ရွှေတိဂုံစေတီတော် ရွှေစင်ရွှေပြားသင်္ကန်းတော်ကပ်လှူပူဇော်မှုအနေနဲ့ လက်ရှိမှာ (၇၀)ရာခိုင်နှုန်းပြီးစီးနေပြီလို့ မတ်လ(၁၄)ရက်က စေတီတော် ရင်ပြင်တောင်ဘက်မုခ်ရှိ ရှေးဟောင်းဗုဒ္ဓရုပ်ပွားတော်များတန်ဆောင်းမှာ ပြုလုပ်ခဲ့တဲ့ သတင်းစာရှင်းလင်းပွဲမှ သိရပါတယ်။ရွှေတိဂုံစေတီတော်မှာလုံးတော်ပြည့်ရွှေစင်ရွှေပြားသင်္ကန်းတော်ကပ်လှူပူဇော်နိုင်ဖို့အတွက် ငြမ်းစေတီလုပ်ငန်းစတင်ခြင်းကို (၂၀၁၈)ခုနှစ် စက်တင်ဘာလ(၁၅)ရက်မှာစတင်ပြုလုပ်ခဲ့တာဖြစ်ပြီး ရွှေစင်ရွှေပြားသင်္ကန်းတော်ကပ်လှူပူဇော်ခြင်းကို မတ်လကုန်မှသာ အပြီးသတ်နိုင်မှာဖြစ်တယ်လို့သိရပါတယ်။လက်ရှိမှာတော့ ကြာမောက်ကြာလန်အပိုင်းက ရွှေပြားတွေ ပြန်လည်ကပ်လှူဖို့ကျန်ရှိနေပြီး ရွှေပြားအောက်ခံပြုလုပ်မယ့် ကြေးပြားရရှိမှုကလည်း အခက်အခဲရှိတာကြောင့် မူလသတ်မှတ်ရက်ထက်ကျော်လွန်မှ ပြီးစီးနိုင်မှာ လို့သိရပါတယ်။

ဒါ့အပြင် မြက်ပါးရွှေတွေကပ်လှူနိုင်ဖို့ မျက်ပါးအဟောင်းတွေကိုခွာချပြီး သစ်စေးသုတ်ချိန်မှာ မိုးရွာသွန်းခဲ့တာကြောင့် လုပ်ငန်းကြန့်ကြာမှုရှိခဲ့တယ်လို့သိရပါတယ်။စစ်ဆေးရေး အဖွဲ့ကလည်းအောက်ခံကြေးပြားတွေကို မျက်နှာပြင်ညီအောင်ပြန်လုပ်ဖို့အကြံပြုခဲ့တာကြောင့် ကြေးပြားတွေကို ခွာပြီး ပြန်ကပ်ဖို့(၁)လအချိန်ပိုယူရလို့ မတ်လကုန်မှသာအပြီးသတ်နိုင်မှာလို့သိရပါတယ်။စေတီတော်ကြီးကိုလုံးတော်ပြည့် ရွှေစင်ရွှေပြားသင်္ကန်းတော်ကပ်လှူဖို့အတွက် ဗဟိုကော်မတီ၊ ဆပ်ကော်မတီတွေဖွဲ့စည်းပြီးဆောင်ရွက်နေတယ်လို့သိရပါတယ်။လက်ရှိမှာတော့ ရွှေတိဂုံစေတီတော်ကို ရွှေသင်္ကန်းကပ်လှူမှုအနေနဲ့ (၇၀)ရာခိုင်နှုန်းထိပြီးစီးနေပြီလို့ သိရပါတယ်။ငြမ်းစေတီကိုတော့ ဧပြီလဆန်းမှာဖြုတ်ယူသွားမှာလို့သိရပါတယ်။ရွှေစင်ရွှေပြားများကို အများပြည်သူများလာရောက်လှူဒါန်းနိုင်ဖို့အတွက် ဖေဖော်ဝါရီလကုန်အထိ လှူဒါန်းမှုများကိုလက်ခံပေးခဲ့တာဖြစ်ပြီး လုံးတော်ပြည့်ရွှေစင်ရွှေပြားကပ်လှူခြင်းကိုတော့ ဧပြီလကုန်မှာ အပြီးဆောင်ရွက်နိုင်အောင် ပြုလုပ်သွားမယ်လို့သိရပါတယ်။

 

 

Related News