ရန်ကုန်မြို့တော်စည်ပင်သာယာရေးကော်မတီဝင်အဆင့်ဆင့်ရွေးကောက်ပွဲဆိုင်ရာ သိမှတ်ဖွယ်ရာများ မျှဝေဆွေးနွေးခြင်း ခေါင်းစဉ်နဲ့ မတ်လ(၁၂)ရက်က ရန်ကုန်တက္ကသိုလ်၊ သိပ္ပံခန်းမမှာ New Myanmar Foundation ကဦးဆောင် ဆွေးနွေးပွဲ ပြုလုပ်ခဲ့တာဖြစ်ပါတယ်။ရန်ကုန်မြို့နေပြည်သူတွေအတွက် အလွန်အရေးပါတဲ့ စည်ပင်သာယာလုပ်ငန်းတွေကို စီမံခန့်ခွဲရတဲ့ မြို့တော်အဆင့်နဲ့ မြို့နယ်အဆင့်ကော်မတီတွေကို မဲပေးရွေးချယ်ရမှာဖြစ်ပြီး မိမိတို့သဘောထားဆန္ဒတွေနဲ့ ဒီမိုကရေစီနည်းလမ်းကျစွာ မဲပေးဆုံးဖြတ်ရွေးချယ်သင့်တာတွေကို ရှင်းလင်းဆွေးနွေးခဲ့ကြတယ်လို့ သိရပါတယ်။ ရန်ကုန်တက္ကသိုလ်က ဆရာ၊ဆရာမတွေ၊ကျောင်းသူ၊ကျောင်းသားတွေနဲ့ စည်ပင်သာယာရွေးကောက်ပွဲကို စိတ်ပါဝင်စားသူတွေ တက်ရောက်ခဲ့ကြပါတယ်။

စည်ပင်သာယာရွေးကောက်ပွဲ ကျင်းပတဲ့နေ့မှာ အသက်(၁၈)နှစ်ပြည့်ပြီးသူ နိုင်ငံသားများ၊ ဧည့်နိုင်ငံသားများ၊ နိုင်ငံသားနေထိုင်ခွင့်ရသူတွေအနေနဲ့ စည်ပင်သာယာနယ်နမိတ်အတွင်းမှာ အနည်းဆုံး တစ်နှစ်အခြေချနေထိုင်ပြီး သက်ဆိုင်ရာမဲဆန္ဒနယ်ရဲ့ မဲစာရင်းမှာပါဝင်သူတွေကို မဲပေးခွင့်ရှိတာဖြစ်ပါတယ်။ ဒါ့အပြင် မဲစာရင်းမှာ မိမိအမည်ပါရှိဖို့ အရေးကြီးသလို မဲစာရင်းကြေညာချိန်မှာလည်း သွားရောက်စစ်ဆေးဖို့ လိုအပ်ကြောင်းတွေပါ ဆွေးနွေးခဲ့ကြတာပါ။

မဲစာရင်းမပါရင်လည်း မဲစာရင်းထည့်သွင်းပေးဖို့တောင်းဆိုလွှာနဲ့ အချက်အလက် ပြင်ဆင်ဖို့ရှိရင်လည်း ပြင်ဆင်လွှာတွေကို သက်ဆိုင်ရာရပ်/ကျေးကော်မရှင်ထံမှာ တောင်းခံတင်သွင်း နိုင်တာတွေကို ရှင်းလင်းဆွေးနွေးခဲ့ကြပါတယ်။  ဒါ့ပြင် မဲသွားပေးရာမှာ မိမိနိုင်ငံသားစိစစ်ရေးကတ်ပြားကို တစ်ပါတည်းယူဆောင်သွားဖို့၊ မိမိရဲ့အမှတ်စဉ်ကို ကြိုတင်မှတ်သားထားဖို့နဲ့ ဒီနှစ်ခုကိုပြကာ မဲလက်မှတ်တွေ ထုတ်ယူရမှာဖြစ်ပါတယ်။ဒီလိုထုတ်ပေးလိုက်တဲ့ မဲလက်မှတ်တွေမှာ မဲရုံမှူးလက်မှတ်ပါ မပါ  စတဲ့အချက်တွေကို စစ်ဆေးသင့်ကြောင်းကိုလည်း ဆွေးနွေးခဲ့ပါတယ်။ဒါ့ပြင်ဒီဆွေးနွေးပွဲမှာ ဒေသန္တရဒီမိုကရေစီနဲ့ ရွေးကောက်ပွဲများအကြောင်း၊ စည်ပင်သာယာရွေး ကောက်ပွဲ ဆိုင်ရာဥပဒေမူဘောင်တွေ၊ ရွေးကောက်ပွဲနေ့မဲပေးမှုပုံစံတွေနဲ့ ပြည်သူလူထုရဲ့အခန်းကဏ္ဍစတဲ့ အကြောင်းအရာတွေကိုပါ ဆွေးနွေးခဲ့ကြပါတယ်။

 

 

Related News