ထိုင်းနိုင်ငံတွင် လိုဏ်ဂူအတွင်း ပိတ်မိနေကြသည့် လူငယ်များကယ်ဆယ်ရေးတွင် မြန်မာနိုင်ငံက အပြည့်အဝပူးပေါင်းကူညီဆောင်ရွက်သွားမည်ဖြစ်တယ်လို့နိုင်ငံတော်သမ္မတရုံးမှသတင်းထုတ်ပြန်ထားပါတယ်။
ထုတ်ပြန်ချက်အပြည့်အစုံမှာ-
ပြည်ထောင်စုသမ္မတမြန်မာနိုင်ငံတော်
နိုင်ငံတော်သမ္မတရုံး
သတင်းထုတ်ပြန်ချက် အမှတ်၊ ၄ /၂၀၁၈
၁၃၈၀ ပြည့်နှစ်၊ ပထမဝါဆိုလပြည့်ကျော် ၁ ရက်
(၂၀၁၈ ခုနှစ်၊ ဇွန်လ ၂၈ ရက်)
ထိုင်းနိုင်ငံတွင် လိုဏ်ဂူအတွင်း ပိတ်မိနေကြသည့် လူငယ်များကယ်ဆယ်ရေးတွင် မြန်မာနိုင်ငံက အပြည့်အဝ ပူးပေါင်းကူညီဆောင်ရွက်သွားမည်ဖြစ်၂၀၁၈ ခုနှစ်၊ ဇွန်လ(၂၃)ရက်နေ့က ထိုင်းနိုင်ငံ၊ မယ်ဆိုင်မြို့ရှိ ထမ့်လုံခွန်နမ့်လိုဏ်ဂူအတွင်း ဝင်ရောက်သွားပြီး လိုဏ်ဂူအတွင်း ပိတ်မိနေကြသည့် လူငယ်ဘောလုံးအသင်းမှ (၁၃)ဦးကို ရှာဖွေကယ်ဆယ်နိုင်ရေး ထိုင်းနိုင်ငံမှ တာဝန်ရှိသူများနှင့် ကယ်ဆယ်ရေးအဖွဲ့များက ကယ်ဆယ်ရေးလုပ်ငန်းများ ဆောင်ရွက်လျက်ရှိရာတွင် မြန်မာနိုင်ငံက လိုအပ်သည်များ အပြည့်အဝ ပူးပေါင်းကူညီဆောင်ရွက်သွားရန် ပြည်ထောင်စုအစိုးရက နိုင်ငံခြားရေးဝန်ကြီးဌာနနှင့် ရှမ်းပြည်နယ်အစိုးရအဖွဲ့တို့သို့ ညွှန်ကြားထားပြီး ဖြစ်ပါကြောင်း သတင်းထုတ်ပြန်အပ်ပါသည်လို့ ပါရှိပါတယ်။

 

 

Related News