ရှေးဟောင်းသုတေသနနှင့် အမျိုးသားပြတိုက်ဦးစီးဌာနကဦးစီးပြီး မြောက်ဦးယဉ်ကျေးမှုအမွေအနှစ်ဒေသကို ကမ္ဘာ့အမွေအနှစ်စာရင်းဝင်အဖြစ်သတ်မှတ်နိုင်ဖို့အတွက်  နိုင်ငံတကာပညာရှင်များ၊ ပြည်တွင်းကပညာရှင်များပူးပေါင်းပြီး ညှိနှိုင်းအစည်းအဝေးကို မတ်လ(၂၈)ရက်နဲ့(၂၉)ရက်က ပြည်လမ်းရှိ ရှေးဟောင်းသုတေသနနှင့် အမျိုးသားပြတိုက်ဦးစီးဌာနခွဲမှာ ပြုလုပ်ခဲ့တာဖြစ်ပါတယ်။အခုလိုပြုလုပ်ရတာက မြန်မာ့ယဉ်ကျေးမှုအမွေအနှစ်ကို ပြည်သူတွေသိရှိပြီးထိန်းသိမ်းတတ်စေဖို့၊ တိမ်မြုပ်ပျောက်ကွယ်လုနီးပါးဖြစ်နေတဲ့ မြန်မာ့ယဉ်ကျေးမှုအမွေအနှစ်တွေပြန်လည်ပေါ်ထွန်းလာစေဖို့ ရည်ရွယ်ပြီး ပြုလုပ်ခဲ့တာဖြစ်ပါတယ်။

အခုပြုလုပ်ခဲ့တဲ့ ညှိနှိုင်းအစည်းအဝေးပွဲမှာ ရေအရင်းအမြစ်စီမံခန့်ခွဲရေးဆိုင်ရာဆပ်ကော်မတီ၊ ရှေးဟောင်းသုတေသနဆိုင်ရာအထောက်အထားများရှာဖွေရေးဆိုင်ရာဆပ်ကော်မတီ၊ ပထ၀ီသတင်းအချက်အလက်စုဆောင်းမှတ်တမ်းပြုစုရေးဆပ်ကော်မတီ၊မြေပုံရေးဆွဲရေးဆပ်ကော်မတီ၊ အဆိုပြုလွှာ(မူကြမ်း)ရေးသားရေးဆပ်ကော်မတီ၊ Management Plan ရေးဆွဲရေးဆပ်ကော်မတီ၊ ယဉ်ကျေးမှုအမွေအနှစ်ပညာပေး ရေးနှင့် ပူးပေါင်းဆောင်ရွက်ရေးဆပ်ကော်မတီ ၊မြောက်ဦးဇုန်နယ်နိမိတ်ပြင်ဆင်ရေးဆွဲရေး ဆပ်ကော်မတီ၊ရှေးဟောင်းအ ဆောက်အအုံများ မှတ်တမ်းပြုစုရေးဆပ်ကော်မတီ၊စတဲ့ ဆပ်ကော်မတီတွေအပြင် ရှေးဟောင်းပစ္စည်းများမှတ်တမ်းပြုစုရေးဆပ်ကော်မတီ၊ဒြပ်မဲ့ယဉ်ကျေးမှုအမွေအနှစ်များမှတ်တမ်းပြုစုရေးဆပ်ကော်မတီ၊ပတ်ဝန်းကျင်ထိန်းသိမ်းရေးစီမံချက်ရေးဆွဲရေးဆပ်ကော်မတီ၊သမိုင်းအထောက်အထားများရှာဖွေရေးဆပ်ကော်မတီနဲ့ အမွေအနှစ်အပေါ် သက်ရောက်မှုများအား ဆန်းစစ်ရေးဆပ်ကော်မတီတို့ ကနေ မြောက်ဦးဒေသရဲ့လုံခြုံရေးဆိုင်ရာအခြေအနေတွေကို အပြန်အလှန်ဆွေး နွေးပြောကြားခဲ့ကြတယ်လို့သိရပါတယ်။လက်ရှိမှာမြောက်ဦးယဉ်ကျေးမှုအမွေအနှစ်ဒေသကို ကမ္ဘာ့အမွေအနှစ်စာရင်းဝင်အဖြစ်သတ်မှတ်နိုင်ဖို့အတွက် ဆွေးနွေးညှိနှိုင်းအစည်းအဝေးတွေ ပြုလုပ်လျက်ရှိပြီး  (၂၀၁၉)ခုနှစ်စက်တင်ဘာလအတွင်းမှာတော့ ကမ္ဘာ့အမွေအနှစ်စာရင်းဝင်အဖြစ်သတ်မှတ်နိုင်ဖို့ လုပ်ဆောင်သွားမယ်လို့သိရပါတယ်။

 

 

Related News