ရန်ကုန်မြို့တော်ရဲ့လက်ရှိလူဦးရေတည်ရှိမှုအရ လူတစ်ဦးချင်းစီအတွက် စိမ်းလန်းမြေဧရိယာပမာဏဟာ (၅)စတုရန်းပေကျော်သာရှိသေးပြီး အရမ်းနည်းနေသေးတယ်လို့ ရန်ကုန်မြို့တော်ဝန်ဦးမောင်မောင်စိုးက ပြောပါတယ်။ ရန်ကုန်မြို့တော်ရဲ့လက်ရှိလူဦးရေတည်ရှိမှုအရ လူတစ်ဦးချင်းစီအတွက် စိမ်းလန်းမြေဧရိယာပမာဏဟာ (၅)စတုရန်းပေကျော်သာရှိသေးပြီး အရမ်းနည်းနေသေးတယ်လို့ ရန်ကုန်မြို့တော်ဝန်ဦးမောင်မောင်စိုးက မတ်လ(၄)ရက်က ပြုလုပ်ခဲ့တဲ့ ရန်ကုန်တိုင်းဒေသကြီးလွှတ်တော်အစည်းအဝေးမှာပြောကြားခဲ့ပါတယ်။ ရန်ကုန်မြို့တော်စည်ပင်သာယာရေးကော်မတီကတာဝန်ယူပြီး ကြီးကြပ်စီမံခန့်ခွဲနေတဲ့ ပန်းခြံနဲ့အားကစားကွင်းတွေ အဆင့်မြှင့်တင်ခြင်းဆိုင်ရာလုပ်ငန်းတွေကို ဘဏ္ဍာရေးနှစ်အလိုက် ဘဏ္ဍာငွေလျာထားကာ အရှိန်အဟုန်မြင့်ဆောင်ရွက်နေတယ်လို့ပြောပါတယ်။

ရန်ကုန်မြို့တော်ကို နိုင်ငံတကာအဆင့်မီမြို့တော်ကြီးဖြစ်လာစေဖို့အတွက် ရန်ကုန်တိုင်းဒေသကြီးအစိုးရအဖွဲ့ရဲ့ ကြီးကြပ်ကွပ်ကဲမှုနဲ့ မြို့ပြအင်္ဂါရပ်နဲ့အညီ မြို့ပြစီမံကိန်းတွေကို စနစ်တကျရေးဆွဲ အကောင်းအထည်ဖော် နေတယ်လို့လည်း မြို့တော်ဝန်ကပြောကြားခဲ့ပါတယ်။ ပန်းခြံနဲ့အားကစားကွင်းတွေ အဆင့်မြှင့်တင်ခြင်း ဆိုင်ရာလုပ်ငန်းတွေကို ပြင်ပနိုင်ငံတွေမှာ လုပ်ဆောင်ခဲ့တာ အနည်းဆုံး(၁၀)နှစ်ခန့်ကြာမြင့်နိုင်တယ်လို့လည်း မြို့တော်ဝန်ကပြောပါတယ်။ ရန်ကုန်မြို့တော်မှာ အဆင့်မြှင့်တင်ခြင်းဆိုင်ရာလုပ်ငန်းတွေကို (၂၀၁၆)ခုနှစ်လောက်ကတည်းက လုပ်ဆောင်နေပြီး တိုးတက်မှုတွေဟာလည်း လျင်မြန်လာတယ်လို့ ဆိုပါတယ်။(Public Area) တွေဟာနိုင်ငံရေး၊စီးပွားရေး၊ ဘာသာရေး၊ အားကစားကဏ္ဍရပ်တွေကိုဆောင်ရွက်ခြင်းဖြင့်  မြို့တော်သူမြို့တော်သားတွေ အချင်းချင်းထိတွေ့နွေးထွေးမှုတွေကိုလည်းရရှိစေမှာဖြစ်တယ်လို့ရန်ကုန်တိုင်းဒေသကြီးလွှတ်တော်ကိုယ်စားလှယ်ဦးကျော်မင်းဟန်က ပြောပါတယ်။

ကောင်းမွန်အရည်အသွေးရှိတဲ့(Public Area)တွေဟာ ပြည်တွင်းပြည်ပခရီးသွားတွေနဲ့ရင်းနှီးမြှုပ်နှံမှုတွေကို ဆွဲဆောင်စေကာ ပတ်ဝန်းကျင်နေရာတွေကိုလည်း တန်ဖိုးမြင့်မားစေမှာဖြစ်တယ်လို့လည်း ဆိုပါတယ်။ လက်ရှိရန်ကုန်မြို့တော်မှာ ပန်းခြံနဲ့အားကစားကွင်းတွေ နည်းပါးနေသလို မြို့တော်ကအဆောက်အဦးတွေဟာ ဆေးမသုတ်တာကြာလို့ မြို့ဟောင်းသဖွယ် ဖြစ်နေတယ်လို့လည်း ဆိုပါတယ်။ဒါ့ကြောင့် ရန်ကုန်မြို့တော်အတွင်း မြို့နယ်အလိုက် လူဦးရေနဲ့အညီ (Public Area) ပန်းခြံတွေ၊လူသွားလမ်းတွေ၊ စက်ဘီးစီဖို့လမ်းတွေဆောင်ရွက်ပေးဖို့အစီအစဉ်ရှိ/မရှိကို  တိုင်းဒေသကြီးလွှတ်တော်ကိုယ်စားလှယ် ဦးကျော်မင်းဟန်ကတိုင်းဒေသကြီးလွှတ်တော်ကိုယ်စားလှယ်မေးမြန်းခဲ့တာဖြစ်ပါတယ်။လက်ရှိရန်ကုန်မြို့တော်စည်ပင်သာယာနယ်နမိတ်အတွင်း ရန်ကုန်မြို့တော်စည်ပင်သာယာရေးကော်မတီက စီမံခန့်ခွဲဆောင်ရွက်နေတဲ့ ပန်းခြံ(၆၁)ခု၊ကစားကွင်း(၁၁၈)ခုရှိတယ်လို့လည်းသိရပါတယ်။

 

 

Related News