ဒုတိယအကြိမ် ရန်ကုန်တိုင်းဒေသကြီးလွှတ်တော် အထူးအစည်းအဝေး(၁/၂၀၁၈)ကို နိုဝင်ဘာလ(၂၉)ရက်က ရန်ကုန်တိုင်းဒေသကြီးလွှတ်တော်မှာ ကျင်းပပြုလုပ်ခဲ့ပါတယ်။ဒီအထူးအစည်းအဝေးမှာ ဆိပ်ကမ်းမြို့နယ်၊မဲဆန္ဒနယ်အမှတ်(၂)လစ်လပ်နေရာအတွက်  တိုင်းဒေသကြီးလွှတ်တော် ကိုယ်စားလှယ်အဖြစ် ရွေးကောက်တင်မြှောက်ခံရသူ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ဦးနေမျိုးအောင်နဲ့ တပ်မတော်ကာကွယ်ရေးဦးစီးချုပ်က အစားထိုးပြောင်းလဲကာ အမည်စာရင်းတင်သွင်းထားခဲ့တဲ့ တပ်မတော်သား လွှတ်တော်ကိုယ်စားလှယ်(၆)ဦးတို့ကို တိုင်းဒေသကြီးနှင့် ပြည်နယ်လွှတ်တော်ဆိုင်ရာ ဥပဒေနဲ့အညီ တိုင်းဒေသကြီး လွှတ်တော်ကိုယ်စားလှယ် တာဝန်ထမ်းဆောင်ဖို့ လွှတ်တော်ဥက္ကဋ္ဌရဲ့ရှေ့မှောက်မှာ ကတိသစ္စာပြု လက်မှတ်ရေးထိုးခဲ့ကြတာဖြစ်ပါတယ်။

ကတိသစ္စာပြုလက်မှတ်ရေးထိုးပြီးနောက်မှာတော့ တိုင်းဒေသကြီးလွှတ်တော်ကိုယ်စားလှယ်တွေရဲ့ မေးခွန်းမေးမြန်းခြင်းနဲ့တိုင်းဒေသကြီးအဆင့် အဖွဲ့အစည်းဝင်တွေက ဖြေကြားခြင်းအစီအစဉ်ကို ဆက်လက်ပြုလုပ်ခဲ့ပါတယ်။ မေးခွန်းမေးမြန်းခြင်း အစီအစဉ်မှာတော့ သမ၀ါယမအသင်းတွေရဲ့လုပ်ငန်းဆောင်ရွက်ချက်တွေ၊ ၀င်ငွေရရှိမှုတွေ၊ အသင်းရဲ့ မူဝါဒလုပ်ထုံးလုပ်နည်းနဲ့ မညီတဲ့ အသင်းသားတွေ၊ သမ၀ါယမပိုင်ဆိုင်ခန်းတွေ၊ တိုက်ခန်းတွေ၊ မြေကွက်တွေကို ဘယ်လိုဆက်လက်ဆောင်ရွက်မလဲဆိုတာတွေနဲ့ မရွှေ့ပြောင်းနိုင်တဲ့ မြေနေရာတွေ၊ အဆောက်အဦ၊ စက်ပစ္စည်းတွေစတာတွေကို အခုချိန်မှာဥပဒေကြောင်းအရ ဘယ်သူပိုင်ဆိုင်တယ်ဆိုတာတွေကို လွှတ်တော်ကိုယ်စားလှယ်တွေက မေးခွန်းတွေမေးမြန်းခဲ့တာဖြစ်ပါတယ်။ဒီအထူးအစည်းအဝေးမှာ ကိုယ်စားလှယ်တွေမေးမြန်းခဲ့တဲ့မေးခွန်းတွေအားလုံးက  သမ၀ါယမအသင်းတွေရဲ့ လုပ်ငန်းဆောင်ရွက်ချက်တွေနဲ့ ပတ်သက်တဲ့ ကြယ်ပွင့်ပြမေးခွန်းတွေပဲဖြစ်ပြီး စုစုပေါင်းမေးခွန်း(၄)ခု ရှိခဲ့တာပါ။ ဒီမေးခွန်းတွေအားလုံးကိုတော့ ရန်ကုန်တိုင်းဒေသကြီးအစိုးရအဖွဲ့ စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီး ဦးဟံထွန်းက ပြန်လည်ဖြေကြားပေးခဲ့တာဖြစ်ပါတယ်။

 

 

Related News