အခု(၂၀၁၈-၂၀၁၉)ပညာသင်နှစ်မှာ လှိုင်သာယာမြို့နယ်ရှိ ကျောင်းသား၊ ကျောင်းသူ (၄၀၀၀)နီးပါးကို နိုင်ငံသားစိစစ်ရေးကဒ်ပြား ပြုလုပ်ပေးသွားမယ်လို့ သိရပါတယ်။ အခု  နိုင်ငံသားစိစစ်ရေးကတ်ပြား ပြုလုပ်ပေးနေတဲ့ ကျောင်းသား ကျောင်းသူတွေထဲမှာ  မွေးစာရင်းမရှိတဲ့ ကျောင်းသားကျောင်းသူတွေနဲ့ အိမ်ထောင်စုစာရင်းထဲကို မပါဝင်သေးတဲ့ကျောင်းသားကျောင်းသူ တွေပါဝင်တယ်လို့ သိရပါတယ်။ ဒီလို ကျောင်းသားကျောင်းသူတွေကိုတော့ သက်ဆိုင်ရာဌာနတွေမှာလိုအပ် တာတွေလုပ်ဆောင်စေပြီးမှ နိုင်ငံသားစိစစ်ရေးကတ်ပြားကို ပြုလုပ်ပေးတာလို့ သိရပါတယ်။

လှိုင်သာယာမြို့နယ်အတွင်းမှာ မူလတန်း၊ အလယ်တန်း၊ အထက်တန်းကျောင်းပေါင်း(၅၇)ကျောင်းရှိပြီး အခုပညာသင်နှစ်မှာအထက်တန်းကျောင်း (၈)ကျောင်းနဲ့ အထက်တန်းကျောင်းခွဲ(၁၈)ကျောင်းက ကျောင်းသား၊ ကျောင်းသူ(၄၀၀၀)နီးပါးကို နိုင်ငံသားစိစစ်ရေးကဒ်ပြားပြုလုပ်ပေးသွားမယ်လို့ တာဝန်ရှိသူက ပြောပါတယ်။ အခုလိုပြုလုပ်ပေးတာဟာ  အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ လူဝင်မှုကြီးကြပ်ရေး နှင့်ပြည်သူ့အင်အားဦး စီးဌာနက ဆောင်ရွက်နေတဲ့ သစ္စာစီမံချက်ရဲ့ လုပ်ငန်းအစဉ်အရ ပြုလုပ်ပေးနေတာလို့ သိရပါတယ်။ပြီးခဲ့တဲ့(၂၀၁၇-၂၀၁၈)ခုနှစ်ပညာသင်နှစ်မှာတော့ လှိုင်သာယာမြို့နယ်အတွင်း ကျောင်း(၁၆)ကျောင်းကိုကွင်းဆင်းဆောင်ရွက်ခဲ့ပြီး ကျောင်းသား၊ကျောင်းသူ (၁၆၈၃)ဦးကို နိုင်ငံသားစိစစ်ရေးကဒ်ပြားပြုလုပ်ပေးခဲ့တယ်လို့သိရပါတယ်။

 

 

Related News