(၂၀၁၉)ခုနှစ် ကြားဖြတ်လူဦးရေသန်းခေါင်စာရင်းကို လာမည့် နိုဝင်ဘာလမှာ ကောက်ယူသွားမယ်လို့ မတ်လ(၁၁)ရက် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနရုံးမှာ ပထမအကြိမ် အဖြစ်ပြုလုပ်ခဲ့တဲ့ ကြားဖြတ်လူဦးရေ သန်းခေါင်စာရင်း ကောက်ယူရေးဗဟိုကော်မတီ၏လုပ်ငန်းညှိနှိုင်းအစည်းအဝေးမှသိရပါတယ်။(၂၀၁၉)ခုနှစ် ကြားဖြတ်လူဦးရေသန်းခေါင်စာရင်းကို လာမည့် နိုဝင်ဘာလမှာ (၁၄)ရက်ကြာကောက်ယူသွားမှာဖြစ်တယ်လို့ သိရပါတယ်။ (၂၀၁၉)ခုနှစ် ကြားဖြတ်လူဦးရေ သန်းခေါင်စာရင်းက ကောက်ယူရေးလုပ်ငန်းစဉ်တွေ အကောင် အထည်ဖော်ဆောင်ရွက်ရာမှာ အပိုင်း(၄)ပိုင်းခွဲဆောင်ရွက်သွားမှာဖြစ်ပါတယ်။

အဲဒီအပိုင်းတွေထဲမှာ ကြိုတင်ပြင်ဆင်ခြင်း၊ စာရင်းကောက်ယူခြင်း၊စာရင်းပြုစုခြင်းနဲ့ ဆန်းစစ်ခြင်းအပါအ၀င် အစီရင်ခံစာထုတ်ပြန် ခြင်းတွေပါဝင်ပြီး လက်ရှိမှာတော့ ကြိုတင်ပြင်ဆင်ခြင်းလုပ်ငန်းတွေကို စတင်ဆောင်ရွက်နေပြီလို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စုဝန်ကြီး ဦးသိန်းဆွေက ပြောပါတယ်။(၂၀၁၉)ခုနှစ် ကြားဖြတ်လူဦးရေသန်းခေါင်စားရင်းကိုကောက်ယူရာမှာတစ်နိုင်ငံလုံးကို ကောက်ယူသွားမှာ မဟုတ်ပဲ နိုင်ငံ့ဧရိယာရဲ့ (၅)ရာခိုင်နှုန်း ကိုသာ ကောက်ယူသွားမှာပါ။ ကောက်ယူရာမှာ အချိုးကျ ရွေးချယ်သည့်စနစ်ကို အသုံးပြုထားပြီး ခရိုင်တစ်ခုလျှင် အနည်းဆုံးနမူနာကောက်ကွက်(၃၂)ကွက်ကို ကောက်ယူသွားဖို့ရွေးချယ်ထားပြီး စုစုပေါင်းနမူနာကောက်ကွက် (၄၃၁၆)ကွက်ရှိမယ်လို့ သိရပါတယ်။

ဒါ့အပြင် စာရင်းကောက်ယူရာမှာ Computer- Assisted Personal Interviewing (CAPI) နည်းစနစ်ကိုအသုံးပြုပြီး မိုဘိုင်း တက်ဘလက်တွေကို အသုံးပြုကာကောက်ယူသွားမယ်လို့သိရပါတယ်။ ဒါပေမယ့်မိုဘိုင်း တက်ဘလက်တွေကို အသုံးပြုလို့မရတဲ့ နေရာတွေမှာတော့စာရွက်နဲ့ ကောက်ယူနိုင်ရေးအတွက်ပါ စီစဉ်ထားတယ်လို့ သိရပါတယ်။(၂၀၁၉)ခုနှစ် ကြားဖြတ်လူဦးရေသန်းခေါင်စားရင်းကောက်ယူရာမှာ စုစုပေါင်းငွေကျပ် သန်း(၂၇၆၀)ကျော် အသုံးပြု သွားမှာဖြစ်ပြီး ရရှိလာတဲ့ စာရင်းအချက်အလက်တွေကိုတော့ လာမည့် (၂၀၂၀) ဇွန်လမှာအတည်ပြုထုတ်ပြန်နိုင်ဖို့ လျာထားဆောင်ရွက်ထားတယ်လို့ သိရပါတယ်။

 

 

Related News