ဘာသာပေါင်းစုံပါဝင်တဲ့ Religions for Peace (Myanmar) အဖွဲ့အနေနဲ့ မြန်မာနိုင်ငံမှာ ဘာသာရေး ပဋိပက္ခတွေတားဆီးနိုင်ဖို့ အစိုးရနဲ့ပူးပေါင်းဆောင်ရွက်နိုင်မယ့် အခန်းကဏ္ဍတွေအတွက် နိုင်ငံတော်၏ အတိုင်ပင်ခံပုဂ်္ဂိုလ်နဲ့ မေလ(၂၅)ရက်မှာ တွေ့ဆုံမယ်လို့သိရပါတယ်။အတိုင်ပင်ခံပုဂ်္ဂိုလ်နဲ့ မတွေ့မီ မေလ(၂၃)ရက်နေ့ကလည်း အမေရိကန် ၊ ဥရောပနိုင်ငံတွေ၊ အင်ဒိုနီးရှား၊ တူနီရှား၊ အိန္ဒိယ၊နီပေါ၊ကမ္ဘောဒီးယား၊အပါအ၀င် နိုင်ငံတကာမှာရှိတဲ့ Religions for Peace အဖွဲ့တွေက ဗုဒ္ဓဘာသာ၊ ခရစ်ယာန်၊ ဟိန္ဒူနဲ့အစ္စလာမ် ခေါင်းဆောင်တွေရန်ကုန်မှာ တွေ့ဆုံခဲ့ပါသေးတယ်။

အတိုင်ပင်ခံပုဂ္ဂိုလ်နဲ့တွေ့ဆုံဆွေးနွေးမယ့်ကိစ်္စအပါအ၀င် ဘာသာရေးပဋိပက္ခတွေထိန်းချုပ်နိုင်ဖို့နဲ့ ရခိုင်နဲ့ကချင်ဒေသ တွေက ပဋိပက္ခတွေ ဖွံ့ဖြိုးရေးကိစ္စတွေ အတွက် ဆွေးနွေးခဲ့တာဖြစ်ပါတယ်။ဒီအစည်းအဝေးကိုတော့ အမေရိကန်သံအမတ်အပါအ၀င် နိုင်ငံတကာ သံအမတ်(၂၀)ကျော် တက်ရောက်ခဲ့ပြီး သာသနာရေးနှင့်ယဉ်ကျေးမှုဝန်ကြီးဌာနက တာဝန်ရှိသူတွေလည်း တက်ရောက် ခဲ့ပါတယ်။ဒီအဖွဲ့အနေနဲ့ လက်တွေ့မြေပြင်အခြေအနေမှန်တွေ သွားရောက်လေ့လာပြီး နိုင်ငံတကာမှာ ထွက်ပေါ်နေတဲ့ ကောလာဟလတွေကို ဖြေရှင်းနိုင်ဖို့ ကြိုးစားမယ်လို့ပြောပါတယ်။ အတိုင်ပင်ခံနဲ့ တွေ့ပြီးပါက ရခိုင်ပြည်နယ်ကို သွားရောက်မှာဖြစ်ပြီး နယူးယောက်Religions for Peace ကတာဝန်ရှိသူတွေနဲ့ ပြည်တွင်းက ဘာသာပေါင်းစုံ ခေါင်းဆောင်တွေ ပါဝင် မှာဖြစ်တယ်လို့သိရပါတယ်။

ဒုက္ခသည်ပြန်လည်လက်ခံနေတဲ့ အခြေအနေတွေအပြင် နှစ်ဖက်လူ့အဖွဲ့အစည်းအသိုင်းအ၀ိုင်းတွေ၊ဒေသခံ ဘာသာပေါင်းစုံက ပုဂ္ဂိုလ်တွေနဲ့ တွေ့ဆုံမှာဖြစ်မယ်လို့ ပြောပါတယ်။ဖွံ့ဖြိုးမှုနည်းတဲ့ဒေသတွေမှာ ပဋိပက္ခတွေ ပိုတွေ့နေရလို့ ဖွံ့ဖြိုးရေး အပိုင်းကိုပါ လုပ်ဆောင်မယ်လို့ သိရပြီး ပြည်တွင်းအခြေစိုက် နိုင်ငံတကာသံအမတ်တွေကလည်း ကူညီပေးမယ်လို့ သိရပါတယ်။ဘာသာပေါင်းစုံချစ်ကြည်ညီညွတ်ရေးနဲ့ ဘာသာရေးကြောင့် ပဋိပက္ခတွေမဖြစ်ပွားစေဖို့ Religions for Peace အဖွဲ့ကို ဘာသာပေါင်းစုံခေါင်းဆောင်တွေနဲ့အမေရိကန်နိုင်ငံမှာ စတင်ဖွဲ့စည်း  ခဲ့တာဖြစ်ပြီး လက်ရှိ ကမ္ဘာ့နိုင်ငံပေါင်း (၉၃)ခုမှာ ဖွဲ့စည်းထားပြီးဖြစ်ပါတယ်။ မြန်မာနိုင်ငံမှာတော့ ၂၀၁၃ခုနှစ်မှာ စတင်ဖွဲ့စည်းနိုင်ခဲ့တာ ဖြစ်ပါတယ်။

 

 

Related News