မြန်မာနိုင်ငံမှာ နိုင်ငံခြားသားအမြဲနေထိုင်ခွင့်လျှောက်ထားသူများအနက်နိုင်ငံခြားသား အမြဲနေထိုင်ခွင့်ပြုခြင်းဆိုင်ရာ အကောင်အထည်ဖော်ရေးဗဟိုကော်မတီမှ စိစစ်အတည်ပြုပြီးသူများအား လူတွေ့မေးမြန်းအကဲဖြတ်ခြင်းကို ဧပြီလ ၂၃ ရက်ကနေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန အစည်းအဝေးခန်းမမှာ ပြုလုပ်ခဲ့ပါတယ်။ဒီအခမ်းအနားကို နိုင်ငံခြားသားအမြဲနေထိုင်ခွင့်ပြုခြင်းဆိုင်ရာ အကောင်အထည်ဖော်ရေးဗဟို ကော်မတီဥက္ကဋ္ဌ၊ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီး ဌာန၊ ပြည်ထောင်စုဝန်ကြီး ဦးသိန်းဆွေ၊ ဗဟိုကော်မတီဝင်များနှင့်တာဝန်ရှိသူများတက်ရောက် ခဲ့ကြသည်။

ဒီအခမ်းအနားမှာ ဗဟိုကော်မတီဥက္ကဋ္ဌ၊ ပြည်ထောင်စုဝန်ကြီး ဦးသိန်းဆွေက အမှာစကား ပြောကြားရာတွင်  မြန်မာနိုင်ငံမှာ နိုင်ငံခြားသားများအား ကျွမ်းကျင်ပညာရှင်၊ ရင်းနှီးမြှုပ်နှံသူ၊ မြန်မာနိုင်ငံသားဟောင်းနှင့် ယင်းတို့နှင့် သွေးချင်း ဆက်စပ်သူများဆိုပြီး အမျိုးအစား(၄)မျိုးခွဲခြား သတ်မှတ်ကာ နိုင်ငံခြားသားအမြဲနေထိုင်ခွင့်စနစ် ကျင့်သုံးခွင့်ပြု ဆောင်ရွက်ပေးလျက်ရှိပါကြောင်း၊ ယင်းကဲ့သို့ လျှောက်ထားသူများအား ထုတ်ပြန်ပြဋ္ဌာန်းထားသည့် နည်းဥပဒေနှင့်အညီဖြစ်စေရေး အတွက် လုပ်ငန်းကော်မတီ၊ ဗဟိုကော်မတီတို့မှအဆင့်ဆင့်စိစစ်ရွေးချယ်ကာ လူတွေ့မေးမြန်း အကဲဖြတ်၍ အဆင့်ဆင့်အတည်ပြုပြီးအမြဲနေထိုင်ခွင့် ခွင့်ပြုပေးခြင်းဖြစ်ကြောင်း၊ ယခုလည်း ဗဟိုကော်မတီမှစိစစ်အတည်ပြုပြီး သူများအား လူကိုယ်တိုင်တွေ့ဆုံမေးမြန်း အကဲဖြတ်ကာ အမြဲနေထိုင်ရန်ခွင့်ပြုသင့်၊ မပြုသင့်ကို ကော်မတီဝင်များအနေဖြင့် ၀ိုင်းဝန်းအကြံပြုဆွေးနွေးပေးကြရန်ဖြစ်ပါကြောင်းဖြင့် ရှင်းလင်းပြောကြားသည်။မြန်မာနိုင်ငံမှာ  နိုင်ငံခြားသားအမြဲနေထိုင်ခွှင့်ပြုခြင်းဆိုင်ရာလုပ်ငန်းစတင်ဆောင်ရွက်သည့် ၂၀၁၅ ခုနှစ်၊ ဇန်န၀ါရီလ (၂၉)ရက်မှ ယခုအထိ နိုင်ငံခြားသားစုစုပေါင်း(၅၉၈)ဦး အမြဲနေထိုင်ခွင့် လျှောက်ထားသည့်အနက် (၄၈၀)ဦးကိုခွင့်ပြုပေးခဲ့ပြီး နိုင်ငံခြားသားအမြဲနေ ထိုင်ခွင့်လက်မှတ်နှင့်ကတ်ပြားများ ထုတ်ပေးဆောင်ရွက်လျက်ရှိသည်။ ယခုအခါ ဗဟိုကော်မတီမှစိစစ်အတည်ပြုပြီးသူများအနက်(၂၇)ဦးအား လူတွေ့မေးမြန်းအကဲဖြတ်အတည်ပြုဆောင်ရွက် မည်ဖြစ်ပြီး အတည်ပြုပြီးပါက အထက်အဆင့်ဆင့်သို့တင်ပြ၍ နေထိုင်ခွင့်လက်မှတ်နှင့် ကတ်ပြားများထုတ်ပေးနိုင်ရေး ဆောင်ရွက်သွားမည်ဖြစ်ကြောင်းသတင်းရရှိသည်။

 

 

 

 

Related News