မိမိသဘောဆန္ဒနဲ့ ထိုင်းနိုင်ငံမှ ပြန်လည်ဝင်ရောက်လာတဲ့ ရန်ကုန်တိုင်းဒေသကြီးအတွင်းက မြန်မာနိုင်ငံသားတွေကို ဒဂုံဆိပ်ကမ်းမြို့နယ်၊ ကနောင်အိမ်ရာမှာ ယာယီထားရှိထားပြီး  လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာ ချထားရေးဝန်ကြီးဌာန ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ မတ်လ(၄)ရက်က ထောက်ပံ့ငွေပေးအပ်ခဲ့ တယ်လို့သိရပါတယ်။ထိုင်းနိုင်ငံ အုန်းပြန့်စစ်ဘေးရှောင်ဒုက္ခသည်စခန်းနဲ့ နိုဖိုးစစ်ဘေးရှောင်ဒုက္ခသည်စခန်းတို့မှာမှီခိုနေပြီး နေရပ်ပြန်ချင်တဲ့ ရန်ကုန်တိုင်းဒေသကြီး အတွင်းမှ မြန်မာနိုင်ငံသားတွေကို ရန်ကုန်တိုင်းဒေသကြီးအစိုးရအဖွဲ့ကတာဝန်ရှိသူတွေ၊ တိုင်းဒေသကြီးလွှတ်တော် ကိုယ်စားလှယ်တွေ၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနက တာဝန်ရှိသူတွေနဲ့ သက်ဆိုင်ရာဌာနဆိုင်ရာ အသီးသီးမှ တာဝန်ရှိသူတွေက ဖေဖော်ဝါရီလ (၂၂)ရက်က မြ၀တီပြန်လည်လက်ခံရေးစခန်းမှာ ကြိုဆိုခဲ့တယ်လို့သိရပါတယ်။

ကြိုဆိုလက်ခံခဲ့တဲ့ နေရပ်ပြန်မိသားစု(၁၀)စုမှ လူဦးရေ(၂၄)ဦး ကို ဒဂုံဆိပ်ကမ်းမြို့နယ်၊ ကနောင်အိမ်ရာမှာ(၂)လတာ ယာယီထားရှိသွားမှာလို့ ရန်ကုန်တိုင်း ဒေသကြီး အစိုးရအဖွဲ့မှ လူမှုရေးဝန်ကြီး ဦးနိုင်ငံလင်းက ပြောပါတယ်။လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနက နေရပ်ပြန်မိသားစု(၁၀)စုမှ မိသားစုတစ်စုမှာတစ်ဦးတည်းရှိလျှင်(၁)သိန်း၊ နှစ်ဦးရှိလျှင်(၂)သိန်းနဲ့ (၃)ဦးနဲ့အထက်ရှိပါက(၃)သိန်း ထောက်ပံ့ခဲ့ပါတယ်။

ဒုက္ခသည်စခန်းမှာ မိသားစုတွေရဲ့နေထိုင်ရေး၊ စားသောက်ရေးတွေအပြင် ကလေးတွေရဲ့ပညာရေးတွေပါ အခက်အခဲများစွာ ကြုံခဲ့ရကြောင်းနဲ့ အခုလို သက်ဆိုင်ရာအဖွဲ့အစည်းအသီးသီးက တာဝန်ရှိသူတွေက နွေးထွေးစွာ ပြန်လည်ကြိုဆိုလက်ခံပြီး ယာယီနေထိုင်ရေးအပြင်စားသောက် ရေး ပါစီစဉ်ပေးတဲ့အတွက်အဆင်ပြေမှုရှိတယ်လို့ နေရပ်ပြန်သူတွေက ပြောပါတယ်။ထိုင်းနိုင်ငံမှ မိမိသဘောဆန္ဒနဲ့ပြန်လည်ဝင်ရောက်လာတဲ့ ရန်ကုန်တိုင်းဒေသကြီးအတွင်း မြန်မာနိုင်ငံသားတွကို ပြန်လည်ကြိုဆို လက်ခံတာ ယခုအကြိမ်အပါအ၀င်(၃)ကြိမ်ရှိပြီး ပထမအကြိမ်ကို(၂၀၁၆)ခုနှစ် အောက်တိုဘာလက မိသားစု(၄)စုမှ လူဦးရေ(၁၆)ဦး၊ ဒုတိယအကြိမ်ကို (၂၀၁၈)ဖေဖော်ဝါရီလက မိသားစု(၂)စု မှ လူဦးရေ(၈)ဦးတို့ကို ပြန်လည်ကြိုဆို လက်ခံခဲ့တယ်လို့ သိရပါတယ်။

 

 

Related News