နိုင်ငံတော်အစိုးရအနေနဲ့ ရခိုင်ပြည်နယ်အတွက်လွတ်လပ်တဲ့ စုံစမ်းစစ်ဆေးရေး ကော်မရှင်ကို ဖွဲ့စည်းရာမှာ ပြည်တွင်းမှ ကျွမ်းကျင်ပညာရှင်များနှင့်သာ ဖွဲ့စည်းဆောင်ရွက်ရေး ပြည်ထောင်စုအစိုးရအား တိုက်တွန်ကြောင်း အရေးကြီးအဆို ပြည်သူ့လွှတ်တော်မှာ ဆွေးနွေးခဲ့ပြီး အတည်မပြုကြောင်း ကြေငြာခဲ့တယ်လို့ သိရပါတယ်။နိုင်ငံတော်အစိုးရအနေဖြင့်ရခိုင်ပြည်နယ်အတွက်လွတ်လပ်သောစုံစမ်းစစ်ဆေးရေး ကော်မရှင်တစ်ရပ်ကို နိုင်ငံတကာမှ ပုဂ္ဂိုလ်တစ်ဦးအပါအ၀င်အဖွဲ့ဝင်သုံးဦးဖြင့်ဖွဲ့စည်းခြင်းနှင့်စပ်လျဉ်ပြီး UNSC ကိုယ်စားလှယ်အဖွဲ့ ၏အကြံပြုချက်တွင် ပြည်ပအဖွဲ့ဖြင့် စစ်ဆေးခြင်းနှင့်ပြည်တွင်းအဖွဲ့ဖြင့်စစ်ဆေးခြင်း နည်လမ်း(၂) သွယ်ပါရှိရာ ဖွဲ့စည်းမည်ဆိုပါက လွတ်လပ်သော နိုင်ငံတော်၏ အချုပ်အခြာအာဏာနှင့် နိုင်ငံသားပြည်သူများ၏ ဂုဏ်သိက္ခာကိုယုံကြည်သောအားဖြင့် ပြည်တွင်းမှကျွမ်းကျင် ပညာရှင်များဖြင့်သာ ဖွဲ့စည်းဆောင်ရွက်ရေးကို ပြန်လည်စဉ်းစားဆုံးဖြတ်ပေးပါရန် ပြည်ထောင်စုအစိုးရအား တိုက်တွန်းကြောင်း အဆိုကို မိုင်းပန်မဲဆန္ဒနယ်က ပြည်သူ့လွှတ်တော်ကိုယ်စားလှယ်ဦးစိုင်းကျော်မိုးကတင်သွင်းခဲ့တာပါ။

ဦးစိုင်းကျော်မိုးတင်သွင်းခဲ့တဲ့အရေးကြီးအဆိုအပေါ် နိုင်ငံတော်အတိုင်ပင်ခံရုံးဝန်ကြီးဌာန ဒုတိယ၀န်ကြီးဦးခင်မောင်တင်က ပြန်လည် ရှင်းလင်းခဲ့ပါတယ်။ အဆိုကို နိုင်ငံတော်အတိုင်ပင်ခံရုံးဝန်ကြီးဌာနကအတည်မပြုဖို့တင်ပြခဲ့ပေမယ့်တင်သွင်းခဲ့တဲ့ ဦးစိုင်းကျော်မိုးကယခုအချိန်ဟာ နိုင်ငံအတွက်အရေးကြီးတဲ့အချိန်ဖြစ်ပြီး ရခိုင်အရေးကိစ္စမှာ ပြည်ပပုဂ္ဂိုလ်တွေနဲ့ ဖွဲ့စည်းဆောင်ရွက်ခဲ့ပေမယ့်လက်တွေ့ မှာတော့ နိုင်ငံရဲ့အမျိုးသားအကျိုးစီးပွားကို ထိပါးလာတာပဲရင်ဆိုင် ကြုံတွေ့နေရတာကြောင့်အဆိုကို အတည်ပြုဖို့ တင်ပြခဲ့ပါတယ်။ အဲ့ဒီနောက်ပြည်သူ့လွှတ်တော်မှာမဲခွဲဆုံးဖြတ်ရာအဆိုအပေါ်ထောက်ခံဆန္ဒမဲ(၁၃၈)မဲ၊ကန့်ကွက်ဆန္ဒမဲ(၂၅၁)မဲ၊ကြားနေဆန္ဒမဲ (၃)မဲရရှိခဲ့ပြီးကန့်ကွက်သူပိုမိုများပြားခဲ့တာကြောင့်အတည်မပြုကြောင်းကြေငြာခဲ့တာပါ။ ဦးစိုင်းကျော်မိုးတင်သွင်းခဲ့တဲ့အဆိုအပေါ် တပ်မတော်သားကိုယ်စားလှယ်(၆)ဦးအပါအ၀င် လွှတ်တော် ကိုယ်စားလှယ် (၂၁)ဦးက မနေ့ကဇွန်လ၁၁ရက်ကပြုလုပ်ခဲ့တဲ့ ဒုတိယအကြိမ်ပြည်သူ့လွှတ်တော်အဋ္ဌမပုံမှန် အစည်းအဝေးမှာ ဆွေးနွေးခဲ့ကြတယ်လို့သိရပါတယ်။

 

 

Related News