မြရိပ်ညိုဟိုတယ်နေရာမှာ Yangon New World စီမံကိန်းကို တည်ဆောက်အကောင်အထည်ဖော်သွားမယ်လို့ ဇေကမ္ဘာကုမ္ပဏီမှ တာဝန်ရှိသူကပြောပါတယ်။ Yangon New World စီမံကိန်း ကို မြေ(၁၄)ဧက ကျယ်ဝန်းတဲ့ ယခင် မြရိပ်ညိုဟိုတယ်နေရာမှာ China State Construction Engineering Coorporation နဲ့ ဇေကမ္ဘာကုမ္ပဏီတို့ ပူးပေါင်းဆောက်လုပ်သွားမှာ ဖြစ်ပါတယ်။ အခုဆောက်လုပ်မယ့် စီမံကိန်းကို မြန်မာနိုင်ငံရင်းနှီးမြှုပ်နှံမှုကော်မရှင်ရဲ့ ခွင့်ပြုချက်ရရှိ ပြီးရင် အမြန်ဆုးံအကောင်အထည်ဖော်သွားမှာဖြစ်ပြီး   (၂၀၂၀)၊(၂၀၂၁)ခုနှစ်မှာ အပြီးသတ်ဆောက်လုပ်ဖို့ရည်ရွယ်ထားတယ်လို့ ဇေကမ္ဘာကုမ္ပဏီမှပြော ပါတယ်။ဒိစီမံကိန်းမှာ (5)Star အဆင့်ရှိဟိုတယ်၊ ကွန်ဒိုမီနီယံ(၁၆)လုံး၊ ဝန်ဆောင်မှုဌာန အပါအ၀င် လက်လီဆိုင်တွေကို လည်း ထည့်သွင်းဆောက်လုပ်သွားမယ်လို့သိရပါတယ်။

Yangon New World စီမံကိန်းကို China State Construction Engineering Coorporation က (၆၀) ရာခိုင်နှုန်း နဲ့ ဇေကမ္ဘာကုမ္ပဏီမှ(၄၀)ရာခိုင်နှုန်း ရင်းနှီးမြှုပ်နှံမှာဖြစ်ပြီး ကုန်ကျစရိတ်အနေနဲ့ အမေရိကန်ဒေါ်လာသန်း(၅၀၀)ခန့်မှန်းထားတယ်လို့ သိရပါတယ်။ဒီ စီမံကိန်းတည်ဆောက်မယ့်နေရာကို တရုတ်နိုင်ငံ ဟူနန်ပြည်နယ် ပြည်သူ့ အစိုးရဒုတိယ၀န်ကြီးချုပ်ကလည်း လာရောက်ကြည့်ရှုခဲ့တယ်လို့သိရပါတယ်။စီမံကိန်းအကောင်အထည်ဖော်ရာမှာ စီမံကိန်းမြေနေရာမှာ အတွင်းရှိ ရှေးဟောင်းအဆောက်အအုံ တစ်ခုကို မူလအတိုင်းချန်လှပ်ပြီး တည်ဆောက်သွားမယ်လို့သိရပါတယ်။ ဒါအပြင် အထပ်မြင့်အဆောက်အဦ များတည်ဆောက်ရာတွင် ရန်ကုန်မြို့တော်စည်ပင်သာယာရေး ကော်မတီနဲ့ ဌာနဆိုင်ရာများရဲ့ စည်းကမ်းနဲ့ ခွင့်ပြုချက်များ အတိုင်း ဆောင်ရွက်သွားမယ်လို့ သိရပါတယ်။  

 

 

Related News