ရခိုင်ပြည်နယ် မောင်တောဒေသရှိ  ဒေသခံပြည်သူတွေကို မြန်မာနိုင်ငံဆိုင်ရာ အစ္စရေးနိုင်ငံသံအမတ်ကြီးက ကနဦးအနေနဲ့ သောက်သုံးရေသန့်စင်စက်(၄)လုံး လှူဒါန်းခဲ့ပါတယ်။ သောက်ရေသန့်စက်လှူဒါန်းပွဲကိုတော့ ဇွန်လ(၉)ရက်နေ့က Sky Star Hotel မှာ ပြုလုပ်ခဲ့တာပါ။ ရခိုင်ပြည်နယ် မောင်တောဒေသမှာ ကြိုဆိုရေးစခန်း(၂)ခုနဲ့ လက်ခံရေးစခန်း(၁)ခုတို့ကို ရခိုင်ပြည်နယ်အတွင်း လူသားချင်းစာနာမှုအကူအညီအထောက်အပံ့ပေးရေး ပြန်လည်နေရာချထားရေးဖွံ့ဖြိုးရေးစီမံကိန်း (UEHRD)မှ ဆောက်လုပ်နေတယ်လို့သိရပါတယ်။

အဲဒီဆောက်လုပ်ထားတဲ့ စခန်းတွေအတွက် သောက်သုံးရေလိုအပ်နေလို့ အစ္စရေးသံအမတ်ကြီးက အခုလိုသောက်သုံးရေသန့်စင်စက်ကို လှူဒါန်းခဲ့တာဖြစ်တယ်လို့ သိရပါတယ်။ယခု ပဏာမလှူဒါန်းလိုက်တဲ့ ရေသန့်စင်စက် (၄)လုံးကို မောင်တောဒေသမှာ ဆောက်လုပ်ထားတဲ့ ကြိုဆိုရေးစခန်းနဲ့ လက်ခံရေးစခန်းတွေမှာ သွားရောက်တပ်ဆင်သွားမှာဖြစ်ပြီး စက်တွေအနေနဲ့ ပြင်ဆင်ရတဲ့ စရိတ်လည်းသိပ်မရှိဘူးလို့သိရပါတယ်။

အခု လှူဒါန်းတဲ့ သောက်သုံးရေသန့်စင်စက်ဟာ ရခိုင်ပြည်နယ်မောင်တောဒေသမှာ ရေရှားပါးနေတာကြောင့် အလွန်လိုနေအပ်တဲ့ စက်ပစ္စည်းဖြစ်တယ်လို့သိရပါတယ်။အခုလှူဒါန်းလိုက်တဲ့ သောက်သုံးရေသန့်စင်စက်များကို ဒေသခံပြည်သူများအသုံးပြုရာမှာ အဆင်ပြေပါက နောက်ပိုင်းမှာ လိုအပ်တဲ့နေရာတွေမှာလည်း ဆက်လက်လှူဒါန်းသွားမှာ ဖြစ်တယ်လို့ UEHRD မှ တာဝန်ရှိသူတစ်ဦးက ပြောပါတယ်။

 

 

Related News