(၂၀၁၃)ခုနှစ် ရန်ကုန်မြို့တော်စည်ပင်သာယာရေးဥပဒေကိုပြင်ဆင်တဲ့ဥပဒေကြမ်းကို တိုင်းဒေသကြီးလွှတ်တော်မှာ စတင်ဆွေးနွေးခဲ့ပြီး  စည်ပင်သာယာရေးကော်မတီကို အဖွဲ့ဝင်(၁၁)ဦးနဲ့ ဖွဲ့စည်းကာဒုတိယမြို့တော်ဝန်ခန့်အပ်ဖို့ကို ဇွန်လ(၂၅)ရက်ကအတည်ပြုပေးခဲ့ပါတယ်။ 

(၂၀၁၃) ရန်ကုန်မြို့တော်စည်ပင်သာယာဥပဒေကို ပြင်ဆင်တဲ့ဥပဒေအဖြစ် ရန်ကုန်မြို့တော်စည်ပင်သာယာရေးဥပဒေကြမ်းကို ရန်ကုန်တိုင်းဒေသကြီးအစိုးရအဖွဲ့က  (၂၀၁၈)ခုနှစ် ဖေဖော်ဝါရီ(၂)ရက်က တိုင်းဒေသကြီးလွှတ်တော်ကို ပေးပို့တင်သွင်းထားတာဖြစ်ပါတယ်။ ဒီဥပဒေကြမ်းကို ဇွန်(၂၅)ရက်က တိုင်းလွှတ်တော်အစည်းအဝေးမှာ စတင်ဆွေးနွေးခဲ့ပြီး တိုင်းအစိုးရအဖွဲ့ရဲ့ ဥပဒေကြမ်းပါမူလအဆိုပြုချက်ဖြစ်တဲ့ စည်ပင်သာယာရေးကော်မတီကို အဖွဲ့ဝင်(၁၁)ဦးနဲ့ ဖွဲ့စည်းကာ  ဒုတိယမြို့တော်ဝန်ခန့်အပ်ဖို့ကို  လွှတ်တော်ဆိုင်ရာကော်မတီတွေ၊ လွှတ်တော်ကိုယ်စားလှယ်တွေက ဆွေးနွေးအဆိုပြုချက်တွေနဲ့အတူ အတည်ပြုပေးခဲ့ပါတယ်။ 

ဒုတိယမြို့တော်ဝန်ခန့်အပ်မှုကိုတော့ အားလုံးကသဘောတူခဲ့ကြပေမယ့် ကော်မတီကိုအဖွဲ့ဝင်(၁၁)ဦးနဲ့ ဖွဲ့စည်းဖို့ထက် (၇)ဦးနဲ့သာဖွဲ့စည်းသင့်ကြောင်းကို ဒဂုံမြို့နယ် တိုင်းဒေသကြီးလွှတ်တော်ကိုယ်စားလှယ် ဦးကျော်ဇေယျက အဆိုပြုဆွေးနွေးခဲ့ပါတယ်။ အစိုးရအဖွဲ့က(၃)ဦးရွေးကောက်တင်မြှောက်ပြီး  ပြည်သူတွေကရွေးချယ် တင်မြှောက်မယ့်  ခရိုင်(၄)ခုက (၄)ဦးနဲ့ဖွဲ့စည်းဖို့ ဖြစ်ပါတယ်။ ဒါ့အပြင်ခရိုင်အဆင့်တွေလည်းထားရှိဖို့ အဆိုပြုခဲ့ပါတယ်။ ကော်မတီဆိုတာဟာ  ပေါ်လစီချမှတ်ရုံပဲဖြစ်လို့ အောက်ခြေအထိဆင်းအလုပ်လုပ်စရာမလိုတာကြောင့် လူဦးရေများစရာမလိုဘူးလို့လည်းဆိုပါတယ်။ 

လူဦးရေများတဲ့အတွက် နိုင်ငံတော်ကုန်ကျစရိတ်တွေ ပိုကုန်နိုင်တယ်လို့ အဆိုပြုဆွေးနွေးခဲ့တာပါ။ဒီအပေါ် ဥပဒေကြမ်းကော်မတီက အစိုးရအဖွဲ့က တင်သွင်းထားတဲ့ ဥပဒေကြမ်းပါအတိုင်း ခရိုင်အဆင့်အုပ်ချုပ်ရေးအဖွဲ့တွေမထားရှိတော့ဘဲ စည်ပင်သာယာရေးကော်မတီကပဲ မြို့နယ်အဖွဲ့တွေကို တိုက်ရိုက်ကွပ်ကဲအုပ်ချုပ်သင့်ကြောင်း သဘောထားမှတ်ချက်ပေးခဲ့ပါတယ်။ မြို့တော်ဝန်ဦးမောင်မောင်စိုးကလည်း မူလအဆိုပြုချက်အတိုင်း အတည်ပြုပေးဖို့ကို သဘောထားမှတ်ချက်ပေးခဲ့ပါတယ်။ ဒါ့ကြောင့် လွှတ်တော်မှာ မဲခွဲဆုံးဖြတ်ပြီးအတည်ပြုခဲ့ရာ မူလအတည်ပြုချက်အတိုင်း ကော်မတီဝင် (၁၁)ဦးနဲ့ဖွဲ့စည်းဖို့ကို ထောက်ခံသူများလို့ အတည်ပြုပေးခဲ့ပါတယ်။

ကော်မတီဝင်(၁၁)ဦးမှာ (၅)ဦးက အစိုးရကရွေးချယ်တင်မြှောက်ပြီး ကျန်(၆)ဦးကို ပြည်သူကတင်မြောက်ရမှာဖြစ်ပါတယ်။ ဒုတိယစည်ပင်သာယာရေးဝန်ကြီးလည်းဖြစ်မယ့် ဒုတိယမြို့တော်ဝန်ကိုတော့ ဒီကော်မတီ(၁၁)ဦးက ရွေးကောက်တင်မြှောက်ပေးရမယ်လို့ ဆိုထားပါတယ်။ ဇွန်လ(၂၅)ရက်မှာ ရန်ကုန်မြို့တော်စည်ပင်သာယာရေးဥပဒေကြမ်း အခန်း(၁)၊အမည်နှင့်အဓိပ္ပါယ်ဖော်ပြချက်၊ အခန်း(၂)ရန်ကုန်မြို့တော်စည်ပင်သာယာရေးကော်မတီဖွဲ့စည်းတာ၊ အခန်း(၃) ရွေးကောက်တင်မြှောက်တာ၊အစားထိုးခန့်အပ်တာ၊တာဝန်မှရုပ်သိမ်းတာ၊ အခန်း(၄)ကော်မတီရဲ့ လုပ်ငန်းတာဝန်တွေ၊ အခန်းများနှင့်ပတ်သက်တဲ့ပြင်ဆင်ချက်တွေကိုဆွေးနွေးတာ၊မဲခွဲဆုံးဖြတ်တာ၊ အတည်ပြုတာတွေလုပ်ဆောင်ခဲ့ပါတယ်။ ကျန်ရှိနေသေးတဲ့အခန်းတွေ ဆွေးနွေးဆုံးဖြတ်အတည်ပြုတာတွေကို  ဇွန်လ(၂၇)ရက် တိုင်းဒေသကြီးလွှတ်တော်အစည်းအဝေးမှာ ဆက်လက်လုပ်ဆောင်သွားမှာဖြစ်ပါတယ်။

 

 

Related News