ပြည်ထောင်စုလွှတ်တော် ကိုယ်စားလှယ်တွေဟာ ပြည်သူတွေအတွက် အမြဲတာဝန်ရှိတာနဲ့ အညီ နိုင်ငံတော်နဲ့နိုင်ငံသားများ အကျိုးအတွက် ပြည့်စုံခိုင်မာတဲ့ ဥပဒေများပေါ်ထွက်လာစေရန် ကြိုးပမ်းဆောင်ရွက်ပေးကြဖို့ ပြည်ထောင်စုလွှတ်တော် နာယက ဦးတီခွန်မြတ် ကတိုက်တွန်းပြောကြားလိုက်ပါတယ်။ ပြည်ထောင်စုလွှတ်တော်ကိုယ်စားလှယ်တွေအနေနဲ့ ပြည်သူတွေရဲ့ လူမှုစီးပွားဘ၀ဖွံ့ဖြိုးတိုးတက်ရေးနဲ့ နယ်မြေဒေသ အလိုက် အခြေခံလိုအပ်ချက်များ တိုးတက်ကောင်းမွန်ရေးအတွက် ဆောင်ရွက်ပေးကြဖို့လည်း ဒီဇင်ဘာလ ၂၁ ရက်က ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေးကာလအတွင်း ဆောင်ရွက်မှုများနဲ့ စပ်လျဉ်းပြီး ရှင်းလင်းတင်ပြစဉ် ပြည်ထောင်စုလွှတ်တော်နာယကက ထည့်သွင်း ပြောကြားခဲ့တာပါ။

ကျင်းပပြီးစီးသွားပြီဖြစ်တဲ့ ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေးမှာ တောင်သူလယ်သမား အခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေးဥပဒေကို ဒုတိယအကြိမ်ပြင်ဆင်တဲ့ ဥပဒေအပါအ၀င် ဥပဒေ (၄)ခုကို ထုတ်ပြန်ပြဋ္ဌာန်းနိုင်ခဲ့ပါတယ်။ ဒါ့အပြင် လွှတ်တော်က အတည်ပြုပြီးဖြစ်တဲ့ ဥပဒေကြမ်းနှစ်ခုကို နိုင်ငံတော်သမ္မတ လက်မှတ်ရေးထိုးထုတ်ပြန်နိုင်ဖို့အတွက် ပေးပို့ထား တယ်လို့ ပြည်ထောင်စု လွှတ်တော်နာယက ဦးတီခွန်မြတ်က ပြောပါတယ်။ဒုတိယအကြိမ် ပြည်ထောင်စုလွှတ်တော်အစည်းအဝေးကို ၂၀၁၈ခုနှစ် နိုဝင်ဘာလ ၁၂ရက်က စတင်ကျင်းပခဲ့ပြီး (၁၁)ရက် တာကျင်းပခဲ့တယ်လို့သိရပါတယ်။

 

 

Related News