အမေရိကန်ပြည်ထောင်စု၏(၂၄၂)နှစ်မြောက်လွတ်လပ်ရေးနေ့အခမ်းအနားကိုနေပြည် တော်ရှိKempinski Hotelမှာပြုလုပ်ခဲ့တယ်လို့သိရပါတယ်။ အဆိုပါအခမ်းအနားကိုတက်ရောက်လာတဲ့ မြန်မာနိုင်ငံဆိုင်ရာအမေရိကန်သံအမတ်ကြီး စကော့မာစီယယ်လ်က မြန်မာနိုင်ငံအနေနဲ့ ပြီးခဲ့တဲ့တစ်နှစ်တာ အတွင်းနေရာကဏ္ဍတော်တော်များများမှာ စိန်ခေါ်မှုတွေ များပြားခဲ့ကာ အမေရိကန်နဲ့ မြန်မာပြည်သူတွေအကြား ရှိနေတဲ့ ဆက်နွယ်မှုတွေကို ပိုမိုအားကောင်းခိုင်မာအောင် လုပ်ဆောင်သွားမယ်လို့ပြောကြားခဲ့ပါတယ်။ 

အမေရိကန်ပြည်ထောင်စု၏၂၄၂နှစ်မြောက်လွတ်လပ်ရေးနေ့အခမ်းအနားကို  အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေ၊ပြန်ကြားရေးဝန်ကြီးဌာနပြည်ထောင်စုဝန်ကြီး ဒေါက်တာဖေမြင့်၊ လျှပ်စစ်နှင့်စွမ်းအင်ဝန်ကြီးဌာနပြည်ထောင်စုဝန်ကြီးဦးဝင်းခိုင်၊ ပြန်ကြားရေးဝန်ကြီးဌာနဒုတိယဝန်ကြီး ဦးအောင်လှထွန်းတို့အပါအဝင် လွှတ်တော်ကိုယ်စားလှယ်တွေ၊ သံအမတ်ကြီးတွေနဲ့ သံတမန်တွေ၊ အမေရိကန်နိုင်ငံကစီးပွားရေးလုပ်ငန်းတွေနဲ့ ပူးပေါင်းလုပ်ဆောင်နေတဲ့ စီးပွားရေးလုပ်ငန်းရှင်တွေနဲ့ ဖိတ်ကြားထားသူတွေတက်ရောက်ခဲ့ကြပါတယ်။ 

အမေရိကန်ပြည်ထောင်စု၏(၂၄၂)နှစ်မြောက်လွတ်လပ်ရေးနေ့ဟာ လာမည့်ဇူလိုင်လ(၄)ရက်မှာကျရောက်မှာဖြစ်ပေမယ့် ယခုအခမ်းအနားကို ကြိုတင်ကျင်းပတာဖြစ်ပြီး နှစ်နိုင်ငံသံတမန်ဆက်ဆံရေး (၇၁)နှစ်ပြည့် အခမ်းအနားနဲ့အတူ ကျင်းပခဲ့တာဖြစ်တယ်လို့ သိရပါတယ်။

 

 

 

 

Related News