မြန်မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ်နဲ့ အဖွဲ့ဝင်အလုပ်သမားသမဂ္ဂများပါဝင်တဲ့ နိုင်ငံဝန်ထမ်းများ ဥပဒေပြင်ဆင်ခြင်းဆိုင်ရာ ဆွေးနွေးပွဲကို ဧပြီလ(၂၃)ရက်က မန္တလေးမြို့ မန္တလေးစက်မှုဇုန်စီမံခန့်ခွဲရေးကော်မတီ၊ ကနောင်ခန်းမမှာ ပြုလုပ်ခဲ့ပါတယ်။ အခုပြုလုပ်ခဲ့တဲ့နိုင်ငံ့ဝန်ထမ်းများဥပဒေပြင်ဆင်ခြင်းဆိုင်ရာ ဆွေးနွေးပွဲဟာ လက်ရှိအစိုးရဝန်ထမ်းများနှင့် အကျုံးဝင်နေသည့် ဥပဒေများအပေါ် ခေတ်နှင့် လျော်ညီသောဥပဒေများဖြစ်ရန်အတွက် ဆွေးနွေးမှုရလဒ်များအပေါ်ပြန်လည် သုံးသပ်တဲ့အလုပ်ရုံဆွေးနွေးပွဲ ဖြစ်ပါတယ်။ အစိုးရဝန်ထမ်း၊ နိုင်ငံ့ဝန်ထမ်းတွေကို ကိုင်တွယ်ကျင့်သုံးနေတဲ့ အချို့သော ဥပဒေတွေမှာ ခေတ်နဲ့မလျော်ညီတော့တာ၊ ခံစားရပိုင်ခွင့်တွေမှာ ပြုပြင်ဖို့လိုအပ်နေတာတွေကို ဝိုင်းဝန်းဆွေးနွေးပြီးတူညီတဲ့အချက်တွေထုတ်ဖို့ ဒုတိယအကြိမ်ဆွေးနွေးတာဖြစ်တယ်လို့ သိရပါတယ်။

လက်ရှိဆွေးနွေးမှုတွေမှာ နိုင်ငံ့ဝန်ထမ်းရေးရာ ကော်မတီဖွဲ့စည်းနိုင်ခြင်း၊ အငြင်းပွားမှု၊ အချိန်ပိုလုပ်အားခ၊ လုပ်ငန်းခွင်ဘေးအန္တရာယ် ကင်းရှင်းရေးနှင့် ကျန်းမာရေး၊ ခွင့်ရက်အကျိုးခံစားခွင့်၊ လုပ်အားခ၊ လူမှုဖူလုံရေး၊ ရာထူးတိုးမြှင့်ခြင်း၊ အမိန့် ညွှန်ကြားချက်ထုတ်ပြန်ခြင်း၊ အလုပ်ခန့်ထားခြင်း၊ အလုပ်တာဝန်ပြောင်းရွှေ့ထမ်းဆောင်စေခြင်းဆိုင်ရာ ကိစ္စရပ်တွေပါဝင်တယ်လို့သိရပါတယ်။ ဒီဆွေးနွေးမှုတွေကို ဆက်လက်အချိန်ယူပြုလုပ်သွားမှာဖြစ်ပြီး နောက်ဆုံးရလဒ်တွေကို ဥပဒေပြုပုဂ္ဂိုလ်၊ ပြည်သူ့လွှတ်တော်၊ အမျိုးသားလွှတ်တော်အထိ ဆက်လက်တင်ပြသွားမယ်လို့ သိရပါတယ်။အဖွဲ့ဝင်အလုပ်သမားသမဂ္ဂများပါဝင်တဲ့နိုင်ငံ့ဝန်ထမ်းများ ဥပဒေပြင်ဆင်ခြင်းဆိုင်ရာ ဆွေးနွေးပွဲကိုမကွေးတိုင်းဒေသကြီး၊ စလေမြို့မှာ ပထမဆုံး အကြိမ်ပြုလုပ်ခဲ့ပြီး ကျန်တိုင်းနဲ့ပြည်နယ်တွေမှာလည်း ဆက်လက်ပြုလုပ်သွားဖို့ရှိတယ်လို့ သိရပါတယ်။

 

 

Related News