မြန်မာနိုင်ငံ အမျိုးသားလူ့အခွင့်အရေးကော်မရှင်ကို ၂၀၁၈ခုနှစ်အတွင်း တိုင်ကြားစာပေါင်း သုံးထောင် ကျော်ရောက်ရှိလာပေမယ့် တစ်ဝက်ကျော်ကတော့ ကော်မရှင်နဲ့မသက်ဆိုင်တဲ့တိုင်စာတွေဖြစ်နေတယ် လို့သိရပါတယ်။ကော်မရှင်ရဲ့အချက်အလက်တွေအရ ၂၀၁၈ ခုနှစ် နိုဝင်ဘာအထိ လူ့အခွင့်အရေးတိုင်စာပေါင်း (၃၀၈၅) စောင်လက်ခံရရှိခဲ့တယ်လို့သိရပါတယ်။ဒီထဲက (၉၉၆)စောင်ကိုတော့ ဖြေရှင်းပေးနိုင်ခဲ့ပြီး ကျန်တာတွေကတော့ ကော်မရှင် က ဖြေရှင်းဆောင်ရွက်ဖို့အဆင်မပြေတဲ့ လင်မယားကိစ္စတွေ၊ တရားရုံးကိုရောက်ရှိနေပြီးသား အမှုတွဲတွေ၊  တစ်ဖက်လူကို အပုပ်ချတဲ့တိုင်စာတွေ၊ ဆက်သွယ်ရန် လိပ်စာမပါတဲ့ တိုင်စာတွေဖြစ်တယ်လို့ သိရပါတယ်။

(၂၀၁၇)ခုနှစ်ကလည်း တိုင်စာပေါင်း (၁၁၂၅) စောင် ရရှိခဲ့ပေမယ့် (၄၅၄) စောင်ကိုသာဖြေရှင်းပေးနိုင်ခဲ့ပြီး ခြောက်ရာကျော် ကတော့ ကော်မရှင်နဲ့မသက်ဆိုင်တဲ့တိုင်စာတွေဖြစ်ပါတယ်။နှစ်စဉ်လူ့အခွင့်အရေးကော်မရှင်ကိုတော့ မြေယာကိစ္စအတွက် အများဆုံးတိုင်ကြားတယ်လို့သိရပါတယ်။ ၂၀၁၈ ခုနှစ်အတွင်း အများဆုံးဖြေရှင်းပေးခဲ့တဲ့တိုင်စာတွေကတော့  မြေယာကိစ္စနဲ့ပတ်သက်ပြီး (၂၃၃) စောင်၊ ရဲအရေး နဲ့ ပတ်သက်ပြီး (၁၂၅) စောင် ၊ တရားရေးနဲ့ပတ်သက်ပြီး (၁၆၆)စောင် ဖြစ်တယ်လို့သိရပါတယ်။နှစ်စဉ်စာရင်းတွေအရ မြန်မာနိုင်ငံအမျိုးသားလူ့အခွင့်အရေးကော်မရှင်ကို (၂၀၁၁) ခုနှစ်ကနေ (၂၀၁၈) ခုနှစ် အထိ (၈)နှစ်အတွင်း တိုင်စာပေါင်း ၁၃၈၀၀ ကျော်ရောက်ရှိခဲ့တယ်လို့ သိရပါတယ်။

 

 

Related News