ပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီးအဖြစ် ဦးမင်းသူကို ခန့်အပ်တာဝန်ပေးရန် ပြည်ထောင်စုလွှတ်တော်က သဘောတူခဲ့တယ်လို့ သိရပါတယ်။ ပြည်ထောင်စုအစိုးရ အဖွဲ့ရုံးဝန်ကြီးဌာန ပြည်ထောင်စုဝန်ကြီးအဖြစ် ဦးမင်းသူအားခန့်အပ် တာဝန်ပေးရန်အတွက် နိုင်ငံတော်သမ္မတရဲ့ အဆိုပြုတင်ပြချက်ကို နိုဝင်ဘာ ၂၆ရက်က ပြုလုပ်ခဲ့တဲ့ ပြည်ထောင်စုလွှတ်တော် အစည်းအဝေးမှာ ကြေညာခဲ့ပါတယ်။ ဦးမင်းသူကို ပြည်ထောင်စုဝန်ကြီးအဖြစ် ခန့်အပ်ရာမှာ သတ်မှတ် အရည်အချင်းများနဲ့ မပြည့်စုံကြောင်း ခိုင်လုံတဲ့ သက်သေအထောက်အထားပြ၍ ကန့်ကွက်လိုပါက အမည်စာရင်းတင်သွင်းကန့်ကွက်နိုင်ကြောင်းကြေညာခဲ့ပေမယ့် သတ်မှတ်အချိန်အထိ ကန့်ကွက်လိုသူမရှိခဲ့တာကြောင့် ဦးမင်းသူကို ပြည်ထောင်စုအစိုးရ အဖွဲ့ရုံးဝန်ကြီးဌာန ပြည်ထောင်စုဝန်ကြီးအဖြစ် ခန့်အပ်တာဝန်ပေးရန် ပြည်ထောင်စု လွှတ်တော်က သဘောတူလိုက်တာပါ။

နိုင်ငံတော်သမ္မထံမှ ပေးပို့ထားသော ပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီးအဖြစ် ဦးမင်းသူအား ခန့်အပ်တာဝန်ပေးခြင်းကို နိုဝင်ဘာ ၂၉ရက်ကပြုလုပ်ခဲ့တဲ့ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေးမှာ ပြုလုပ်ခဲ့တာပါ။ အခုပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီးအဖြစ် ခန့်အပ်ခဲ့တဲ့ ဦးမင်းသူဟာ အသက်၆၂နှစ်အရွယ်ရှိပြီး နိုင်ငံတော်သမ္မတရုံးဝန်ကြီးဌာနရဲ့ ဒုတိယ၀န်ကြီးအဖြစ်တာဝန်ထမ်းဆောင်ခဲ့သူလည်းဖြစ်ပါတယ်။ 

 

 

Related News