အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန (NRPC)မှ ဒုတိယဥက္ကဋ္ဌ ဒေါက်တာတင်မျိုးဝင်းဦးဆောင်တဲ့အဖွဲ့နဲ့  ရှမ်းပြည်ပြန်လည်ထူထောင်ရေးကောင်စီ (RCSS)မှ ငြိမ်းချမ်းရေးဆွေးနွေးရေး ကိုယ်စားလှယ်အဖွဲ့ခေါင်းဆောင် စဝ်ဘောင်ခေး ဦးဆောင်တဲ့အဖွဲ့တို့ဟာ မတ်လ(၁၁)ရက်က နေပြည်တော်ရှိ အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန (NRPC)မှာ တွေ့ဆုံဆွေးနွေးခဲ့ကြတယ်လို့ သိရပါတယ်။ယခုတွေ့ဆုံပွဲကို ငြိမ်းချမ်းရေးရှေ့ဆက်နိုင်ရန်အတွက် အစိုးရကိုယ်စားလှယ်များနှင့် RCSS အဖွဲ့များ ထိုင်းနိုင်ငံချင်းမိုင်မှာ အလွတ်သဘောတွေ့ဆုံပြီး နှစ်ဖက်သဘောထားများကို အပြန်အလှန်ဆွေးနွေးခဲ့ကြပြီး အဲဒီရဲ့ အကျိုးဆက်အနေနဲ့ ကျင်းပနိုင်ခြင်းဖြစ်တယ်လို့ အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန (NRPC)မှ ဒုတိယဥက္ကဋ္ဌ ဒေါက်တာတင်မျိုးဝင်းကပြောပါတယ်။

တွေ့ဆုံပွဲအတွင်း အကြောင်းအရာ(၅) ခုကိုဆွေးနွေးနိုင်ခဲ့ပြီး သဘောထားစုစည်းချက် (၆) ချက်ရရှိခဲ့တယ်လို့သိရပါတယ်။ ဆွေးနွေးခဲ့ကြတဲ့အထဲမှာ ဖမ်းဆီး/ အကျဉ်းကျနေရတဲ့ RCSS တပ်ဖွဲ့ဝင် (၃၁) ဦး ပြန်လည်လွတ်မြောက်ရေးကိစ္စတွေ၊ အမျိုးသားအဆင့်နိုင်ငံရေးဆွေးနွေးပွဲ ကျင်းပရေးကိစ္စတွေ၊ ဒေသဖွံ့ဖြိုးရေးတွင်အစိုးရနှင့်လက်တွဲလုပ်ဆောင်ရေးကိစ္စတွေ၊ မူးယစ်ဆေးဝါးတိုက်ဖျက်ရေးကိစ္စတွေနဲ့ နေရပ်စွန့်ခွာသူများ၏ ပညာရေး၊ ကျန်းမာရေး၊ စားဝတ်နေရေးနှင့် နေရပ်ပြန်လည် နေထိုင်နိုင်ရေးတို့ ကိုဆွေးနွေးခဲ့ကြတယ်လို့ သိရပါတယ်။ဆွေးနွေးပွဲသို့ အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန (NRPC) အဖွဲ့ဝင်များ ဖြစ်ကြတဲ့ ပြည်ထောင်စုရှေ့နေ ချုပ် ဦးထွန်းထွန်းဦးနဲ့တာဝန်ရှိသူ (၇)ဦး ရှမ်းပြည်ပြန်လည်ထူထောင်ရေးကောင်စီ (RCSS)မှငြိမ်းချမ်းရေးဆွေးနွေးရေး ကိုယ်စားလှယ်အဖွဲ့ခေါင်းဆောင် စဝ်ဘောင်ခေးနဲ့ အတူတာဝန်ရှိသူ(၇)ဦး တို့တက်ရောက်ခဲ့ကြတယ်လို့ သိရပါတယ်။

 

 

Related News