ကုမ္ပဏီဥပဒေသစ်မှာ အွန်လိုင်းမှတ်ပုံတင်စနစ်ကိုကျင့်သုံးတာဖြစ်ပြီး ကုမ္ပဏီတွေရဲ့ အချက်အလက် တစ်ချို့ ကိုလည်း အွန်လိုင်းမှာ အလွယ်တကူကြည့်ရှုနိုင် အောင်ဆောင်ရွက်ထားတာဖြစ်ပါတယ်။ဒါပေမယ့် ကုမ္ပဏီရဲ့ အသေးစိတ် အချက်အလက်ကို ထပ်မံသိရှိလိုရင်တော့ အခကြေးငွေပေးပြီး ကြည့်ရှုရ မှာ ဖြစ်တယ်လို့ ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှု ဦးစီးဌာနထံက သိရပါတယ်။အွန်လိုင်းမှတ်ပုံတင် စနစ်(MyCo) မှာတော့ ကုမ္ပဏီတစ်ခုမှာရှိတဲ့ ဒါရိုက်တာတွေရဲ့နေရပ်လိပ်စာ၊ သင်းဖွဲ့ စည်းမျဉ်း၊ ရင်းနှီးငွေထည့်ဝင်သူတွေ၊အပါအ၀င် အများပြည်သူကို ထုတ်ဖော်ပြသထားခြင်းမရှိတဲ့ အချက်အလက်တွေအတွက် အခကြေးငွေပေးပြီး ရယူရမှာဖြစ်ပါတယ်။

ကုမ္ပဏီတွေအနေနဲ့ ဒီအချက်အလက်တွေအတွက် လျှို့ဝှက်ထားလို့မရဘူးလို့ DICA ရဲ့ ညွှန်ကြားရေးမှူးချုပ် ကပြောပါတယ်။ တစ်ဖက်မှာလည်း ကုမ္ပဏီတွေ အချက်အလက်မမှန်မကန် မှတ်ပုံတင်တာအတွက် စစ်ဆေးမှာမဟုတ်ပေမယ့် တစ်ချိန်မှာ ပြန်လည်တိုင်ကြား မှုရှိပါက ထောင်ဒဏ်အထိ ပြစ်ဒဏ်ပိုင်း တွေပါဝင်တယ်လို့သိရပါတယ်။လက်ရှိမှတ်ပုံတင်ထားတဲ့ ကုမ္ပဏီအားလုံးဟာ ကုမ္ပဏီဥပဒေသစ်စတင်အသက်ဝင်တဲ့ သြဂုတ်လ(၁)ရက် နေ့ကစပြီး (၆)လအတွင်း အွန်လိုင်းကနေ ပြန်လည်မှတ်ပုံတင်တာတွေကို ပြုလုပ်ရမှာဖြစ်ပါ တယ်။

လက်ရှိမှာ မှတ်ပုံတင် ထားတဲ့ သက်တမ်းရှိကုမ္ပဏီခြောက်သောင်းကျော်ရှိပြီး ဒီကုမ္ပဏီတွေအနေနဲ့ ခြောက်လအတွင်း ပြန်လည်မှတ်ပုံတင်မပြု လုပ်ပါက နောက်ထပ် တစ်လအတွင်း ဒဏ်ကြေးငွေ ပေးဆောင်ပြီး ပြန်လည်မှတ်ပုံတင်ရမှာ ဖြစ်ကာ ကျော်လွန်ပါက ကုမ္ပဏီ အဖြစ်က ရုတ်သိမ်းမှာဖြစ်ပါတယ်။ကုမ္ပဏီအမျိုးအစားပေါ်မူတည်ပြီး ဒဏ်ကြေးငွေ တစ်သိန်း ကနေ ၂၅သိန်း အထိ ပေးဆောင်ရမယ်လို့ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဋ္ဌာနက ထုတ်ပြန်ထားပါတယ်။သြဂုတ်လ(၁)ရက်နေ့ကစပြီး ၁၉၁၄ ခုနှစ်ကုမ္ပဏီများဥပဒေအစား ၂၀၁၇ခုနှစ်ကုမ္ပဏီများဥပဒေနဲ့ အစား ထိုးကျင့်သုံး လိုက်တာဖြစ်ပါတယ်။ ဥပဒေသစ်အရ မြန်မာကုမ္ပဏီတွေမှာ နိုင်ငံခြားသားရှယ်ယာပါဝင်မှု (၃၅)ရာခိုင်နှုန်းအထိ ပါဝင်ခွင့်ပြုခဲ့သလို တစ်ဦးတည်းနဲ့ကုမ္ပဏီ ထောင်ခွင့်လည်းရှိနေပါတယ်။ 

 

 

Related News