အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့မှာ  (၂၀၁၉)ခုနှစ် ဧပြီလနောက် ဆုံးပတ်အထိလူမှုဖူလုံရေးအာမခံအလုပ်သမား(၁.၃)သန်းကျော်ထိတိုးလာတယ်လို့ သိရပါတယ်။အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့ မှာ(၂၁၁၂)ခုနှစ်လူမှုဖူလုံရေးဥပဒေ စတင်ကျင့်သုံးစဉ်က အာမခံအလုပ်သမား(၇)သိန်းကျော်သာရှိခဲ့ပြီး အခု(၂၀၁၉)ခုနှစ် ဧပြီလနောက်ဆုံးပတ်အထိ လူမှုဖူလုံရေးအာမခံအလုပ်သမား(၁.၃)သန်းကျော်ထိ တိုးလာတယ်လို့သိရပါတယ်။လက်ရှိမှာလူမှုဖူလုံရေးအဖွဲ့ အနေနဲ့လူမှုဖူလုံရေးအာမခံထည့်ဝင်ကြေးစုဆောင်းငွေပေါင်း(၃၅၀)ဘီလီယံကျော်ရှိပြီး မြန်မာ့စီးပွားရေးဘဏ်မှာအပ်နှံထားတယ်လို့သိရပါတယ်။လူမှုဖူလုံရေးဥပဒေအရ ရင်းနှီးမြုပ်နှံမှုအစီအစဉ်တွေကိုလုပ်ဆောင်ဖို့ ရင်းနှီးမြုပ်နှံမှုအမျိုးသားအဆင့်လူမှုဖူလုံရေးအစည်းအဝေးကိုကျင်းပပြီး စီးပွားရေးပညာရှင်တွေ၊ ဌာနဆိုင်ရာမှတာဝန်ရှိသူတွေနဲ့ ညှိနှိုင်းဆောင်ရွက်သွားဖို့ရှိတယ်လို့သိရပါတယ်။အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ၊ လူမှုဖူလုံရေးအဖွဲ့အနေနဲ့ (၂၀၁၂)ခုနှစ် လူမှုဖူလုံရေးဥပဒေပါ အာမခံစနစ်(၆)မျိုးထဲမှလူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အဖွဲ့ပိုင်ဆေးရုံကြီး (၃)ရုံ၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၆) ခန်း၊ကဲဝဲလ်ဆေးခန်း (၄) ခန်း၊ တိုင်းရင်ဆေးကုခန်း (၁) ခန်း၊ ရွေ့လျားဆေးကုသယာဉ် (၂) စင်း၊ PPS စနစ်ဆေးခန်း(၇)ခန်းတို့နဲ့ ၀န်ဆောင်မှုပေးနေတယ်လို့သိရပါတယ်။

 

 

Related News