ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနရဲ့ ပြည်ထောင်စုဝန်ကြီးအဖြစ် ဦးသောင်းထွန်းကို ပြောင်းလဲတာဝန် ပေးအပ်ခြင်းနဲ့ ပတ်သက်ပြီး ပြည်ထောင်စုလွှတ်တော်က အတည်ပြုလိုက်ပြီဖြစ်ပါတယ်။ ပြည်ထောင်စုအစိုးရအဖွဲ့ရုံးရဲ့ ပြည်ထောင်စုဝန်ကြီးအဖြစ် တာဝန်ထမ်းဆောင်နေတဲ့ ဦးသောင်းထွန်းကို အသစ်ထပ်မံဖွဲ့စည်းလိုက်တဲ့ ရင်းနှီးမြှုပ်နှံမှုနဲ့ နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီးအဖြစ် ပြောင်းလဲတာဝန်ထမ်းဆောင်ဖို့အတွက် နိုင်ငံတော် သမ္မတက နိုဝင်ဘာ ၁၉ ရက်က ပြည်ထောင်စုလွှတ်တော် နာယကထံ သ၀ဏ်လွှာပေးပို့ခဲ့တာပါ။

ဦးသောင်းထွန်းအား ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီးအဖြစ် ပြောင်းလဲ တာဝန် ပေးအပ်ခြင်း ကို နိုဝင်ဘာ ၂၆ ရက်က ပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော် ဒဿမပုံမှန်အစည်းအဝေးမှာ လွှတ်တော်က အတည်ပြုကြောင်းကြေငြာခဲ့တာပါ။ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စု ၀န်ကြီး ဖြစ်တဲ့ ဦးသောင်းထွန်းဟာ မြန်မာနိုင်ငံရင်းနှီးမြှုပ်နှံမှုကော်မရှင် (MIC)ရဲ့ ဥက္ကဋ္ဌအဖြစ် တာဝန်ထမ်းဆောင်နေသူလည်း ဖြစ်ပါတယ်။

 

 

Related News