သက်ငယ်မုဒိမ်းမှု ကျူးလွန်သူတွေကို ထိရောက်စွာဟန့်တားနိုင်ရေးအတွက် အထူးဥပဒေတစ်ရပ်အမြန်ရေးပြီး ဒီဥပဒေမှာ ပြစ်မှုကျုးလွန်သူတွေအတွက် ပြစ်မှုပြစ်ဒဏ်ကို သေဒဏ်ချမှတ်သည်အထိ ရေးဆွဲပြဌာန်းပေးဖို့ ပြည်ထောင်စုအစိုးရအား တိုက်တွန်းတဲ့အဆိုကို ပြည်သူ့လွှတ်တော်မှာ ဆွေးနွေးသွားမယ်လို့သိရပါတယ်။

အဆိုကို ရသေ့တောင် မဲဆန္ဒနယ်က ပြည်သူလွှတ်တော်ကိုယ်စားလှယ် ဒေါ်ခင်စောဝေက ဇွန်လ၁ရက်ကပြုလုပ်ခဲ့တဲ့ ဒုတိယအကြိမ်ပြည်သူ့လွှတ်တော် အဋ္ဌမအစည်းအဝေးမှာ တင်သွင်းတာပါ။ အဆိုရှင်ဖြစ်တဲ့ ဒေါ်ခင်စောဝေက သက်ငယ်မုဒိန်းမှုတွေဟာ နှစ်စဉ်မြင့်တက်နေပြီး ထိန့်လန့်ဖွယ်အဆင့်သို့ရောက်ရှိနေတယ်လို့ ဆိုပါတယ်။  ကလေးသူငယ်တွေအပေါ် လိင်ပိုင်းဆိုင်ရာစော်ကားခြင်းဟာ ကျူးလွန်ခံရတဲ့ ကလေးသူငယ်ကိုသာမက မိသားစုကိုပါ လူမှုဒုက္ခအမျိုးမျိုးကျရောက်စေပြီး မြန်မာလူအဖွဲ့အစည်းရဲ့ ဂုဏ်သိက္ခာကိုပါကျဆင်းစေတာကြောင့်အဆိုကိုတင်သွင်းခဲ့တာလို့ ပြောပါတယ်။

မြန်မာနိုင်ငံမှာ၂၀၁၆ခုနှစ်အတွင်း မုဒိမ်းမှု၁၁၀၀ ဖြစ်ပွားခဲ့ကာ ဒီထဲမှာ သက်ငယ်မုဒိမ်းမှု(၆၇၁)မှုပါဝင်ခဲ့ပြီး ၂၀၁၇ခုနှစ်မှာတော့ မုဒိမ်းမှု(၁၄၀၅)မှုဖြစ်ပွားခဲ့ပြီး သက်ငယ်မုဒိန်းမှု(၈၉၇)မှု ပါဝင်ခဲ့တယ်လို့ သိရပါတယ်။ ယခု ၂၀၁၈ခုနှစ်ဧပြီလအထိ မုဒိမ်းမှုပေါင်း (၅၃၃) မှုဖြစ်ပွားခဲ့ကာ အဲဒီထဲမှာ သက်ငယ်မုဒိန်းမူပေါင်း၃၆၀မှုအထိ ဖြစ်ပွားခဲ့တယ်လို့ ပြည်ထဲရေးဝန်ကြီးဌာနက သိရပါတယ်။ 

ဒေါ်ခင်စောဝေရဲ့အဆိုကို မန်တုန်မြို့နယ်က ပြည်သူ့လွှတ်တော် ကိုယ်စားလှယ် ဒေါ်နန်းမိုးကထောက်ခံတင်ပြခဲ့ပြီး ကန့်ကွက်သူမရှိတာကြောင့် ပြည်သူ့လွှတ်တော်မှာ ဆွေးနွေးဖို့ သဘာတူလိုက်တယ်လို့ သိရပါတယ်။ မြန်မာနိုင်ငံအနေနဲ့ မုဒိမ်းမှုနှင့်စပ်လျဉ်းပြီးရာဇသတ်ကြီးပုဒ်မ၃၇၆အရ ပြစ်မှုကျုးလွန်သည့် တရားခံ ကိုထောင်ဒဏ် အနှစ်၂၀အထိဖြစ်စေ၁၀နှစ်အထိထောင်ဒဏ်တစ်မျိုးဖြစ်စေ၊ ချမှတ်မည့်အပြင် ငွေဒဏ်လဲချမှတ်နိုင်တယ်လို့ သိရပါတယ်။

တရားခံကအရွယ်မရောက်သေးတဲ့ ကလေးသူငယ်ကိုဖြစ်စေ၊ အရွယ်ရောက်ပြီး သူကိုဖြစ်စေ၊မုဒိမ်းမှုပြုကျင့်ပြီး မုဒိမ်းမှုပြုကျင့်ခံရသူကို သတ်ဖြတ်ခဲ့ကြောင်းပေါ်ပေါက်ပါက လည်ကောင်းတရာခံကို တရားရုံးကရာဇသတ်ကြီး ဥပဒေပုဒ်မ၃၀၂(ဃ)အရ သေဒဏ်မှအပ အခြားပစ်ဒဏ်များ ချမှတ်နိုင်ခြင်း မရှိတာကြောင့် သေဒဏ်ကိုမလွဲမသွေချမှတ်ရမယ်လို့ ပြဋ္ဌာန်းထားကြောင်းသိရပါတယ်။

 

 

Related News