မြန်မာအမျိုးသမီးများ ဖွံ့ဖြိုးတိုးတက်စေဖို့အတွက် နယ်ပယ်အသီးသီးမှာ ထိထိရောက်ရောက်အကောင်အထည်ဖော် ဆောင်ရွက်ဖို့ လိုအပ်နေ သေးတယ်လို့ မတ်လ(၈)ရက်ကအပြည်ပြည်ဆိုင်ရာ ကွန်ဗင်းရှင်းဗဟိုဌာန (၂)ပြုလုပ်ခဲ့တဲ့ အပြည်ပြည်ဆိုင်ရာအမျိုးသမီးများနေ့ အခမ်းအနား မှာ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ  ဦးဟင်နရီဗန်ထီးယူက ပြောကြားခဲ့ပါတယ်။မြန်မာအမျိုးသမီးများ ဖွံ့ဖြိုးတိုးတက်စေဖို့အတွက် စီးပွားရေး၊ အသက်မွေးဝမ်းကျောင်းမှု၊ ပညာရေး၊ ကျန်းမာရေး၊ ပြည်သူ့ ရေးရာတွင်ပါဝင်မှု၊ ငြိမ်းချမ်းရေး၊ လုံခြုံရေး၊ အမျိုးသမီးများအပေါ် အကြမ်းဖက်မှုဆိုတဲ့ နယ်ပယ်များကို ထိထိရောက်ရောက် အကောင်အထည်ဖော် ဆောင်ရွက်ဖို့ လိုအပ်နေ သေးတယ်လို့ ဒုတိယ သမ္မတက ပြောကြားခဲ့ပါတယ်။

အဲ့ဒီနယ်ပယ်တွေမှာလည်း လက်ရှိဆောင်ရွက်နေတဲ့ နည်းလမ်းတွေ၊ လုပ်ထုံးလုပ်နည်းတွေအပြင် အခြားသောနည်းလမ်းတွေကို တီထွင်ဆန်းသစ်ပြီး ဆောင်ရွက်သွားဖို့ ဒုတိယသမ္မတ  ဦးဟင်နရီဗန်ထီးယူက ပြောကြားခဲ့ပါတယ်။မြန်မာနိုင်ငံဟာ ငြိမ်းချမ်းရေးဖြစ်စဉ်ကို အခြေခံပြီး အမျိုးသားပြန်လည်ရင်ကြားစေ့ရေးကို တည်ဆောက် နေရတဲ့နိုင်ငံတစ်နိုင်ငံဖြစ်တဲ့အတွက် ကဏ္ဍအသီးသီးမှာ အမျိုးသား၊ အမျိုးသမီး အချိုးညီပါဝင်ရေးဟာ အလွန်အရေးကြီးပြီး အခြေခံကျတဲ့ ကိစ္စတစ်ခုဖြစ်တယ်လို့ဒုတိယသမ္မတက ပြောပါတယ်။

ဒါ့အပြင် နိုင်ငံတော်အစိုးရအနေနဲ့ နယ်ပယ်ရပ်အားလုံးမှာ အမျိုးသမီးများဟန်ချက်ညီညီဖွံ့ဖြိုးလာစေရေးအတွက်  အမျိုးသမီးများဖွံ့ဖြိုးတိုးတက်ရေးဆိုင်ရာ အမျိုးသားအဆင့်မဟာဗျူဟာစီမံကိန်း(၂၀၁၃-၂၀၂၂)ကို  ဦးစားပေးလုပ်ငန်းနယ်ပယ်(၁၂)ရပ်ကို အခြေခံပြီးအကောင်အထည်ဖော်ဆောင်ရွက်နေတယ်လို့သိရပါတယ်။အပြည်ပြည်ဆိုင်ရာ အမျိုးသမီးများနေ့အဖြစ် ၁၉၁၁ခုနှစ်၊ မတ်လက ရုရှားနိုင်ငံ စက်ရုံမီးလောင်မှုမှာ အမျိုးသမီး (၁၄၆) ဦး မီးလောင်သေဆုံးမှုကို အကြောင်းပြုပြီး အမျိုးသမီးအလုပ်သမားတွေရဲ့ ကြိုးပမ်းလှုပ်ရှားမှုတွေကြောင့် ပေါ်ထွန်းလာခဲ့တာ ဖြစ်ပြီး နှစ်ပေါင်းတစ်ရာကျော် ရှိလာခဲ့ပြီလို့ သိရပါတယ်။ နှစ်စဉ် မတ်လ (၈) ရက်ရောက်တိုင်းကမ္ဘာတစ်ဝန်းမှာရှိတဲ့အမျိုးသမီးထုကို ကိုယ်စားပြုတဲ့နေ့အဖြစ် အပြည်ပြည်ဆိုင်ရာအမျိုးသမီးများနေ့ကိုကျင်းပကြတယ်လို့ သိရပါတယ်။

 

 

Related News