မတ်လ(၃၁)ရက်မှာ ကျင်းပမယ့် ရန်ကုန်မြို့တော်စည်ပင်သာယာကော်မတီအဆင့်ဆင့် ရွေးကောက်ပွဲမှာ မဲဆန္ဒရှင် ပြည်သူ တွေအနေနဲ့ ပါတီစွဲမထားဘဲ မြို့တော်ဖွံ့ဖြိုးရေးကို အမှန်တကယ်လုပ်နိုင်မယ့် ပုဂ္ဂိုလ်တွေကို ရွေးချယ်ကာ ဆန္ဒမဲပေးကြဖို့ ရန်ကုန်မြို့တော်စည်ပင်သာယာရွေးကောက်ပွဲကော်မရှင် ဥက္ကဋ္ဌ ဦးအောင်ခိုင်က တိုက်တွန်းထားပါတယ်။ရန်ကုန်မြို့နေပြည်သူတွေရဲ့နေ့စဉ်လူနေမှုဘ၀နဲ့ တိုက်ရိုက်ပတ်သက်နေတဲ့ စည်ပင်သာယာ လုပ်ငန်းတွေကို စီမံခန့်ခွဲရတဲ့ မြို့တော်အဆင့်နဲ့ မြို့နယ်အဆင့် ကော်မတီဝင်တွေကို မဲပေးရွေးချယ်ရမှာ ဖြစ်ပါတယ်။ ဒီလိုမဲပေးရာမှာ မိမိတို့သဘောထား၊ ဆန္ဒတွေကို အကောင်အထည်ဖော်လုပ်ဆာင်နိုင်မယ့် ကိုယ်စားလှယ် လောင်းတွေကို ဒီမိုကရေစီနည်းလမ်းကျစွာ ရွေးချယ် ဆုံးဖြတ် မဲပေးကြရမှာလည်း ဖြစ်ပါတယ်။ ဒါကြောင့် ရန်ကုန်မြို့တော်စည်ပင်သာယာကော်မတီအဆင့်ဆင့် ရွေးကောက်ပွဲဟာ ရန်ကုန်မြို့နေပြည်သူတွေနဲ့ မြို့တော်အတွက် အရေးကြီးတဲ့ ရွေးကောက်ပွဲတစ်ခုလည်းဖြစ်ပါတယ်။

ဒါ့ကြောင့် မဲစာရင်းမှာ ပါဝင်တဲ့ မဲဆန္ဒရှင်ပြည်သူတွေအနေနဲ့တော့ မဖြစ်မနေ ဆန္ဒမဲပေးဖို့လိုအပ်တာလည်း ဖြစ်ပါတယ်။ နည်းဥပဒေအရ ဒီရွေးကောက်ပွဲမှာ နိုင်ငံရေးပါတီ၊ အဖွဲ့အစည်းတွေနဲ့ တစ်သီးပုဂ္ဂလိက စတဲ့ကိုယ်စားလှယ်လောင်းတွေဟာ သက်ဆိုင်ရာ အဆင့်အလိုက် အသီးသီးဝင် ရောက်ယှဉ်ပြိုင်ကြမှာ လည်းဖြစ်ပါတယ်။ ဒီအတွက် မဲဆန္ဒရှင်ပြည်သူတွေအနေနဲ့ ပါတီစွဲမထား ဘဲ မြို့တော်ဖွံ့ဖြိုးရေးကို အမှန်တကယ်လုပ်နိုင်မယ့် ပုဂ္ဂိုလ်တွေကို ရွေးချယ်ကာ ဆန္ဒမဲပေးကြဖို့ ရန်ကုန်မြို့တော် စည်ပင် သာယာရွေးကောက်ပွဲကော်မရှင် ဥက္ကဋ္ဌ ဦးအောင်ခိုင်က တိုက်တွန်းထားတာပါ။ဒီနေ့ မတ်လ(၃၀)ရက် တစ်ရက် ကိုတော့  မဲဆွယ်စည်းရုံးမှုရပ်နားရမယ့်ရက် (Silent Day) အဖြစ် ရန်ကုန်မြို့တော် စည်ပင် သာယာရွေးကောက်ပွဲကော်မရှင်က သတ်မှတ်ထားတာဖြစ်ပါတယ်။ ရွေးကောက်ပွဲကျင်းပတဲ့နေ့ မတ်လ(၃၁)ရက်မှာ အသက် (၁၈)နှစ်ပြည့်ပြီးသူ နိုင်ငံသား၊ ဧည့်နိုင်ငံသားနဲ့ နိုင်ငံသားပြုခွင့်ရသူတွေအနေနဲ့ စည်ပင်သာယာနယ်နမိတ်အတွင်း အနည်းဆုံး တစ်နှစ်အခြေချနေထိုင်ပြီး သက်ဆိုင်ရာမဲဆန္ဒနယ်ရဲ့ မဲစာရင်းမှာပါဝင်သူတွေ မဲပေးခွင့်ရှိတာဖြစ်ပါတယ်။ ဒီရွေးကောက်ပွဲမှာ မဲပေးခွင့်ရှိသူ(၃.၄)သန်းရှိပြီး မဲရုံအရေအတွက်အနေနဲ့ (၂၉၀၀)နီးပါရှိတယ်လို့ သိရပါတယ်။

 

 

Related News