မြန်မာနိုင်ငံရဲ့ စီးပွားရေးလုပ်ငန်းတွေမှာ ၉၉ ရာခိုင်နှုန်းဟာ MSMEs တွေဖြစ်တယ်လို့ ဒုတိယသမ္မတဦးမြင့်ဆွေက နေပြည်တော်ရှိ အပြည်ပြည်ဆိုင်ရာကွန်ဗန်း ရှင်းဗဟိုဌာန (၂) MICC-2 မှာ မတ်လ ၂၂ရက်က ကျင်းပပြုလုပ်ခဲ့တဲ့ နိုင်ငံတော်အဆင့် MSMEs ထုတ်ကုန်ပြပွဲနှင့် ပြိုင်ပွဲမှာ ပြောကြားခဲ့ပါတယ်။နိုင်ငံရဲ့စီးပွားရေးတိုးတက်မှုကို ဖော်ဆောင်ရာမှာ ကြုံတွေ့ရတဲ့ စိန်ခေါ်မှုတွေကို ကျော်လွှားနိုင်ဖို့နဲ့ ရေရှည်အကျိုးဖြစ်ထွန်းမှုကို ရှေးရှုတဲ့ စီးပွားရေးနဲ့လူမှုရေး ဖွံ့ဖြိုတိုးတက်မှု ဟန်ချက်ညီစေရန်အတွက် MSMEs တွေဟာ အဓိကမောင်းနှင်အားများ ဖြစ်ပါတယ်။  မြန်မာနိုင်ငံရဲ့ စီးပွားရေးလုပ်ငန်းတွေမှာ ၉၉ ရာခိုင်နှုန်းဟာ MSMEs တွေဖြစ်တာကြောင့် MSMEs များဖွံ့ဖြိုးတိုးတက်မှသာ နိုင်ငံရဲ့စီးပွားရေးလည်း ဖွံ့ဖြိုးတိုးတက်လာမှာ ဖြစ်တယ်လို့ ဒုတိယသမ္မတဦးမြင့်ဆွေက ပြောပါတယ်။

ယခုပြုလုပ်ခဲ့တဲ့ နိုင်ငံတော်အဆင့် MSMEs ထုတ်ကုန်ပြပွဲနဲ့ ပြိုင်ပွဲကတော့ တိုင်းဒေသကြီးနဲ့ ပြည်နယ်တွေမှာပြုလုပ်ခဲ့တဲ့ ထုတ်ကုန်ပြပွဲနှင့် ပြိုင်ပွဲ(၉)ခုမှာ ဆုရရှိခဲ့တဲ့ MSMEs လုပ်ငန်းများကို ထပ်မံယှဉ်ပြိုင်စေပြီး နိုင်ငံတော်အဆင့်ဆုများ ချီးမြှင့်သွားမယ့် ပြိုင်ပွဲတစ်ခုဖြစ်တယ်လို့သိရပါတယ်။ တိုင်းဒေသကြီးနဲ့ ပြည်နယ်တွေမှာပြုလုပ်ခဲ့တဲ့ ထုတ်ကုန်ပြပွဲပြိုင်ပွဲ(၉)ခုကို ၂၀၁၈ခုနှစ် ဖေဖော်ဝါရီလက စတင်ကျင်းပခဲ့ပြီး မန္တလေး၊ မကွေး၊ ပုသိမ်၊ တောင်ကြီး၊ မုံရွာ၊ ပဲခူး၊ ရန်ကုန်၊ မော်လမြိုင်နဲ့ မြိတ်မြို့ တွေမှာ ပြုလုပ်ခဲ့တယ်လို့သိရပါတယ်။နိုင်ငံတော်အဆင့် MSMEs ထုတ်ကုန်ပြပွဲနှင့် ပြိုင်ပွဲတွေကို MSMEs များ ဈေးကွက်ချဲ့ထွင်နိုင်ရေး၊ ဒေသအသီးသီးရှိ ထုတ်လုပ်မှုကဏ္ဍတွေနဲ့ ရောင်းဝယ်မှုကဏ္ဍများ အချင်းချင်းချိတ်ဆက်မှု ဖြစ်လာစေရေး၊ MSMEs တွေရဲ့ ယှဉ်ပြိုင်နိုင်စွမ်း မြင့်မားလာစေရေး၊ နည်းပညာနဲ့စီးပွားရေးဆိုင်ရာ အသိဥာဏ်မြင့်မားမှုနဲ့အတူ ပြည်တွင်းပြည်ပ အသေးစားအငယ်စားနဲ့ အလတ်စား စီးပွားရေးလုပ်ငန်းများဆိုင်ရာ အဖွဲ့အစည်းများနဲ့ ပူးပေါင်းဆောင်ရွက်လာနိုင်စေရေး၊ သွင်းကုန်အစားထိုးထုတ်ကုန်များ ပိုမိုများပြားလာစေရေးနဲ့ တီထွင်ကြံဆမှု စွန့်စားမှုတွေနဲ့ ဆန်းသစ်တဲ့ထွက်ကုန်တွေ ထုတ်လုပ်လာနိုင်စေရေးတို့ကို မျှော်မှန်းပြီး ကျင်းပပေးခဲ့ခြင်းဖြစ်တယ်လို့  သိရပါတယ်။

 

 

Related News