အခုလာမယ့် မတ်လ(၃၁)ရက်မှာ ကျင်းပမယ့် ရန်ကုန်မြို့တော်စည်ပင်သာယာရွေးကောက်ပွဲမှာ မဲရုံအသစ် (၁၈)ရုံ တိုးချဲ့တည်ဆောက်မှာဖြစ်ပြီး မဲရုံစုစုပေါင်း(၂၉၀၀)နီးပါးရှိမယ်လို့ ရန်ကုန်မြို့တော်စည်ပင်သာယာရွေး ကောက်ပွဲ ကော်မရှင် ဥက္ကဋ္ဌ ဦးအောင်ခိုင်က ပြောပါတယ်။ယခင်က စာသင်ကျောင်းတွေ၊ ဌာနဆိုင်ရာ အဆောက်အဦးတွေ စတဲ့နေရာတွေမှာ မဲရုံအဖြစ် သတ်မှတ် လုပ်ဆောင်တာများပြီး မဲရုံအဖြစ် သီးသန့်ဆောက်လုပ်ဖြစ်တာမရှိသလောက် နည်းပါးခဲ့တယ်လို့ ရန်ကုန်မြို့တော်စည်ပင်သာယာရွေးကောက်ပွဲကော်မရှင် ဥက္ကဋ္ဌ ဦးအောင်ခိုင်က ပြောပါတယ်။ ဒီလိုနေရာတွေမှာ ဒီနှစ်နေရာမပေးနိုင်တော့တဲ့ အခြေအနေတွေကြောင့် မဲရုံအသစ် တည်ဆောက်ရတာဖြစ်ပြီး မဲရုံအသစ်(၁၈)ရုံတည်ဆောက်မှာဖြစ်တယ်လို့သိရပါတယ်။ အသစ်တည်ဆောက်ရမယ့် မဲရုံတွေကိုတော့ ၀ါး၊ထရံ စတဲ့ ပစ္စည်းတွေနဲ့ယာယီတည်ဆောက်မှာဖြစ်ပြီး တစ်ရုံကို ကျပ်တစ်သိန်းနှစ်သောင်းခန့် ကုန်ကျမယ်လို့လည်း သိရပါတယ်။ ဒီမဲရုံတွေကို သက်ဆိုင်ရာမြို့နယ်အလိုက် စည်ပင်သာယာရေးကော်မတီတွေနဲ့ အုပ်ချုပ်ရေးဆိုင်ရာ အဖွဲ့အစည်းတွေက ပူးပေါင်းဆောက်လုပ်ကြမှာဖြစ်တယ်လို့သိရပါတယ်။

မဲရုံအရေအတွက်အနေနဲ့ ပြီးခဲ့တဲ့  (၂၀၁၄)ခုနှစ်ရန်ကုန်မြို့တော်စည်ပင်သာယာရွေးကောက်ပွဲထက် ဆယ်ဂဏာန်းလောက်ပိုများပြီး မဲရုံစုစုပေါင်း (၂၉၀၀)နီးပါရှိမယ် လို့ရန်ကုန်မြို့တော်စည်ပင် သာယာရွေးကောက်ပွဲကော်မရှင်ဥက္ကဋ္ဌ ဦးအောင်ခိုင်က ပြောပါတယ်။ မဲပေးမှုအတိုင်းအတာအရ(၂၀၁၄)ခုနှစ်က မဲရုံတစ်ရုံကို အများဆုံး(၂၀၀)ခန့်သာ လာရောက်မဲပေးကြတာ ဖြစ်ပြီး အခု(၂၀၁၉)ရန်ကုန်မြို့တော်စည်ပင်သာယာရွေးကောက်ပွဲမှာတော့ မဲရုံတစ်ရုံကို မဲဆန္ဒရှင်ဦးရေ (၅၀၀)ကနေ(၁၅၀၀) အထိ မဲပေးနိုင်အောင် သတ်မှတ်စီစဉ်ထားပေမယ့် အများဆုံး(၂၀၀၀)၀န်းကျင်ခန့် မဲပေးနိုင်အောင် စီစဉ်ထားတယ်လို့လည်း သိရပါတယ်။

 

 

Related News