားရေး ၀န်ကြီးတို့က ၂၀၀၉ ခုနှစ်မှာ စတင်ခဲ့ခြင်းဖြစ်တယ်လို့ သိရပါတယ်။
 
 
 

Related News