ကလေးသူငယ်တွေရဲ့ ရရှိနိုင်မယ့် အခွင့်အရေးတွေကို ဖော်ဆောင်ဖို့ရာအတွက် ကလေးသူငယ် အခွင့်အရေးဆိုင်ရာ ဥပဒေအသစ်ကို အမျိုးသားလွှတ်တော် ဥပဒေကြမ်းကော်မတီမှာ ဆွေးနွေးနေပြီး မကြာမီ ပေါ်ပေါက်လာတော့မယ်လို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြောပါတယ်။ ကလေးသူငယ်တွေအနေနဲ့ တစ်ချိန်မှာလူကြီးဖြစ်လာမှာကြောင့် ငယ်စဉ်ထဲက ရသင့်ရထိုက်တဲ့ အခွင့်အရေးနဲ့ ဖွံ့ဖြိုးတိုးတက်မှုတွေကို ရရှိဖို့ လိုအပ်တယ်လို့ ဆိုပါတယ်။

  မြန်မာနိုင်ငံအနေနဲ့  လက်ရှိကလေးသူငယ်အခွင့်အရေးဆိုင်ရာ ဥပဒေနဲ့ နည်းဥပဒေရှိနေပြီး ပြင်ဆင်ရေးဆွဲဖို့လိုအပ်တာကြောင့် ဒီဥပဒေကို ပြန်လည်ရေးဆွဲတာလို့ ဒေါက်တာဝင်းမြတ်အေး ကပြောပါတယ်။ မြန်မာနိုင်ငံအနေနဲ့ ကလေးသူငယ်အခွင့်အရေးဆိုင်ရာဥပဒေတွေနည်းဥပဒေတွေထဲမှာပါဝင်တဲ့ အချက်တွေကို ဖော်ဆောင်ဖို့ရာအတွက် အမျိုးသားအဆင့်ကော်မတီတစ်ရပ်ကိုဖွဲ့စည်းထားပါတယ်။ ဒီကော်မတီကနေ ကလးသူငယ်တွေအတွက် အခွင့်အရေး(၄)ရပ်ဖြစ်တဲ့ အသက်ရှင်သန်ခွင့်၊ ဖွံ့ဖြိုး တိုးတက်ခွင့်၊ ကာကွယ်စောင့်ရှောက်ခံ ပိုင်ခွင့်နဲ့ ပါဝင်ဆောင်ရွက်ခွင့်တို့အတွက် အကောင်အထည်ဖော်ဆောင်ရွက်ပေးနေတယ်လို့ သိရပါတယ်။

ကလေးသူငယ်အခွင့်အရေးတွေနဲ့ပတ်သက်ပြီး ဖော်ဆောင်ဖို့ရာအတွက် အမျိုးသားအဆင့် ကလေးသူငယ်များတွေဆုံ့ပွဲကို ပြီးခဲ့တဲ့မေလ၂၆ရက်က နေပြည်တော်မှာရှိတဲ့ Horizon Lake View ဟိုတယ်မှာပြုလုပ်ခဲ့ပြီး နေပြည်တော်အပါအ၀င် တိုင်းဒေသကြီးနဲ့ပြည်နယ်တွေက ကလေးသူငယ် ၁၅၀ဦး အပါအ၀င်တာဝန်ရှိသူတွေတက်ရောက်ခဲ့ကြပါတယ်။

 

 

 

Related News