မြန်မာ့မီးရထားအနေနဲ့ ပြည်တွင်းကအရေးပါဆုံး မီးရထားလမ်းမကြီး(၄)ခုနဲ့ ရန်ကုန်မြို့ပတ်ရထားလမ်းများကို အဓိက အဆင့်မြှင့်တင်ခြင်းတွေ ပြုလုပ်နေတယ်လို့ မြန်မာ့မီးရထားမှ သိရပါတယ်။မြန်မာ့မီးရထားအနေနဲ့ ပြည်တွင်းကသွားလာမှုအများဆုံးနဲ့ အဓိကအရေးပါဆုံးမီးရထားလမ်းမကြီးတွေ ဖြစ်တဲ့ ရန်ကုန်-မန္တလေးမီးရထားလမ်းပိုင်း၊ မန္တလေး-မြစ်ကြီးနားမီးရထားလမ်းပိုင်း၊ ရန်ကုန်-ပဲခူး-မော်လမြိုင် မီးရထားလမ်းပိုင်းနဲ့ ရန်ကုန်-ပြည်မီးရထားလမ်းပိုင်းစတဲ့ လမ်းမကြီး (၄)ခုအပါအဝင် (4+1)အစီအစဉ်နဲ့ ရန်ကုန်မြို့ပတ်မီးရထားလမ်းကိုပါ အဆင့်မြှင့်တင် မှုတွေ ပြုလုပ်နေတယ်လို့ မြန်မာ့မီးရထား မြို့ပြအင်ဂျင်နီယာဌာနမှ အထွေထွေမန်နေဂျာ ဦးမောင်မောင်သွင်က ပြောပါတယ်။အဓိကအဆင့်မြှင့်တင်နေတဲ့ မီးရထားလမ်းပိုင်းတွေထဲက ရန်ကုန်-မန္တလေးမီးရထားလမ်းပိုင်းကို ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ(JICA)ရဲ့ အကူအညီနဲ့ လည်းကောင်း၊ မန္တလေး-မြစ်ကြီးနားမီးရထားလမ်းပိုင်းကို အဆင့်မြှင့် တင်ဖို့ရာအတွက် ကိုရီးယားနိုင်ငံမှ ချေးငွေအမေရိကန် ဒေါ်လာသန်း(၁၀၀) ရရှိရေးညှိနှိုင်းဆောင်ရွက်နေသလို နိုင်ငံတော်ရဲ့ ဘတ်ဂျက်ရဲ့ အဆင့်မြှင့်တင်မှုတွေကိုလည်း  ဆောင်ရွက်နေတယ်လို့ သိရပါတယ်။

ဒါ့အပြင် ကျန်ရှိနေတဲ့ ရန်ကုန်-ပဲခူး- မော်လမြိုင် လမ်းပိုင်းမှာတော့ ရန်ကုန်-ပဲခူးလမ်းပိုင်းဟာ ဂျပန်အပြည်ပြည်ဆိုင်ရာပူးပေါင်းဆောင်ရွက်ရေး အေဂျင်စီ(JICA)ရဲ့ အဆင့်မြှင့်တင်တဲ့လမ်းပိုင်းမှာ ပါဝင်နေပြီး ပဲခူး-မော်လမြိုင်လမ်းပိုင်းကိုတော့ နိုင်ငံတော်ဘတ်ဂျက်နဲ့ ဆောင်ရွက်နေတယ်လို့ သိရပါတယ်။ ကျန်ရှိနေတဲ့ ရန်ကုန်-ပြည် မီးရထားလမ်းပိုင်းကိုတော့ ADB ချေးငွေနဲ့ အကောင်အထည်ဖော်ဆောင်ရွက်နိုင်ရေး ညှိနှိုင်းနေတယ်လို့ သိရပါတယ်။ အဆင့်မြှင့်တင်မှုတွေထဲမှာ မီးရထားသံလမ်းအဆင့်မြှင့်ခြင်း၊ ဇလီဖားတုံးများ စနစ်မမှန်ခြင်း၊ အရေအတွက်နှင့် အကွာအဝေး မမှန်ခြင်းကို ပြုပြင်ခြင်းနဲ့ ရထားလမ်းတစ်ခုအတွက် အရေးကြီးဆုံးအရာတစ်ခုဖြစ်တဲ့ ကျောက်များကို သတ်မှတ်စံချိန်စံညွှန်း များနဲ့ အညီထည့်သွင်းခြင်းတွေ လုပ်ဆောင်သွားမယ်လို့ သိရပါတယ်။ ဒါ့အပြင် ယခင်က မီးရထား လမ်းများ ပြုပြင်ရာမှာ လူအားကိုအသုံးပြုခဲ့ပေမယ့် လက်ရှိလုပ်ဆောင်မယ့် အဆင့်မြှင့်တင်မှုမှာတော့ စက်တွေကို အသုံးပြုပြီးလုပ်သွားမယ်လို့ သိရပါတယ်။

 

 

Related News