အစိုးရ၊ တပ်မတော်နဲ့ အပစ်ရပ်အဖွဲ့တွေကြား သဘောတူညီချက်မရသေးတဲ့ နိုင်ငံရေးကဏ္ဍရဲ့ အဓိကအချက်တစ်ချို့ ကိုလာမယ့် ပင်လုံအစည်းအဝေးမှာ ထည့်မဆွေးနွေးဖို့ နှစ်ဖက်လုံးက ဆုံးဖြတ်လိုက်ပါတယ်။ပြီးခဲ့တဲ့နှစ် ဒုတိယပင်လုံအစည်းအဝေးမှာကတည်းက သဘောတူညီမှုမရခဲ့တဲ့ နိုင်ငံရေးကဏ္ဍရဲ့ ပြည်ထောင်စုမှ ခွဲမထွက် ရ၊တန်းတူညီမျှရေး၊ ကိုယ်ပိုင်ပြဋ္ဌာန်းခွင့်နဲ့ ဖက်ဒရယ်အခြေခံမူအောက်က ပြည်နယ်ဖွဲ့စည်းပုံ အခြေခံဥပဒေရေးဆွဲခွင့် စတာတွေကို လာမယ့်ပင်လုံမှာလည်း ထည့်သွင်း ဆွေးနွေးတော့မှာမဟုတ်ပါဘူး။

ပြီးခဲ့တဲ့ပင်လုံအစည်းအဝေး ပြီးကတည်းက တပ်မတော်နဲ့ အပစ်ရပ် အဖွဲ့တွေကြား အလွတ်သဘောတွေ့ဆုံမှုတွေပြုလုပ်ပြီး အဖြေရှာခဲ့ပေမယ့် နောက်ဆုံးမေလ(၃၀)ရက်ကပြုလုပ်တဲ့ အလွတ်သဘော တွေ့ဆုံမှုအထိ အဖြေမထွက် သေးတာကြောင့် အခုလိုဆုံးဖြတ် လိုက်တာပါ။ လာမယ့် ၂၁ပင်လုံ တတိယအစည်းအဝေးမှာတော့ နိုင်ငံရေးကဏ္ဍမှာ အခြားဆွေးနွေးဖို့ကျန်ရှိတဲ့ ခေါင်းစဉ်ကြီး(၁၀)ခု ထဲက တစ်ဝက်လောက်ကို ဆွေးနွေးမယ်လို့ သိရပါတယ်။

တပ်မတော်ဘက်က ဖွဲ့စည်းပုံအခြေခံဥပဒေမှာပါတဲ့နိုင်ငံတော်ရဲ့ အစိတ်အပိုင်းဟူသမျှ ပြည်ထောင်စုမှ ခွဲမထွက်ရ ဆိုတာကို တင်ပြထားပြီး တိုင်းရင်းသားတွေဘက်ကတော့ ကိုယ်ပိုင်ပြဋ္ဌာန်းခွင့် ၊ တန်းတူရေးနဲ့ ပြည်နယ်အခြေခံဥပဒေ ရေးဆွဲရေးတွေကို တောင်းဆိုထားပါတယ်။နှစ်ဖက်အနေနဲ့ ဒါကို Packageအဖြစ်အပေးအယူ ဆွေးနွေးခဲ့ပေမယ့် အဆင်မပြေသေးတာပါ။ အပစ်ရပ်အဖွဲ့တွေဘက်က ခွဲမထွက်ရဆိုတဲ့ စကားလုံးကို လက်မခံသေးပဲ ဒါကို နည်းလမ်းရှာနိုင်ဖို့ (၁) မထည့်ဖို့ (၂) စကားလုံးပြောင်းလဲ သုံးစွဲဖို့ (၃) အခြေခံဥပဒဆိုင်ရာ အကြံပြုချက်ကို တင်ပြခဲ့ပြီး လက်ရှိမှာတော့ ဆက်ဆွေးနွေးရဖို့ ရှိနေတာပါ။

ပြီးခဲ့တဲ့၂၀၁၇ မေလ(၂၄) ရက်နေ့က ပြုလုပ်တဲ့ ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံ ဒုတိယအစည်းအဝေး မှာတော့ နိုင်ငံရေးကဏ္ဍက (၁၂) ချက် ၊ စီးပွားရေးကဏ္ဍက (၁၁)ချက်၊ လူမှုရေးကဏ္ဍက (၄)ချက်နဲ့ မြေယာနဲ့ သဘာဝပတ်ဝန်းကျင်ကဏ္ဍက (၁၀)ချက် စုစုပေါင်း (၃၇)ချက်ကို သဘောတူနိုင်ခဲ့ပြီး ပြည်ထောင်စုသဘောတူစာချုပ်၏ အစိတ်အပိုင်းအဖြစ် အတည်ပြုနိုင်ခဲ့ပါတယ်။ 

 

 

 

 

Related News