ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ(JMC)အဆင့်ဆင့်မှာ ပါဝင်သူတွေဟာJMCရဲ့ အောင်မြင်မှု၊ အခက်အခဲ၊ စိန်ခေါ်မှုနဲ့ ရှေ့လုပ်ငန်းစဉ်တွေအပေါ် ရန်ကုန်မြို့ Lotte Hotel မှာ မေလ(၈)ရက်နဲ့ (၉)ရက်နှစ်ရက်တာ တွေ့ဆုံအဖြေရှာနေပါတယ်။ပြည်ထောင်စုအဆင့်(JMC-U)၊ တိုင်းဒေသကြီးနဲ့ပြည်နယ်အဆင့် (JMC-S)နဲ့ ဒေသဆိုင်ရာအဆင့်(JMC-L)တွေမှာ ပါဝင်သူတွေတက်ရောက်နေကြပါတယ်။ ဒါဟာ ဒုတိယ အကြိမ်မြောက်ဖြစ်ပြီး ပြီးခဲ့တဲ့ တစ်နှစ်တာကာလအတွင်းJMCအဆင့်ဆင့်ရဲ့ လုပ်ငန်းဆောင်ရွက်ချက် အခြေအနေတွေကို ဆွေးနွေးသုံးသပ်ကြမှာဖြစ်ပါတယ်။လက်ရှိမှာတော့JMC စတင်ဖွဲ့စည်းတာ ဒီနှစ်မှာ(၂)နှစ်ခွဲ ရှိပြီဖြစ်ပြီး ဒီကာလအတွင်းJMC-ှ ငါးခုဖြစ်တဲ့ (ရှမ်းပြည်နယ်၊ တနင်္သာရီတိုင်းဒေသကြီး၊ ကရင်ပြည်နယ်၊ မွန်ပြည်နယ်၊ ပဲခူးတိုင်းဒေသကြီး)ကို ဖွဲ့စည်းပြီးဖြစ်သလို ဒေသ ဆိုင်ရာ အဆင့် (JMC)အနေနဲ့ ရှမ်းပြည်နယ်လင်းခေးနဲ့ ဖာပွန်တို့မှာ ဖွဲ့စည်းထားပြီးဖြစ်ပါတယ်။

ဒါ့အပြင် လုပ်ထုံးလုပ်နည်း(၆)ခုနဲ့လုပ်ငန်းလမ်းညွှန်(၈)ခုကိုလည်း အတည်ပြု ကျင့်သုံးပြီးဖြစ်တယ်လို့ သိရပါတယ်။တစ်ဖက်မှာလည်း လက်ရှိအချိန်ထိJMCအဆင့်ဆင့်ကို တိုင်ကြားစာပေါင်း (၄၀၀)ကျော် ရောက်ရှိခဲ့ပြီး(၃၃၀)ကျော်ကို ဖြေရှင်းနိုင်ခဲ့တယ်လို့ သိရပါတယ်။အခုJMCအဆင့်ဆင့်ရဲ့ မျက်နှာစုံညီအစည်းအဝေးပြီးရင်တော့ လာမယ့် မေလ(၁၀)ရက် နဲ့ (၁၁)ရက်တွေမှာ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC)ရဲ့ အစည်းအဝေးကို ရန်ကုန်မြို့ရွှေလီလမ်းမှာရှိတဲ့NRPCမှာ ပြုလုပ်မှာ ဖြစ်ပါတယ်။

 

 

Related News