တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)မှာ လက်မှတ်ရေးထိုး နိုင်ခြင်းမရှိသေးတဲ့ တိုင်းရင်းသား လက်နက်ကိုင်အဖွဲ့ အစည်းတွေကကိုယ်စားလှယ်တွေဟာအစိုးရပိုင်း၊တပ်မတော်ပိုင်းနဲ့သီးခြားတွေ့ဆုံမှုတွေပြုလုပ်ခဲ့ပြီးဒီလိုတွေ့ဆုံရာမှာ လွတ်လပ်ပွင့်လင်းစွာရင်းနှီးစွာဆွေးနွေး ညှိနှိုင်းနိုင်ခဲ့ပြီး ငြိမ်းချမ်းရေးလုပ်ငန်းစဉ်မှာ ပါဝင်နိုင်စေမယ့်အလားအလာ ကောင်းတွေများစွာရရှိခဲ့တဲ့အတွက် အားလုံးအတွက်ဝမ်းမြောက်ဖွယ်ရာဖြစ်ကြောင်းတွေ့ရှိရပါတယ်လို့နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။

ပြည်ထောင်စုငြိမ်းချမ်းရေးညီလာခံ(၂၁)ရာစု ပင်လုံ တတိယအစည်းအဝေးမှာ NCA လက်မှတ် ရေးထိုး နိုင်ခြင်းမရှိသေးတဲ့ တိုင်းရင်းသား လက်နက်ကိုင်အဖွဲ့ အစည်းတွေကို ဖိတ်ကြားခဲ့ပြီး အစည်းအဝေးကိုတက်ရောက်လာခဲ့တဲ့ NCA လက်မှတ် ရေးထိုး နိုင်ခြင်းမရှိသေးတဲ့ တိုင်းရင်းသား လက်နက်ကိုင်အဖွဲ့ အစည်းတွေနဲ့ ညှိနှိုင်းမှုတွေ ပြုလုပ်နိုင်ခဲ့တာဟာ ပြည်ထောင်စုငြိမ်းချမ်းရေး ညီလာခံ(၂၁)ရာစု ပင်လုံ တတိယအစည်းအဝေးရဲ့ ရလဒ်ကောင်းတွေထဲက တစ်ခုဆိုတာကိုတွေ့ရှိနိုင်ကြမှာပါလို့နိုင်ငံတော်၏ အတိုင်ပင်ခံ ပုဂ္ဂိုလ်ကပြောပါတယ်။

အစည်းအဝေးကိုတက်ရောက်လာတဲ့ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူ စာချုပ် (NCA)မှာလက်မှတ်ရေးထိုးနိုင် ခြင်း မရှိသေးတဲ့ တိုင်းရင်းသားလက်နက်ကိုင် အဖွဲ့အစည်းတွေဖြစ်တဲ့ “၀” ပြည်သွေး စည်းညီညွတ်ရေးပါတီ (UWSA) ၊ရှမ်းပြည်တိုးတက်ရေးပါတီ(SSPP) ၊ မိုင်းလားအထူးဒေသ(၄) (NDAA) နဲ့ ကချင် လွတ်မြောက်ရေးအဖွဲ့ (KIO) တို့ကကိုယ်စားလှယ်အဖွဲ့တွေဟာ ဇူလိုင်လ(၁၂)ရက်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ဇူလိုင်လ(၁၁)ရက်မှာ တပ်မတော် ကာကွယ် ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တိုနဲ့ တွေဆုံခဲ့ကျတာပါ။

ဒါ့အပြင် (TNLA) ၊(MNDAA)နဲ့ (AA)တို့ဟာလည်း ဇူလိုင်လ(၁၂)ရက်မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့တွေ့ဆုံခဲ့ပါတယ်။ အဆိုပါတွေ့ဆုံမှုတွေအတွင်း ပဋိပက္ခများလျှော့ချနိုင်ရေးကိစ္စတွေ၊ တစ်နိုင်ငံလုံးပစ်ခတ် တိုက်ခိုက်မှု ရပ်စဲရေးသဘောတူစာချုပ်(NCA) လက်မှတ်ရေးထိုးနိုင်ရေးကိစ္စတွေ နဲ့ နိုင်ငံရေး ဆွေးနွေးပွဲများ မှာ ပါဝင်နိုင်ရေးကိစ္စတွေကိုဆွေးနွေးခဲ့ကြတယ်လို့သတင်းထုတ်ပြန်မှုတွေအရသိရပါတယ်။ဒီကနေ့ဇူလိုင်လ(၁၆)ရက်က နေပြည်တော်မှာရှိတဲ့ မြန်မာအပြည်ပြည်ဆိုင်ရာကွန်ဗစ်ရှင်းဗဟိုဌာန-၂(MICC-2)မှာပြုလုပ်ခဲ့တဲ့ ပြည်ထောင်စုငြိမ်းချမ်းရေး ညီလာခံ (၂၁) ရာစု ပင်လုံ တတိယအစည်းအဝေး နောက်ဆုံးနေ့မိန့်ခွန်းပြောကြားစဉ် နိုင်ငံတော်၏ အတိုင်ပင်ခံပုဂ္ဂိုလ်ကထည့်သွင်းပြောကြားခဲ့တာပါ။

 

 

 

Related News