ပြည်သူ့လွှတ်တော်ကိုယ်စားလှယ်တွေအနေနဲ့ မူဝါဒမတူတာတွေ အမြင်မတူတာတွေ ရှိကြပေမယ့် အမျိုးသားအကျိုးစီးပွားကို ရှေးရှုပြီး စည်းလုံးညီညွတ်စွာ ဆွေးနွေးဆုံးဖြတ်တာတွေလုပ်ဆောင်ကျဖို့ ပြည်သူ့လွှတ်တော်ဥက္ကဋ္ဌ ဦးတီခွန်မြတ်က တိုက်တွန်းပြောကြားခဲ့ပါတယ်။ ပြည်သူ့လွှတ်တော်ကိုယ်စားလှယ်များအနေနဲ့ ခေတ်သစ်၊ စနစ်သစ်နဲ့ လိုက်လျောညီထွေတဲ့ တွေးခေါ်မှုတွေကို ပြောင်းလဲခံယူ ကျင့်သုံးကြရမှာ ဖြစ်ပါတယ်။ အခုလက်ရှိ အချိန်ကာလဟာ ဒီမိုကရေစီစနစ်ကို ပုံဖော်နေတဲ့ အချိန်ကာလဖြစ်တာကြောင့် ရှိသင့်ရှိထိုက်တဲ့ ဒီမိုကရေစီ စံချိန်စံညွှန်းတွေရောက်ရှိဖို့ ကြိုးပမ်းအားထုတ် ကြရဦးမှာ ဖြစ်ပါတယ်။

ပြည်သူ့လွှတ်တော်ကိုယ်စားလှယ်များအနေနဲ့ မေးခွန်းတွေ၊ အဆိုတွေကိုဆွေးနွေးကြရာမှာ အချင်းချင်းစိတ်ဝမ်းကွဲပြားစေမယ့် အပြောအဆိုတွေ၊ အထင်အမြင်လွဲမှားစေမယ့် အပြုအမူတွေကို လဲသတိပြုရှောင်ရှားကျဖို့ ပြည်သူ့လွှတ်တော်ဥက္ကဋ္ဌက ပြောပါတယ်။ဒါ့အပြင် ဒီမိုကရေစီ ဖက်ဒရယ်ပြည်ထောင်စု တည်ထောင်နိုင်ဖို့အတွက် အဓိက စိန်ခေါ်မှုဟာပြည်တွင်းငြိမ်းချမ်းရေးဘဲ ဖြစ်ပါတယ်။ ပြည်တွင်းငြိမ်းချမ်းရေးရရှိမှသာ ဒီမိုကရေစီဖက်ဒရယ် ပြည်ထောင်စုကို တည်ဆောက်နိုင်မှာ ဖြစ်တဲ့အတွက် ပြည်သူ့လွှတ်တော်ကိုစားလှယ်တွေအနေနဲ့ အမျိုးသားရင်ကြားစေ့ရေးနှင့် ပြည်တွင်း ငြိမ်းချမ်းရေးကို ပြည်သူများနှင့်အတူ မိမိတို့ကျရာ အခန်းကဏ္ဍကနေ ကျေပွန်စွာ ပါဝင်ဆောင်ရွက်ကြဖို့လဲ ဦးတီခွန်မြတ်က ထပ်လောင်း ပြောကြားခဲ့ပါတယ်။

နိုဝင်ဘာ၁၂ရက်ကပြုလုပ်ခဲ့တဲ့ ဒုတိယ အကြိမ်ပြည်သူ့လွှတ်တော်ဒသမပုံမှန်အစည်းအဝေး အစနေ့မှာ ကြိုဆိုနှုတ်ခွန်းဆက် စကားပြောကြားစဉ် ပြည်သူ့လွှတ်တော်ဥက္ကဌ ဦးတီခွန်မြတ်က ထည့်သွင်းပြောကြားခဲ့တာပါ။ယခုပြုလုပ်ခဲ့တဲ့ ဒုတိယအကြိမ်ပြည်သူ့လွှတ်တော်ဒသမပုံမှန်အစည်းအဝေးမှာ ဆွေးနွေးသွားမယ့်ဥပဒေကြမ်း(၂၃)ခုနဲ့ အဆို(၁၀)ခုရှိတယ်လို့သိရပါတယ်။ မေးခွန်းများအနေနဲ့ န၀မပုံမှန်အစည်းအဝေးကနေ ဒသမပုံမှန် အစည်းအဝေးကို ပြောင်းရွှေ့မေးမြန်းထားတဲ့ ကြယ်ပွင့်ပြမေးခွန်း (၁၁၉) ခု အပါအဝင် အသင့်ဖြစ်ကြယ် ပွင့်ပြမေးခွန်း (၁၂၀) ခု ရှိတယ်လို့သိရပါတယ်။ 

 

 

 

Related News